ໂງ່ແທ້!!ຄາລາເກີຊີ້ຫົງຄວນຈະໃຫ້ສະເຕີຣິດຍິງ

 

ເຈມີ ຄາລາເກີ ອະດີດກອງຫຼັງຂອງ ລີເວີພູ ລະບຸທີມຂອງນາຍໃຫຍ່ ເຈີເກັນ ຄັອບ ໜ້າຈະໃຫ້ ແດນນຽວ ສະເຕີຣິດ ຫົວຫອກໄດ້ຍິງຈຸດໂທດໃນຊ່ວງດວນເປົ້າຂອງເກມ ແຄັບປີຕອນ ວັນ ຄັບ ຮອບຊິງຊະນະເລີດ ຊີ້ການບໍ່ຍອມໃຫ້ ສະເຕີຣິດ ຮັບໜ້າທີ່ນັ້ນຖືເປັນການຕັດສິນໃຈທີ່ໂງ່ສຸດໆ.

 

ເຈມີ ຄາລາເກີ ອະດີກອງຫຼັງຂອງ  ລີເວີພູ ສະໂມສອນໃຫຍ່ໃນ ພຣີເມຍລີກ ເບິ່ງວ່າ ຫົງແດງ ຄວນຈະໃຫ້ ແດນນຽວ ສະເຕີຣິດ ກອງໜ້າໂຕຄວາມຫວັງເປັນຄົນຍິງຈຸດໂທດໃນຊ່ວງດວນເປົ້າຫຼັງຈາກທີ່ ລີເວີພູ ເສຍ ແມນເຊສເຕີ ຊີຕີ 3-1 ໃນຊ່ວງດວນຈຸດໂທດຂອງເກມ ແຄັບປີຕອນ ວັນ ຄັບ ຮອບຊິງຊະນະເລີດທີ່ສະໜາມ ເວມບລີ ສະເຕດຽມ ເມືອວັນອາທິດທີ່ຜ່ານມາ.

 

ຫຼັງຈາກທີ່ຈົບ 120 ນາທີແລ້ວສະເໝີກັນ 1-1 ທັງສອງທີມຕ້ອງຊອກຫາຜູ້ຊະນະໂດຍການຍິງຈຸດໂທດໂດຍ ເອັມເຣ ຊານ ທີ່ເປັນຄົນທຳອິດຂອງ ລີເວີພູ ຍົງເຂົ້າໄປຢ່າງສຽບຂາດແຕ່ ລູຄັສ ເລວາ, ຄູຕິນໂຢ ແລະ ລາລານາ ເຊິ່ງຍິງເປັນຄົນທີ 2, 3, 4 ຕາມລຳດັບຍິງບໍ່ເຂົ້າທັງໝົດ.

 

ຄາລາເກີ ທີ່ເຄີຍໄດ້ແຊມ ແຄັບປີຕອນ ວັນ ຄັບ 3 ສະໄໝກ່າວວ່າ “ສະເຕີຣິດ ເບິ່ງແລ້ວຫງຸດຫງິດ ແລະ ເບິ່ງວ່າຈະເປັນຕະຄິວຕອນຊ່ວງທ້າຍເກມກໍແມ່ນແຕ່ນອກວ່າເຂົາຈະໂອກາດບາດເຈັບແລ້ວນັ້ນຂ້ອຍກໍບໍ່ເຂົ້າໃຈເລີຍວ່າເປັນຫຍັງເຂົາຈຶ່ງບໍ່ໄດ້ຍິງຈຸດໂທດ”.

 

“ເຂົາເປັນໜຶ່ງໃນນັັກເຕະບໍ່ເທົ່າໃດຄົນຂອງ ລີເວີພູ ທີ່ພໍທີ່ຈະມີເຕັກນິກດີໆ ບາງເທື່ອມັນ (ການດວນຈຸດໂທດ) ຈະບໍ່ໄດ້ລາກຍາວໄປເຖິງຄົນທີ 5 ແລະ ເຈົ້າຕ້ອງການນັກເຕະທີ່ເກັ່ງທີ່ສຸດໃນການຮັບໜ້າທີ່ຍິງຈຸດໂທດ ເຈົ້າຍອມຄິດວ່າ ແດນນຽວ ສະເຕີຣິດ ມີໂອກາດຍິງເຂົ້າຫຼາຍກວ່າ ລູຄັສ ເລວາ ຢູ່ແລ້ວ ການທີ່ຊ່ວງດວນຈຸດໂທດມັນດຳເນີນໄປເລື້ອຍໆ ໂດຍທີ່ ແດນນຽວນ ສະເຕີຣິດ ບໍ່ໄດ້ຍິງໃຫ້ ລີເວີພູ ເລີຍຖືເປັນເລື່ອງທີ່ໂງ່ແທ້” ອະດີດນັກເຕະອາຍຸ 38 ປີລະບຸ.