ໂງ່​ມາ​ທັງ​ຊີວິດ​ ຫາກໍ່​ຮູ້​ວ່າ​ວິທີ​ການ​ກຳຈັດ​ “ຮອຍ​ແຜ​ເປັນ​” ຈາກ​ສິວ​ຢ່າງ​ວ່ອງໄວເຮັດ​ກັນ​ແບບ​ນີ້​ເອງ​!!

1.ທາ​ນ້ຳ​ໝາກ​ນາວ​ສົດ​

ນ້ຳ​ໝາກ​ນາວ​ສາມາດ​ຊ່ວຍ​ໃຫ້​ສີ​ຂອງ​ແຜ​ເປັນ​ ສີ​ອ່ອນ​ລົງ​ລົງ​ໄດ້​ ໃຫ້​ປະສົມ​ນ້ຳ​ກັບ​ໝາກ​ນາວ​ ໃນ​ອັດ​ຕ​າ​ສ່ວນ​ທີ່​ເທົ່າ​ກັນ​ ນຳ​ມາ​ທາ​ຮອຍ​ແຜ​ເປັນ​ ເມື່ອ​ເວລາ​ຜ່ານ​ໄປ​ 15-20 ນາ​ທີ​ ກໍ​ລ້າງ​ອອກ​ໄດ້​ ຫຼັງ​ຈາກ​ລ້າງ​ອອກ​ແລ້ວ​ໃຫ້​ເຕີມ​ຄວາມ​ຊຸ່ມ​ຊື້ນ​ໃຫ້​ຜິວ​ທັນ​ທີ​ ເນື່ອງ​ຈາກ​ກົດ​ຊິ​ຣິກ​ໃນ​ໝາກ​ນາວ​ ສາມາດ​ເຮັດໃຫ້​ຜິວ​ແຫ້ງ​ໄດ້​ໄວ​ຫລາຍ.​

2.ຂັດ​ໜ້າ​ດ້ວຍ​ຜົງ​ຟູ​

ຜົງ​ຟູ​ສາມາດ​ນຳ​ມາ​ຂັດ​ຜິວ​ໜ້າ​ ຫຼຸດ​ຂະໜາດ​ຮອຍ​ແຜ​ເປັນ​ຈາກ​ສິວ​ໄດ້​ ປະສົມ​ຜົງ​ຟູ​ 1 ບ່ວງ​ຊາ​ ເຂົ້າ​ກັບ​ນ້ຳ​ 2 ບ່ວງຊາ​ ທາ​ທົ່ວ​ທັງ​ໜ້າ​ ແລ້ວ​ນວດ​ວົນ​ໆ​ ໃຫ້​ຜົງ​ຟູ​ເຂົ້າ​ກັບ​ຜິວ​ໜ້າ​ ໂດຍ​ເນັ້ນ​ທີ່​ຮອຍ​ແຜ​ເປັນ​ຈັກ​ 2 ນາ​ທີ​ ຈາກ​ນັ້ນ​ລ້າງ​ໜ້າ​ດ້ວຍ​ນ້ຳ​ອຸ່ນ​ແລະ​ຊັບ​ໜ້າ​ໃຫ້​ແຫ້ງ​.

ອາດ​ໃຊ້​ຜົງ​ຟູ​ກັບ​ນ້ຳ​ຮັກສາ​ແບບ​ສະເພາະ​ຈຸດ​ໄດ້​ຄືກັນ​ ທາ​ທີ່​ແຜ​ເປັນ​ໂດຍ​ກົງ​ ຖິ້ມ​ໄວ້​ 10-15 ນາ​ທີ​ ກ່ອນ​ຈະ​ລ້າງ​ອອກ.​

3.ໃຊ້​ນ້ຳ​ເຜີ້ງ​

ນ້ຳ​ເຜີ້ງ​ ຄື​ຢາ​ຮັກສາ​ຈາກ​ທຳມະຊາດ​ສຳລັບ​ກຳຈັດ​ສິວ​ສ້ຽນ​ແລະ​ຮອຍ​ແດງ​ຈາກ​ສິວ​ຈະ​ຊ່ວຍ​ຫຼຸດ​ການ​ອັກ​ເສບ​ ຕ້ອງ​ເປັນ​ນ້ຳ​ເຜີ້ງ​ທີ່​ບໍ່​ປຸ່ງ​ແຕ່ງ​ ນ້ຳ​ເຜີ້ງ​ຈະ​ຊ່ວຍ​ມອບ​ຄວາມ​ຊຸ່ມ​ຊື້ນ​ແກ່​ຜິວ.​

4.ວ່ານ​ຫາງ​ແຂ້​

ວຸ້ນ​ຂອງ​ວ່ານ​ຫາງແຂ້ ຈະ​ຊ່ວຍ​ປອບ​ປະ​ໂລມ​ຜິວ​ຕາມ​ທຳມະຊາດ​ ຊຶ່ງ​ສາມາດ​ນຳ​ມາ​ໃຊ້​ ບັນ​ເທົາ​ໄດ້​ຫຼາຍ​ຢ່າງ​ຕັ້ງ​ແຕ່​ ແຜ​ໄຟ​ໄໝ້​, ແຜສົ​ດ,​ ແຜ​ເປັນ​ຈາກ​ສິວ​ ວ່ານ​ຫາງ​ແຂ້​ຈະ​ຊ່ວຍ​ຟື້ນ​ຟູ​ແລະ​ເພີ່ມ​ຄວາມ​ຊຸ່ມ​ຊື້ນ​ແກ່​ຜິວ.​

5.ໃຊ້​ນ້ຳ​ແຂງ​ກ້ອນ​

ການ​ໃຊ້​ນ້ຳແຂງ​ ເປັນ​ວິທີ​ທີ່​ເຮັດ​ໄດ້​ງ່າຍໆ​ຈາກ​ທີ່​ບ້ານ​ ສາມາດ​ຊ່ວຍ​ໃຫ້​ຮອຍ​ສິວ​ຈາງ​ລົງ​ ດ້ວຍ​ການ​ປອບ​ໂຢນ​ຜິວ​ທີ່​ອັກ​ເສບ​ແລະ​ຫຼຸດ​ຮອຍ​ແດງ​ ໃຫ້​ເຈົ້າ​ໃຊ້​ຜ້າ​ສະ​ອາດ​ ຫໍ່​ນ້ຳ​ແຂງ​ກ້ອນ​ແລະ​ປະ​ຄົບ​ບໍລິເວນ​ທີ່​ເປັນ​ແຜ​ເປັນ​ 1-2 ນາ​ທີ​ ຈົນ​ກວ່າ​ບໍລິເວນ​ດັ່ງ​ກ່າວ​ຈະ​ຮູ້ສຶກ​ຊາ.​

ສາມາດ​ນຳ​ນ້ຳ​ຊາ​ຂຽວ​ເຂັ້ມ​ຂົ້ນ​ ມາ​ໃສ່​ຖາດ​ເຮັດ​ນ້ຳ​ແຂງ​ ແລ້ວ​ນຳ​ນ້ຳ​ແຂງ​ນັ້ນ​ມາປະ​ຄົບ​ບໍລິເວນ​ຮອຍ​ສິວ​ ໃນ​ຊາ​ຈະ​ມີ​ສານ​ຕ້ານ​ການ​ອັກ​ເສບ.​

6.ເຮັດ​ຢາພອກ​ຈາກ​ໄມ້​ແກ່ນ​ຈັນ​

ໄມ້​ແກ່ນ​ຈັນ​ມີສັບພະຄຸນ​ໃນ​ການ​ຮັກສາ​ສິວ​ ອີກ​ທັງ​ຍັງ​ສາມາດ​ກຽມ​ໄວ້​ໃຊ້​ໄດ້​ງ່າຍໆ​ທີ່​ບ້ານ​ ພຽງ​ເຈົ້າ​ປະສົມ​ໄມ້​ແກ່ນ​ຈັນ​ 1 ບ່ວງ​ໂຕະ​ ເຂົ້າ​ກັບ​ນ້ຳ​ດອກ​ກຸ​ຫຼາບ​ຫລື​ນົມ​ 2-3 ຢົດ​ ເພື່ອ​ເປັນ​ຢາພອກ​ ຈາກ​ນັ້ນ​ນຳ​ມາ​ທາ​ບໍລິເວນ​ແຜ​ເປັນ​ ແລ້ວ​ຖິ້ມ​ໄວ້​ຢ່າງ​ນ້ອຍ​ 30 ນາ​ທີ​ແລະ​ລ້າງ​ອອກ​ ເຮັດ​ແບບ​ນີ້​ທຸກ​ມື້​ ຈົນ​ກວ່າ​ແຜ​ເປັນ​ຈາກ​ສິວ​ຈະ​ຫາຍ​.

ອີກ​ທາງ​ເລືອ​ກໜຶ່ງ​ຄື​ ສາມາດ​ປະສົມ​ໄມ້​ແກ່ນ​ຈັນ​ກັບ​ນ້ຳ​ເຜີ້ງ​ ປະລິມານ​ນ້ອຍໆ​ ໃຊ້​ຫຼຸດ​ແຜ​ເປັນ​ສະເພາະ​ຈຸດ​ໄດ້.​

==============================================================================================================