ໂດ້ຟິວຂາດ!!ດ່າແຟນບານຊຸດຂາວວ່າພວກລູກໂສເພນີ

 

ອາລົມພາໄປ!! ຄຣິສຕຽນໂນ ໂຣເນົາໂດ ຊູເປີສະຕາຂອງ ເຣອັນ ມາດຣິດ ຟິວຂາດໂຕ້ຕອບແຟນບານ “ລາຊາຊຸດຂາວ” ທີ່ສົ່ງສຽງໂຫ່ເຂົາຫຼັງຈາກທີ່ພາດທີ່ເສຍບານລະຫວ່າງເກມຖະລົ່ມ ເຣອັນ ໂຊຊີດາດ ໂດຍການດ່າວ່າເປັນພວກລູກໂສເພນີ.

 

ຄຣິສຕຽນໂນ ໂຣເນົາໂດ ສະຕາດັງຂອງ ເຣອັນ ມາດຣິດ ສະໂມສອນຂອງ ລາ ລີກາ ສະເປນເອີ້ນແຟນບານຂອງ “ລາຊາຊຸດຂາວ” ວ່າລູກໂສເພນີຫຼັງຈາກທີ່ໂມໂຫທີ່ຖືກສົ່ງສຽງໂຫ່ລະຫວ່າງເກມລີກທີ່ເປີດຮັງເອົາຊະນະ ເຣອັນ ໂຊຊີດາດ 3-0 ເມື່ອວັນອາທິດທີ່ຜ່ານມາ ຈາກການລາຍງານຂອງ ເດິ ຊັນ ສື່ເມືອງຜູ້ດີເມື່ອວັນຈັນທີ່ຜ່ານມາ.

 

ແຟນບານຜິດຫວັງກັບຜົນງານໃນຊ່ວງຕົ້ນເກມຂອງດາວດັງຊາວປັອກຕຸຍການກ່ອນສົ່ງສຽງໂຫ່ຫຼັງເຂົາເສຍບານໃນນາທີທີ່ 23 ສົ່ງຜົນໃຫ້ ໂຣເນົາໂດ ທີ່ລະເບີດຟອມຍິງ 1 ຈ່າຍ 1 ໃນນັດນີ້ໂມໂກຈົນຄວບຄຸມສະຕິບໍ່ຢູ່ ແລະ ໂຕ້ຕອບໂດຍການດ່າດ້ວຍຄຳດັ່ງກ່າວເຊິ່ງກ້ອງສະຖານີໂທລະພາບຂອງສະເປນຈັບພາບເອົາໄວ້ໄດ້ພໍດີ.

 

ປັດຈຸບັນ ເຣອັນ ມາດຣິດ ຢູ່ຈ່າຝູງຂອງຕາລາງມີ 46 ຄະແນນນຳ ບາເຊໂລນາ ທີ່ແຂ່ງຫຼາຍກວ່າ 1 ນັດຢູ່ທີ່ 4 ຄະແນນ.