ໂຄງ­ການ ໄປດາວອັງ­ຄານ ບໍ່­ກັບ­ຄືນMars One

ໂຄງ­ການ ໄປດາວອັງ­ຄານ ບໍ່­ກັບ­ຄືນMars One 
ໂຄງ­ການໄປດາວອັງ­ຄານ­ບໍ່­ກັບ ເປັນ­ອົງ­ການ­ພື້ນ­ຖານ­ທີ່­ຖືກ­ຕັ້ງ­ຂຶ້ນ­ຢູ່ໃນປະ­ເທດເນເທີແລນ ມີເປົ້າ­ໝາຍພະ­ຍາ ຍາມ­ທີ່ຈະ­ໄປສ້າງ ຕັ້ງອະ­ນານິຄົມ­ຢູ່ເທິງ­ດາວອັງ­ຄານ, ໄດ້ປະ­ກາດໃນ­ມື້­ວັນ­ຈັນຜ່ານ­ມານີ້ວ່າ 3/8/2015 ພວກ­ທີ່ສະ­ໝັກໃຈ ເຂົ້າມາ­ຮ່ວມໃນ­ວົງ­ການ ດັ່ງກ່າວນີ້ໄດ້­ຖືກ­ຄັດຈ້ອນ­ຈໍານວນ­ພົນໃຫ້ເຫຼືອພຽງ 100 ຫຼັງ­ຈາກ­ທີ່ໄດ້ຜ່ານ­ການ­ຄັດເລືອກໃນ­ຮອບ­ທີ່­ສາມ. ໃນ­ນັ້ນ­ມີ ຊາວການາດາ4 ຄົນ, ຄົນ­ອັງ­ກິດ 2 ຄົນ. ຄົນ­ການາດາ7 ຄົນ­ມາ­ຈາກແຫຼມ ຢູໂກນ Yukon ໄດ້ຜ່ານເຂົ້າ­ຮອບ­ສາມ ແຕ່­ຕົກ­ຮອບໄປນຶ່ງ­ຄົນ. ຍັງ­ມີຄົນ ການາດາ­ທັງ­ໝົດ 75ຄົນ ກໍາ­ລັງພະ­ຍາຍາມ­ຊອກຊ່ອງ­ທາງໃຫ້­ມີຄວາມເປັນໄປໄດ້ ເພື່ອທີ່ຈະ­ສາມາດໃຫ້ໄດ້ເຂົ້າ­ຮ່ວມ ຢູ່ໃນ­ທິມ­ງານ ໄປດາວອັງ­ຄານ­ບໍ່­ກັບ­ດັ່ງກ່າວນີ້. 
ໃນ­ຕອນເລີ່ມ­ຕົ້ນ ໂຄງ­ການໄປດາວອັງ­ຄານ­ບໍ່­ກັບ one-way mission to Mars ມີຜູ້ສະ­ໝັກ­ຫຼາຍກ່­ວາ 2ແສນ­ຄົນ ທີ່­ມາ­ຈາກ ທົ່ວໂລກ. ໃນ­ຈໍານວນ­ນັ້ນ­ມີ 8243ຄົນເປັນ­ຄົນ­ການາດາ. “ການ­ຕັດ­ຮອນ­ຈໍານວນ­ຂອງ­ຜູ້ສະ­ໝັກ­ລົງ ແມ່ນເຮັດໄປຕາມ­ຂັ້ນ­ຕອນ ໂດຍເນັ້ນ­ຄວາມ­ສໍາ­ຄັນໃນ­ການ­ຊອກ­ຫາ­ສະ­ມະ­ຊິກ­ທີ່­ມີຄຸນ­ສົມ­ບັດ­ຖືກຕ້ອງ­ທີ່ຈະ­ເດີນໄປດາວອັງ­ຄານ,” ເປັນ­ຄໍາກ່າວໃນ­ມື້­ວັນ­ຈັນ ຜ່ານ­ມາ ຂອງ­ນຶ່ງໃນ­ຫົວໜ້າກໍ່­ຕັ້ງໂຄງ­ການ ທ່ານ ບາ ແລນສດໍ Bas Lansdorp, ທ່ານ­ຍັງ­ຢໍ້າອີກວ່າ “ ຄວາມທະ­ເຍີທະ­ຍານ ຢາກເປັນ­ຊາວໂລກ­ອັງ­ຄານ ມີຄວາມ­ຈໍາເປັນຕ້ອງເລືອກເອົານັກ­ສໍາ­ຫຼວດ­ທີ່­ມີຄວາມ­ທັນສະ­ໄໝຂອງໂລກໃນ­ມື້­ນີ້ ແນວໃດ?” ເພື່ອທີ່ ຈະ­ພະ­ເຊີນໜ້າກັບ­ຄວາມທ້າ­ທາຍຕ່າງໆ­ໃນ­ຜິວໜ້າໂລກ­ອັງ­ຄານ. ແນ່ນອນໂຄງ­ການ­ນີ້ ມີຜູ້ໃຫ້ຄວາມ­ຄິດ­ຄວາມເຫັນ­ທີ່ເປັນປະ­ໂຫຍດ ຫຼາຍໃນ­ທາງ­ທິດສະ­ດີ ແລະ­ພາກປະ­ຕິບັດ ເລີ່ມ­ຕັ້ງແຕ່­ຫົວໜ້າ­ທິມ­ງານ­ທີ່­ດີ, ຄວາມ­ສາມັກ­ຄີທີ່­ດີ, ບັນ­ຫາ­ປ້ອງ­ກັນ­ສຸຂະ­ພາບ ແລະ­ ຄວາມ­ປອດໄພທີ່­ດີ ນັກ­ຮັກ­ສາ­ສະ­ພາບແວດລ້ອມ­ທີ່­ດີ ແລະ­ເທັກ­ນິກ­ອື່ນໆ­ທີ່ຈະ­ນໍາໄປໃຊ້ ໃນ­ດິນແດນ­ທີ່ຈະ­ທ້າ­ທາຍທ່ານ ນັບແຕ່ ເລີ່ມເດີນ­ທາງ­ອອກ­ຈາກໂລກ­ພວກເຮົາໄປ ແລະ­ລົງ­ສູ່­ຜິວໜ້າດາວອັງ­ຄານ. 
ໃນ­ການ­ສໍາ­ພາດແຕ່ລະ­ບຸກ­ຄົນ ຜູ້ສະ­ໝັກ­ມີໂອກາດ­ທີ່ຈະ­ແລກປ່ຽນ­ຄວາມ­ຄິດ­ຄວາມເຫັນກ່ຽວກັບ ຄວາມ­ມີຈິດ ວິນ­ຍານ­ທີ່­ດີພາຍໃນ ທິມ­ງານ, ຄວາມເຂົ້າໃຈທີ່­ສໍາ­ພັນ­ກັບ­ຄວາມສ່ຽງຕ່າງໆ­ ແຮງ­ຈູງໃຈອັນເປັນ­ພາກສ່ວນ­ນຶ່ງ ຂອງ­ການປ່ຽນແປງ­ວິຖີຊີວິດ ໃນ­ການເດີນ­ທາງ ໄປສໍາ­ຫຼວດ­ຄັ້ງ­ນີ້. ໃນ­ຂັ້ນ­ຕໍ່ໄປກໍຈະ­ມີການ­ຄັດຈ້ອນ­ຜູ້ສະ­ໝັກ ມີບົດ­ບາດໃນ­ການ­ຈັດ­ຕັ້ງ­ທິມ­ງານແນວໃດ. ຈະ­ໄດ້­ມີການ­ພິຈາ­ລະ­ນາ­ຕັດ­ສິນ ຄວາມ­ສາມາດໃນ­ການເຮັດ­ວຽກຮ່ວມ­ກັນແບບໃດ. ຄາດວ່າ­ຮອບ­ຄັດເລືອກ­ຄັ້ງ­ສຸດທ້າຍແມ່ນໃຫ້ເລືອກໄດ້ ນຶ່ງ­ທິມປະ­ກອບດ້ວຍ 24ຄົນ, ແລ້ວຈະ­ທໍາການ­ນໍາ­ສົ່ງໄປນໍາຍານອະ­ວະ­ກາດ­ທີ່­ລົງ­ທຶນ­ຮອດ 6ພັນລ້ານໂດ­ລາ ຊຶ່ງ­ຄາດວ່າແຜນ­ການ­ສົ່ງ­ທິມ­ງານ­ນັກ­ສໍາ­ຫຼວດ­ອອກເປັນ ສີ່­ຊຸດ ຊຶ່ງແຕ່ລະ­ຊຸດຈະ­ສົ່ງ­ອອກໄປທຸກໆ­ສອງ­ປີ ໂດຍຈະ­ເລີ່ມ­ຕົ້ນ­ສົ່ງໄປເມື່ອປີ 2024. ໂຄງ­ການ­ດັ່ງກ່າວກໍາ­ລັງສ້າງດ້ວຍ­ກອງ­ທຶນ ເອກກະ­ຊົນ ແລະ­ມາ­ຈາກ­ບັນ­ດາ­ຜູ້ສະ­ໜັບສະ­ໜູນໂຄງ­ການ. ໂຄງ­ການ­ດັ່ງກ່າວນີ້ ຄາດ­ຫວັງວ່າ­ຈະ­ລົງ­ຈອດເທິງ­ດາວອັງ­ຄານໂດຍເທັກໂນໂລຊີທີ່­ລໍ້າ­ໜ້າ ຊຶ່ງໂລກໄດ້­ພັດທະ­ນາມາເຖິງລະ­ດັບ­ນີ້, ແລະ­ບັນ­ດາ­ພວກ­ນັກ­ວິສະ­ວະ­ກອນ ຜູ້­ຄົ້ນຄ້­ວາກ່ຽວກັບ­ຍານເວົ້າວ່າ ມັນ­ຈໍາເປັນຈະ­ຕ້ອງ­ມີເທັກໂນໂລຊີທີ່­ໝັ້ນ­ຄົງເມື່ອໃຫ້ ຊີວິດ ມະ­ນຸດໂລກ­ລອດ­ພົ້ນ­ພາຍໃນເສັ້ນ­ທາງ­ທີ່ຈະ­ໄປຮອດ ແລະ­ລົງ­ຈອດເທິງໂລກ­ອັງ­ຄານ. ຖ້າ­ທັງ 4 ຊຸດ­ອອກເດີນ­ທາງໄປຕາມໂຄງ­ການ­ທີ່­ບໍ່ຫວັງ­ຜົນ­ກໍາໄລ, 100 ຄົນ ຈະ­ຖືກ­ສົ່ງ­ອອກໄປດາວອັງ­ຄານໃນ­ປີ 2024. 
ໂຄງ­ການ­ບໍ່ຫວັງ­ຜົນ­ກໍາໄລຂອງ­ຊາວ ດັດ Dutch non-profit Mars one ມີບັນ­ຊີລາຍ­ຊື່ 100ຄົນ­ທີ່ກະ­ກຽມ ຫ້າງ­ຫາ ເພື່ອໄປ ດາວອັງ­ຄານ­ບໍ່­ກັບ ຈະ­ເລີ່ມ­ອອກໄປໃນ­ປີ 2024. ພວກ­ທີ່­ຄັດຈ້ອນ­ມາ­ຈາກ­ຜູ້ສະ­ໝັກ ສອງແສນ ຄົນ, 24ຄົນຈະ­ຖືກ­ຝຶກ­ອົບ­ຮົມ ສໍາ­ລັບ­ບັງ­ຄັບ­ຍານອະ­ວະ­ກາດ ແລະ­4ຄົນ ຈະ­ເດີນ­ທາງໄປກັບຖ້ຽວບິນ­ທໍາອິດ ຖ້າ­ຫາກ­ທຸກ­ສິ່ງ­ທຸກຢ່າງເປັນໄປຕາມແຜນ­ການ. ນີ້­ອາດເປັນເທື່ອທໍາອິດ­ທີ່ທ່ານໄດ້­ຍິນກ່ຽວກັບ­ການ ໄປດາວອັງ­ຄານ­ບໍ່­ກັບ, ມັນເປັນປະ­ຫວັດ­ສາດ­ຂອງ­ພວກເຮົາໃນ­ການ­ຈັດ­ຕັ້ງ­ຄົນ ເພື່ອລົງ­ລາຍເຊັນໄປຈົບ­ຊີວິດ ຫຼືຕາຍ­ຢູ່­ບົນໂລກ­ອັງ­ຄານ ແລະ­ຄາດວ່າບັນ­ດານັກ­ບິນອະ­ວະ­ກາດເຫຼົ່ານັ້ນ ໃນ­ຊີວິດຊ່ວງ­ສຸດທ້າຍ ຂອງເຂົາເຈົ້ານັ້ນ ເຂົາເຈົ້າອາດຈະ­ອາໄສຢູ່ຮວມ­ກັນ­ຢູ່ເປັນ­ໝວດ­ໝູ່­ນັ້ນເອງ. ເມື່ອສັງເກດເບິ່ງ­ຜູ້ສະ­ໝັກ­ທັງ­ໝົດ ແລະ­ຈະ­ຄັດເລືອກ 50ຄົນເປັນ­ຍິງ ແລະ­50ຄົນເປັນ­ຊາຍ ໃນ­ນັ້ນ 38ຄົນເປັນອະ­ເມ­ຣິກັນ, ຮອງ­ລົງ­ມາເປັນ­ການາດາ ແລະ­ອົດສະ­ຕຣາ­ລີ ຊຶ່ງ­ມີປະ­ເທດ ລະ­7ຄົນ. ຜູ້­ມີອາຍຸຕໍ່າ­ສຸດ18ປີ ໃນໃບສະ­ໝັກ­ປິ2013 ແລະ­ຜູ້­ມີອາຍຸສູງ­ສຸດ60ປີ ໃນຊ່ວງ­ປີດັ່ງກ່າວນັ້ນ. ສະ­ເພາະ­ວຸດ­ທິການ­ສຶກ­ສາ ມີລະ­ດັບ­ຫຼຸດ­ລື່ນແຕກຕ່າງ­ກັນໄປເຊັ່ນ: 19ຄົນ­ບໍ່­ມີວຸດ­ທິການ­ສຶກ­ສາ, 2 ຄົນ­ມີການ­ສຶກ­ສາ, 27ຄົນ ລະ­ດັບປຣິນ­ຍາ­ຕຣີ, 30ຄົນ ລະ­ດັບປຣິນ­ຍາໂທ, 1 ຄົນໄດ້ປຣິນ­ຍາ­ທາງດ້ານ­ກົດ­ໝາຍ, 4ຄົນ­ມີປຣິຍ­ທາງດ້ານແພດ­ໝໍ ແລະ­7ຄົນລະ­ດັບປຣິນ­ຍາເອກ. 30ຄົນ ໃນ­ຜູ້ສະ­ໝັກ­ຍັງ­ກໍາ­ລັງ­ຮຽນ­ຢູ່ໂຮງ­ຮຽນ, 81ຄົນ ເປັນພະ­ນັກ­ງານ­ຮັບຈ້າງ ແລະ­6 ຄົນ­ບໍ່ໄດ້ເຮັດ­ວຽກ­ງານ. 
ມີບໍລິສັດ ເອັນ­ດີໂມນ Endemol ຜະ­ລິດ­ອອກ­ລາຍ­ການໂທລະ­ພາບ ຊຶ່ງ­ຢູ່ເບື້ອງ­ຫຼັງ­ການຖ່າຍ­ທໍາ ລາຍ­ການ ບິກ ໂບຣເທີ Big Brother ໄດ້ສະ­ແດງໃຫ້ເຫັນ­ການ­ຝຶກ­ຫັດ­ຂອງ­ນັກເດີນ­ທາງໄປດາວອັງ­ຄານ­ບໍ່­ກັບ. ຊຶ່ງ­ບອກ ໃຫ້­ຮູ້ວ່າ ນັກອະ­ນານິຄົມ­ສີ່­ຄົນ­ສຸດທ້າຍ ຈະ­ອາໄສຢູ່ໃນຫ້ອງນ້ອຍໆ­ເທິງ­ດາວອັງ­ຄານ(ຈິນຕະ­ນາການໃຫ້­ຢູ່ໃນ ສະ­ພາບແວດລ້ອມ­ດັ່ງກ່າວ), ພວກເຂົາເຈົ້າ­ຕ້ອງໄດ້­ປູກ­ພືດ­ຜັກ ກຸ້ມ­ຕົນເອງເພື່ອໃຫ້­ຢູ່ລອດໃນສະ­ພາບແວດລ້ອມ ອັນຮ້າຍແຮງ­ດັ່ງກ່າວນັ້ນ. ຢ່າງໃດ­ກໍຕາມໂຄງ­ການ­ຝຶກ­ອົບ­ຮົມ­ດັ່ງກ່າວກໍເປັນ­ສິ່ງເລີ່ມ­ຕົ້ນໃຫ້­ຜູ້ສະ­ໝັກ ເລີ່ມ­ຮູ້­ຈັກ ຄວາມພ້ອມ­ຂອງໂຕເອງ, ການ­ຄວບ­ຄຸມສະ­ພາບ ຈິດໃຈ ກັບ­ຄວາມເປັນ­ນັກພະ­ຈົນໄພຂອງ­ນັກອະ­ນານິຄົມ­ທີ່­ຕົນພ້ອມແລ້ວຈະ­ໄປຜ່ານຜ່າ. 

ຢ່າງໃດ­ກໍຕາມກ່ອນ­ທີ່ຈະ­ໄປຮອດ­ປີ 2024 ອັນເປັນ­ປີທີ່­ນັກພະ­ຈົນໄພ ຈະ­ເລີ່ມ­ອອກເດີນ­ທາງໄປດາວອັງ­ຄານ, ກໍມີໂຄງ­ການ­ທີ່ຈະ­ ສົ່ງ­ຍານໄປຕິດ­ຕັ້ງສະ­ຖານີເທິງ­ດາວອັງ­ຄານ ແລະ­ສົ່ງ­ດາວທຽມໂຄຈອນອ້ອມ­ດາວອັງ­ຄານ ເພື່ອປີ 2018. ໃນ­ປີ 2020 ເຂົາເຈົ້າ­ຈະ­ ສົ່ງ­ຫຸ່ນ­ຍົນເຄື່ອນ­ທີ່ rover ແລະ­ເລິ່ມກະ­ກຽມ­ຍານ­ບັນ­ທຸກ­ສົ່ງ­ນັກ ພະ­ຈົນໄພອະ­ນານິຄົມໃນ­ປີ 2022. ມະ­ນຸດເຮົາ­ຈະ­ເດີນໄປຮອດ­ດາວອັງ­ຄານໃນ­ປີ 2025 ແລະ­ໝວດ­ທີ່ສອງ­ກໍເດີນ­ນໍາໄປອີກໃນ­ປີຖັດໄປ ແລະ­ກໍມີການ­ຄາດ­ຫວັງເຊື່ອໝັ້ນວ່າ ເຕັກໂນໂລຊີຈະ­ຕ້ອງ ກ້າວໜ້າ­ພຽງ­ພໍໃນຊ່ວງ­ອີກ­ສິບ­ປີຕໍ່ໜ້າ ແລະ­ການສະ­ສົມ­ຂໍ້­ມູນ­ຈາກ­ການ­ສໍາ­ຫຼວດຕ່າງໆ­ ທີ່ຜ່ານ­ມາໃນ­ດາວ ອັງ­ຄານ­ກໍເປັນ­ພື້ນ­ຖານ­ຮອງ­ຮັບ ເພື່ອຮັບ­ມືກັບ­ຄວາມທ້າ­ທາຍເຫຼົ່ານັ້ນໄວ້ແລ້ວ. ພວກເຮົາຍັງ­ມີຫຼາຍ­ບັນ­ຫາໃນ­ຕໍ່ໜ້າ­ທີ່ຈະ­ຕ້ອງປະ­ສົບ, ພວກເຮົາ­ຮູ້ແລ້ວວ່າ ການເດີນ­ທາງໄກແຕ່ໂລກເຮົາໄປຫາ ດາວອັງ­ຄານໃນເສັ້ນ­ທາງໃກ້­ສຸດຕ້ອງໃຊ້ເວລາ 6 ເດືອນ­ຈຶ່ງ­ຮອດ, ຕາມເສັ້ນ ທາງ­ພວກເຮົາ­ຈະ­ປ້ອງ­ກັນໄພກ່ຽວ ກັບ­ລັງ­ສີທີ່ກະ­ຈາຍໃນຫ້ວງອະ­ວະ­ກາດກະ­ທົບໃສ່ຮ່າງ­ກາຍມະ­ນຸດເຮົາ­ຢ່າງໃດ, ເຮົາ­ຈະ­ຮັບ­ມື ແລະ­ ແກ້ໄຂສະ­ພາບຮ່າງ­ກາຍ­ຂອງເຮົາ­ທີ່­ປັດຈະ­ຈາກແຮງ­ດຶງ­ດູດຢ່າງໃດ, ສະ­ພາບຮ່າງ­ກາຍ ແລະ­ຈິດໃຈຕາມເສັ້ນ­ທາງເດີນ­ທາງ­ອັນ­ຍາວ ນານ­ນັ້ນຈະ­ຄວບ­ຄຸມໄດ້ຢ່າງໃດ, ເມື່ອລົງໄປຮອດ­ຜິວໜ້າດາວອັງ­ຄານ ອຸບປະ­ກອນແຍກເອົາອົກ­ຊີເຈັນ ຈາກ­ບັນ­ຍາກາດ­ຂອງ ດາວອັງ­ຄານ ທີ່ເຕັມໄປດ້ວຍ­ອາຍ­ຄາບອນໄດ­ອອກໄຊ ມາໃຊ້­ຫັນໃຈ ເຮັດ­ວຽກໄດ້­ດີແລ້ວບໍໂດຍ­ບໍ່ຕ້ອງເພິ່ງ­ພາ­ທາດ­ອາຍ ອົກ­ຊີ ທີ່­ພົກ­ພາມາແຕ່ໂລກ­ນັ້ນແນວໃດ? ອຸບປະ­ກອນ­ສາມາດແຍກເອົານໍ້າ­ຈາກສະ­ພາບ­ນໍ້າແຂງ­ທີ່ເປັນ ນໍ້າແຂງ­ປົນ­ຄາບອນ ມານໍາໃຊ້ ໄດ້ແນວໃດ? ສາມາດສ້າງ­ຕູບ­ພັກເປັນເຮືອນກະ­ຈົກ ແລະ­ສາມາດ­ປູກ­ພືດ­ພັນ­ກຸ້ມ­ຕົນເອງຢ່າງໃດ? ທ່ານຈະ­ຕໍ່­ສູ້­ອົດ­ທົນ ກັບ ສະ­ພາບ­ທີ່ແຫ້ງແລ້ງ­ໜາວເຢັນ ແລະ­ສູ້­ກັບ­ພາຍຸຊາຍເທິງ­ດາວອັງ­ຄານ­ທີ່­ອາດຈະ­ເກີດ­ຂຶ້ນໄດ້ຢ່າງໃດ? ທິມ­ງານແພດ­ໝໍ ຈະ­ສູ້­ກັບ ພະ­ຍາດຊະ­ນິດໃໝ່­ທີ່ທ່ານ­ບໍ່ເຄີຍ­ຮູ້­ຈັກ­ມາ­ຢ່າງໃດ? ທິມປ້ອງ­ກັນໄພ ຈະ­ອອກ­ກົດລະ­ບຽບຢ່າງໃດ ເພື່ອຮັກ­ສາ­ທິມ­ງານໃຫ້ປອດໄພ, ທ່ານຈະ­ຮູ້­ສຶກແນວໃດເພື່ອທ່ານ­ຊົມ­ລາຍ­ການໂທລະ­ພາບ­ຈາກໂລກ ແລະ­ທ່ານຖ່າຍ­ທອດ­ຊີວິດ­ສັງ ຄົມ­ຂອງທ່ານ­ຢູ່­ດາວອັງ­ຄານ ມາ­ສູ່­ຊາວໂລກ­ຫຼາຍ­ພັນລ້ານ­ຄົນໃຫ້ໄດ້­ຊົມ ທ່ານ­ສາມາດ­ມີຊີວິດ­ຊີວາກັບ­ການ­ສື່­ສານເຫຼົ່ານັ້ນ­ບໍ? ແລະ­ການ­ສື່­ສານເຫຼົ່ານັ້ນ­ບາງ­ທີ ເມື່ອພົບ­ກັບສະ­ພາບ­ທີ່ຫຍຸ້ງ­ຍາກ­ຊາວໂລກ­ອາດແນະ­ນໍາ­ທາງ­ອອກຊ່ວຍທ່ານໄດ້ ຫຼືບໍ? ນີ້­ຄືເປັນ­ບາດກ້າວອັນເລີ່ມ­ຕົ້ນ ເມື່ອກ້າວເຂົ້າ ສູ່ສະ­ພາບແວດລ້ອມ­ຂອງໂລກ­ອັງ­ຄານ. 

ໃນອະ­­ນາ­ຄົດ­ອັນໃກ້­ນີ້ ຫຼືພາຍໃນ­ປິ 2024 ນີ້ເອງ ­ ­ມະ­­ນຸດຕ່າງ­ດາວ ທີ່ຈະ­­ລົງໄປຢຽບ­ດາວອັງ­ຄານ ກໍຫາກຈະ­­ເປັນມະ­­ນຸດໂລກ­ພວກເຮົານີ້ເອງ. ຄວາມກ້າວໜ້າ­ທາງ­ວິທະ­­ຍາ­ສາດແມ່ນ ຄວາມ­ບາກ­ບັ່ນພະ­­ຍາຍາມ­ຂອງ­ກໍາ­ລັງ­ມັນສະ­­ໜອງ ຂອງມະ­­ນຸດໂລກເຮົາ, ໂຄງ­ການສ້າງສະ­­ຖານີຄົ້ນຄ້­ວາອະ­­ວະ­­ກາດ­ນາໆ­­ຊາດໃນປະ­­ຈຸບັນ­ກໍາ­ລັງ­ດໍາເນີນໄປ. ຈາກ­ການ­ສຶກ­ສາ­ຫ້ວງອະ­­ວະ­­ກາດ ແລະ­­ຂໍ້­ມູນຕ່າງໆ­­ ທີ່ໄດ້­ມາກ່ຽວກັບ­ດາວອັງ­ຄານ ມີຫຼາຍຢ່າງໃນອະ­­ນາ­ຄົດ­ທີ່­ບັນ­ດານັກ­ຄົ້ນຄ້­ວາຍັງຈະ­­ພະ­­ຍາຍາມ­ປັບ­ປຸງເຕັກ ນິກ­ທາງ­ການ­ບິນ, ເຊື້ອເພີງ ຫຼືພະ­­ລັງ­ງານ­ທີ່ຈະ­­ຂັບເຄື່ອນ­ຍານຂະ­­ໜາດໃຫຍ່ ແລະ­­ມີນໍ້າ­ໜັກ­ຫຼາຍ, ອຸບປະ­­ກອນ­ຫຼືເຕັກ­ນິກ­ທີ່ຈະ­­ທໍາການແຍກເອົາອອກ­ຊີເຈັນ­ຈາກ­ທາດ­ອາຍ­ຄາບອນໄດ­ອອກໄຊ ຢູ່ເທິງ­ດາວ ອັງ­ຄານ­ມາໃຊ້­ຫັນໃຈ, ໂຄງ­ການ­ຍາວນານ­ອີກ­ອັນ­ນຶ່ງ­ກໍຄື ວິທີການ­ປັບ­ປຸງ­ຊັ້ນ­ບັນ­ຍາກາດ­ຂອງ­ດາວອັງ­ຄານໃຫ້­ສາມາດ­ຫັນໃຈໃດ້ຢ່າງເສລີ, ການ­ປັບ­ປຸງ­ອຸນນະ­­ພູມໃຫ້­ອົບ­ອຸ່ນ­ຂຶ້ນ ກ່­ວາເດີມ. ການສ້າງ­ຕັ້ງໂຮງ­ງານ­ນິວເຄຼັຍ ເພື່ອແຍ­ກ­ອາຍ­ພິດ­ຈາກ­ຊັ້ນ­ບັນ­ຍາກາດ, ການສ້າງ­ຄຸ້ມເຮືອນກະ­­ຈົກ ເພື່ອພັກ­ພາອາໄສ,­ການ­ທົດ­ລອງ­ການ­ປູກ­ຝັງ ແລະ­­ລ້ຽງ­ສັດ, ການ­ທົດ­ລອງ­ທາງ­ຊີວະ­­ສາດ, ການແພດ ແລະ­­ອື່ນໆ­­. ນີ້­ມັນເໝືອນ­ກັບວ່າ ເປັນໂຄງ­ການ­ທີ່ໃຫຍ່ໂຕ ແລະ­­ກ້­ວາງ­ຂວາງ­ຍາວນານ ຊຶ່ງ­ມັນຕ້ອງ­ສຸມ ໃສ່­ທຸກໆ­­ກໍາ­ລັງ ຄວາມ­ສາມາດ­ທາງດ້ານ­ປັນ­ຍາ­ຂອງມະ­­ນຸດ:ໃນ­ວາ­ລະ­ສານscience et la vieທີ່ອອກໃນ­ຊຸມ­ປີ 1985 ເຄີຍ­ຂຽນ ອອກໄວ້ວ່າ ຕ້ອງໃຊ້ເວລາ­ປະ­ມານ­ນຶ່ງ­ພັນ­ປີ ຈຶ່ງ­ສາມາດ­ປັບ­ປຸງສະ­ພາບແວດລ້ອມ­ຂອງ­ດາວອັງ­ຄານໃຫ້­ສົມ­ບຸນໄດ້ ໂດຍມະ­­ນຸດເຮົາ ຍັງ­ມີຄວາມ­ຫວັງໄວ້ ວ່າເມື່ອປີ 3000 ດາວອັງ­ຄານຈະ­­ມີຫລາຍບ່ອນ­ກາຍເປັນ­ຄຸ້ມບ້ານ ແລະ­­ຄຸ້ມເມືອງໄປແລ້ວ ແລະ­­ຜູ້ເດີນ­ທາງໄປ ທ່ອງທ່ຽວດາວອັງ­ຄານ­ອາດເລີ່ມ­ປົດໜ້າກາກປ້ອງ­ກັນ­ອາຍ­ພິດ ແລະ­­ສາມາດ­ຫັນໃຈໄດ້ຢ່າງເສລີ ບົນໜ້າດາວອັງ­ຄານ. ຖ້າ­ຫາກເປັນ ຈິງ­ດັ່ງ­ທີ່ເວົ້າມາ ຫຼາຍ­ຄົນ­ອາດ­ມີແນວຄິດໂອນ­ອຽງໄປໃນ­ທາງ­ທີ່ວ່າ ໂລກໜ້ານັ້ນ­ມີແທ້­ຈິງ ກໍຄືໂລກ­ອັງ­ຄານ­ນັ້ນເອງ ອັນ­ອາດຈະ­­ຫັນເຫ ແນວຄວາມ­ຄິດເດີມ­ທີ່ແຕ່ກ່ອນ­ຄິດວ່າ ໂລກໜ້າ ນັ້ນ­ມີຈິງ ເມື່ອເຮົາ­ຈາກ ຫຼືສິ້ນ­ຊີວິດໄປ ຊຶ່ງ­ຄໍາເວົ້ານີ້­ບາງ­ທີອາດ­ນໍາມາເວົ້າເສີມສ້າງ­ການ­ຢອກໄຢ ໃຫ້­ມີຊີວິດ­ຊີວາເພາະ­­ໃນຊ່ວງ­ນັ້ນ ໃຜກໍຄືໄຝ່­ຝັນ­ຢາກຈະ­­ຂຶ້ນສະ­­ຫວັນ­ທັງເປັນ ກໍຄືຄົນເປັນໆ­ໄປສະ­ໝັກໃຈໄປຫາໂລກ­ອັງ­ຄານ­ນັ້ນເອງ. ເຖິງຈະ­ເອີ້ນວ່າມັນເປັນເມືອງ ສະ­ຫວັນໂລກ­ອັງ­ຄານ ກໍເພາະ­ມັນ­ມີຄວາມເປັນ­ລັກສະ­ນະ­ສະ­ເພາະ­ທາງ ທໍາມະ­ຊາດ ຂອງ­ດາວອັງ­ຄານ­ນັ້ນເອງ ແລະ­ນັກ­ສໍາ­ຫຼວດ ພະ­ຈົນໄພອາດ­ມີຄວາມ­ສຸກ­ກັບ­ບັນ­ຫາ­ທ້າ­ທາຍດ່ັງກ່າວນັ້ນ. ສະ­­ຫຼຸບແລ້ວ ດາວອັງ­ຄານ ແມ່ນ­ວັດ­ຖຸທີ່ຊ່ວຍເສີມສ້າງກະ­­ຕຸ້ນ­ມັນສະ­­ໜອງ­ຂອງ­ມວນມະ­­ນຸດ ພາໃຫ້ເກີດ­ມີຄວາມ­ສາມາດ­ອັນ­ຍິ່ງໃຫຍ່ ຊຶ່ງ­ຄວາມ­ຈິງຈະ­­ຕ້ອງ­ພິສູດ ໄດ້­ຫາກ ໂຄງ­ການໄປດາວອັງ­ຄານ­ບໍ່­ກັບ Mars one ປະ­ສົບ­ຜົນ­ສໍາເລັດໃນ­ຕໍ່ໜ້າ. 

........................................................................................................................................................................................................................

ທີ່ມາ: ໃບລານ