ແຮງງານ80ກວ່າຄົນໃນນິຄົມອຸດສາຫະກຳການຄ້າວຽງຈັນໂນນທອງ ຖືກຫາມສົ່ງໂຮງໝໍ ຫຼັງແພ້ຢາຂ້າແມງໄມ້

ເມື່ອວັນທີ 9 ພະ­ຈິກຜ່ານມາ ບໍລິສັດໄດອິຈິ-ເດັນຊິລາວຈຳ­ກັດ ທີ່ດຳ­ເນີນ ກິດ­ຈະ­ການເຂດນິ­ຄົມອຸດ­ສາ­ຫະ­ກຳການ ຄ້າວຽງຈັນ-ໂນນທອງ ນະ­ຄອນ­ຫຼວງ ວຽງຈັນ ໄດ້ມີການຖະ­ແຫຼງຂ່າວກ່ຽວກັບສານເຄມີ ໂດຍ ທ່ານ ນາງ ພະ­ນິ­ດາ ໄຊຍະວົງ ຫົວ­ໜ້າພະແນກການບໍ­ລິ­ຫານ, ການບັນ­ຊີ ແລະບໍ­ລິ­ຫານບຸກຄະ­ລາກອນບໍ­ລິ­ສັດໄດ້ຊີ້ແຈງຕໍ່ສື່ ມວນຊົນວ່າ: ໃນວັນທີ 20 ກັນ­ຍາຜ່ານ ມາບໍ­ລິ­ສັດຕົນໄດ້ຈ້າງບໍ­ລິ­ສັດແຫ່ງໜຶ່ງມາສີດຢາຂ້າແມງ­ໄມ້ ຊຶ່ງປະ­ມານ 3 ປີຈະສີດຄັ້ງໜຶ່ງ, ຄັ້ງນີ້ຖືເປັນ ຄັ້ງທີ 2 ພາຍ­ຫຼັງທີ່ໄດ້ເລີ່ມທຳການຜະ­ລິດເປັນ ຕົ້ນມາບໍ­ລິ­ສັດສີດຢາຂ້າແມງ­ໄມ້ອາດໃຊ້ຢາເກີນຂະ­ໜາດສົ່ງຜົນກະ­ທົບໃຫ້ພະ­ນັກ ງານທີ່ມາເຮັດວຽກໃນມື້­ຕໍ່­ມາ (ວັນທີ 21-23 ກັນ­ຍາ) ມີອາ­ການຕີນສັ່ນ, ມື ສັ່ນ, ເຈັບຫົວ ແລະປວດ­ຮາກ ສະ­ນັ້ນບໍລິສັດຈຶ່ງໄດ້ສັ່ງຢຸດການຜະ­ລິດທັງໝົດກັບທີ່ ພ້ອມນຳສົ່ງພະ­ນັກ­ງານທີ່ມີອາ ການແພ້ເຄມີໄປໂຮງ­ໝໍ.

ໂດຍພະ­ນັກ­ງານຜູ້ຜະ­ລິດທີ່ເກີດອາ ການແພ້ສານເຄມີຕັ້ງ­ແຕ່ວັນທີ 21-23 ກັນ­ຍາຜ່ານມາລວມມີທັງໝົດ 87 ຄົນໃນນີ້ມີອາ­ການຮຸນແຮງ 3 ຄົນ ໃນຈຳນວນພະ­ນັກ­ງານທັງໝົດ 423 ຄົນ ແນວໃດກໍດີອຳ­ນາດການປົກ­ຄອງພາກລັດ ເປັນ­ຕົ້ນສະ­ພາບໍ­ລິ­ຫານເຂດນິ­ຄົມອຸດສາຫະກຳກໍໄດ້ລົງຕິດ­ຕາມສະ­ພາບການ ຢ່າງໃກ້­ຊິດ ພ້ອມດຽວກັນນີ້ ບໍ­ລິ­ສັດຍັງ ຢືນ­ຢັນຈະບໍ່ມີການສີດຢາເປັນຄັ້ງທີ 3 ອີກ ແລະຈະບໍ່ໃຫ້ເກີດເຫດ­ການນີ້ອີກ ເປັນຄັ້ງທີ 2 ພ້ອມທັງຝາກເຖິງບັນ­ດາ ປະ­ຊາ­ຊົນບໍ່ໃຫ້ແຕກຕື່ນຕໍ່ເຫດ­ການນີ້ ປະ­ຈຸບັນ ຜູ້ທີ່ມີອາ­ການແພ້ກໍສາ­ມາດເຂົ້າ ເຮັດວຽກໄດ້ເປັນປົກ­ກະ­ຕິ ສ່ວນຜູ້ທີ່ຍັງ ມີອາ­ການດັ່ງ­ກ່າວກໍໃຫ້ພັກ­ຜ່ອນຈົນກວ່າຈະຫາຍດີຈຶ່ງກັບມາເຮັດວຽກນຳບໍ­ລິ­ສັດພວກເຮົາ, ຄ່າໃຊ້ຈ່າຍໃນການປິ່ນ ປົ່ວບໍ­ລິ­ສັດພວກເຮົາເປັນຜູ້ຮັບ­ຜິດ­ຊອບທັງໝົດ.

ທ່ານ ນາງ ພະ­ນິ­ດາ ໄຊຍະວົງ ກ່າວອີກວ່າ: ບໍ­ລິ­ສັດໄດອິຈິ-ເດັນຊິລາວ ຈຳກັດ ເປັນບໍ­ລິ­ສັດໜຶ່ງທີ່ທຳການຜະ­ລິດສາຍໄຟເອເລັກໂຕຣນິກເປັນ­ຕົ້ນສາຍໄຟ ໃນຕູ້­ເຢັນ, ໝໍ້ນ້ຳອຸ່ນ, ແອ ແລະອື່ນໆຊຶ່ງໄດ້ເປີດຢ່າງເປັນທາງການໃນວັນທີ 11 ພະ­ຈິກ 2011 ແລະເລີ່ມຜະ­ລິດແຕ່ປີ 2012 ເປັນ­ຕົ້ນມາ ໂດຍສິນ­ຄ້າທີ່ຜະ ລິດອອກມານັ້ນ ຈະສົ່ງອອກຕ່າງ­ປະ­ເທດ ໂດຍສະ­ເພາະປະ­ເທດຍີ່­ປຸ່ນກວມເອົາ ເຖິງ 70% ຂອງການສົ່ງອອກ, ຫວຽດ ນາມ ແລະໄທເປັນອັນດັບຕໍ່ມາ, ການສົ່ງອອກເດືອນໜຶ່ງປະ­ມານ 4 ຄັ້ງ, ຄັ້ງໜຶ່ງມີມູນຄ່າປະ­ມານ 60 ພັນໂດລາ ແລະໃນສະ­ພາບອາ­ກາດໜາວແມ່ນຈະມີມູນຄ່າປະ­ມານ 70 ພັນໂດລາຕໍ່ຄັ້ງ.

ຂ່າວ-ພາບ: ເສດຖະກິດ-ສັງຄົມ