ໂຄງການ ບູລະນະວັດຊຽງທອງ ຫລວງພະບາງ ໄດ້ຮັບລາງວັນ ການອະນຸລັກມໍລະດົກ ທີ່ດີເດັນຂອງໂລກ

ຈາກການລາຍງານຂໍ້ມູນຂອງເວັບໄຊ້ www.unescobkk.org ໄດ້ປະກາດຜົນລາງວັນຈາກອົງ ການອຸຍ​​ແນັດສະໂກ (UNESCO) ໃນພາກພື້ນອາຊີ ແລະ ປາຊີຟິກ ປະຈຳ​ປີ 2015 ໃນຫົວຂໍ້ “ລາງວັນເພື່ອການ ອະນຸລັກມໍລະດົກ ທາງດ້ານວັດທະນະທຳ ແຫ່ງ ພາກພື້ນອາຊີ-ປາຊິຟິກ ຂອງອົງການອຸຍ​ແນັສໂກ”(UNESCO Asia-Pacific Award for Cultural Heritage Conservation) ​ໃນວັນ​ທີ 1 ກັນຍາ 2015 ນີ້ ວ່າ: ໂຄງການ ບູລະນະວັດຊຽງທອງ ​ແຂວງ​ຫວງພະບາງ ສປປ ລາວ ໄດ້ຮັບລາງວັນການອານຸລັກມໍລະດົກທີ່ດີເດັນຂອງໂລກ ໃນ  ໝວດ Award of Merit ​ເຊິ່ງເປັນຄັ້ງທຳອິດຂອງປະເທດລາວ ກໍຄື ​ແຂວງຫລວງພະບາງ ທີ່ໄດ້ຮັບລາງວັນນີ້.

​ປະ​ເທດ​ທີ່​ສົ່ງ​ເຂົ້າ​ປະ​ກວດ​ ແມ່ນ​ບັນດາ​ປະ​ເທດ​ໃນ​ຂົງ​ເຂດ​ອາຊີ-ປາຊີ​ຟິກ ລວມທັງ​ໝົດ 36 ​ໂຄງການ ​ໃນ​ນັ້ນ, ມີ 12 ​ໂຄງການ ຈາກ 5 ປະ​ເທດ ຄື: ອິນ​ເດຍ, ຈີນ, ສປປ ລາວ, ອົດ​ສະຕຣາລີ ​ແລະ ​ໄທ ທີ່​ໄດ້​ຮັບ​ລາງວັນ​ດັ່ງກ່າວ.

........................................................................................................................................................................................

ທີ່ມາ: www.kpl.gov.la