ແຮງບັນດານໃຈຈາກຄໍາວ່າ "Open Sky"

ຈາກແຮງບັນດານໃຈ ກັບ ວິທີຄິດ ສື່ຜ່ານຜົນງານສິລະປະຈັດວາງຂອງສິລະປິນລະດັບໂລກ ຟິນລິບ ເຄ ສະ​ມິດ ທີ່ສາມ (Philip K Smith III) ທີ່ມີຮູບແບບການຫຼິ້ນກັບສະພາບແວດລ້ອມທາງທໍາມະຊາດ

ຕັ້ງແຕ່​ເທື່ອທໍາອິດໄດ້ເຫັນຜົນງານຂອງສະມິດກໍໄປ​ເຕະຕາ Karin Gustafsson ຄີ​ເອດ​ທີ​ບ ດາຍເລັກເຕີ ຂອງແບຣນເສື້ອຜ້າຄອດ (COS) ກັບການສ້າງສັນຂອງສິລະປິນເຮັດໃຫ້ຄົນເບິ່ງໄດ້ສໍາຜັດກັບໂລກອ້ອມຮອບຈາກມຸມມອງທີ່ແຕກຕ່າງໄປ ຄວາມຮູ້ສຶກໃນການສ້າງຮູບແບບນີ້ກົງກັບປັດຊະຍາການອອກແບບເສື້ອຜ້າຄອດທີ່ລະອຽດອ່ອນ ແລະ ສຸຂຸມເປັນການດຶງປະສົບການຈາກຜົນງານສິລະປະເພື່ອຊ່ວຍສ້າງກອບແນວຄວາມຄິດຂອງແບຣນເສື້ອຜ້າໂດດເດັ່ນຂຶ້ນ.

ຈາກການຍຶດຫມັ້ນໃນວຽກອອກແບບທີ່ສ້າງສັນ ແລະ ໄຮ້ຍຸກສະໄໝຄອດຈຶ່ງສະໜັບສະໜຸນງານສິລະປະມາຢ່າງຕໍ່ເນື່ອງຕັ້ງແຕ່ເປີດຕົວແບຣນປີ 2555 ເປັນຕົ້ນມາໂດຍຮ່ວມມືກັບສິລະປິນດັງໆ ຫຼື ສິລະປິນຮຸ່ນໃຫມ່ໆ ຫໍສິນ ແລະ ຄີເອທີບ ສະຕູດິໂອຕ່າງໆ.

 

ການໄດ້ຮັບແຮງບັນດານໃຈຈາກວຽກໃນສວນ ສະໝິດ ຈຶ່ງສ້າງສັນງານວິນໂດດິດເພລຂະໜາ​ດນ້ອຍກວ່າເພື່ອໄປຕິດຕັ້ງຢູ່ຮ້ານຄອດເປັນການປ່ຽນພາບສະທ້ອນຂອງທິວທັດ​ແຄມທາງໄປທັງຂະໜາດ ມຸມ ແລະ ອົງປະກອບທີ່ປ່ຽນແປງ.

ຜົນງານຂອງ ສະມິດ ຕິດຕັ້ງຢູ່ໃນຮ້ານຄອດທົ່ວໂລກປະສົບການທີ່ໄດ້ຈາກຜົນງານທີ່ຈັດວາງໃນແຕ່ລະຮ້ານຈະມີເອກະລັກສະ​ເພາະຕົວຕາມເມືອງທີ່ຕັ້ງຂອງຮ້ານນັ້ນ.

ສະມິດມີຊື່ສຽງໂດ່ງດັງຈາກຜົນງານສິລະປະຈັດວາງຂະໜາດໃຫຍ່ຫຼິ້ນກັບແສງໂດຍການໃຊ້ແສງພື້ນທີ່ຫວ່າງ ສີສະພາບແວດລ້ອມ ແລະ ຄວາມປ່ຽນແປງເພື່ອດົນໃຈໃຫ້ຜູ້ຊົມຫັນມາພິຈາລະນາສິ່ງແວດລ້ອມຮອບ​ຕົວໃຫມ່ເປັນງານຮູບທໍາທີ່ຈັບຕ້ອງໄດ້ ຕິດຕັ້ງໄວ້ຊົ່ວຄາວ ແລະກະຕຸ້ນຄວາມຄິດຢ່າງຫຼາຍເພື່ອສ້າງປະສົບການໃນເລື່ອງຂອງພື້ນທີ່ ແລະ ເວລາຢ່າງມີເອກະລັກຜ່ານການປ່ຽນແສງ ແລະ ສີຂອງສະພາບແວດລ້ອມກັບການເຄື່ອນໄຫວຂອງຜູ້ຊົມ.

 

ແຮງບັນດານໃຈມາຈາກທ້ອງຟ້າເໜືອລານ Palazzo ແລະ ສະຖາປັດຍະກໍາຂອງເມືອງມິລານສະມິດອະທິບາຍເຖິງຜົນງານວ່າ:

"ຂ້ອຍຢາກຈະດຶງທ້ອງຟ້າມາສູ່ພື້ນດິນໃຫ້ຮູ້ສຶກຄືເຮົາສໍາຜັດທ້ອງຟ້າໄດ້ພື້ນທີ່ສີ່ຫຼ່ຽມຂອງທ້ອງຟ້າທີ່ຢູ່ເໜືອລານ Palazzo ກາຍມາເປັນຮູບຊົງ​ເຄິ່ງວົງມົນຢູ່ເທິງພື້ນຕໍ່ໜ້າຜູ້ຊົມພໍດີແນວຄິດຂອງຂ້ອຍຄືການຜະສານຄວາມງາມຂອງສະຖາປັດຕະຍະກໍາຮອບໆເຂົ້າກັບທ້ອງຟ້າເໜືອເມືອງມິລານແບບໄຮ້ຮອຍຕໍ່ ແລະ ມີຊີວິດຊີວາພ້ອມທັງສ້າງປະສົບການທີ່ປ່ຽນແປງຕະຫຼອດເວລາໃຫ້ກັບຜູ້ຊົມ.

 

ເມື່ອທ່ານຍ່າງຜ່ານເສົາລະບຽງໃນລານ ແລະ ຍ່າງຕໍ່ໄປສູ່ສວນທີ່ຢູ່ຕິດກັນຂອງ Palazzo ຈະເຫັນງານປະຕິມາກໍາທາງກາງທີ່ມີສ່ວນເຕີມເຕັມຈາກງານສະທ້ອນຂະໜາດນ້ອຍ​ກວ່າຕັ້ງຢູ່ພື້ນທີ່ສີຂຽວ ພື້ນທີ່ຫວ່າງອັນສະຫງົບນິ້ງ​ເຊິ່ງຫຼົບຈາກຖະຫນົນຍັງຄົງຄວາມຕໍ່ເນື່ອງຂອງປະຕິສໍາພັນລະຫວ່າງສະຖາປັດຍະກໍາກັບທໍາມະຊາດເອົາໄວ້ຈາກການທີ່ຊິ້ນງານປັບໂຄງສ້າງ ແລະປະຕິບັດຕໍ່ເຕີມຕົວຢ່າງຂອງສວນແຫ່ງນີ້ ສະມິດອະທິບາຍເຖິງຜົນວຽກຂອງເຂົາ.

ຄອດມີຄວາມຍິນດີທີ່ຈະນໍາສະເໜີ Open Sky ງານສິລະປະຈັດວາງຂະໜາດໃຫຍ່ໂດຍສິລະປິນ ຟິນລິບ ເຄ ສະມິດ ທີສາມ ທີ່ສ້າງສັນງານສິລະປະເພື່ອຕິດຕັ້ງສະ​ເພາະທີ່ໃນ Palazzo Isimbardi ສະຖາປັດຍະກໍາຈາກຍຸກສະຕະວັດທີ່ 16 ໂດຍສະ​ເພາະ ແລະ ເປີດໃຫ້ເຂົ້າໄປຊົມໄດ້ໃນງານ Salone del Mobile ເມືອງມິລານ ປະ​ເທດ​ອີ​ຕາ​ລີ.