ແອັບເປີ້ນມື້ລະໜ່ວຍ ຊ່ວຍ ລົດຄວາມຕຸ້ຍໄດ້

ແອັບເປີ້ນມື້ລະໜ່ວຍ ຊ່ວຍ ລົດຄວາມຕຸ້ຍໄດ້

ລົດຄວາມຕຸ້ຍ ດ້ວຍແອັບເປີ້ນ “An apple a day, keep your doctor away.” ເປັນສຸພາສິດເກົ່າແກ່ຂອງຄົນອັງກິດທີ່ວ່າ ການກິນແອັບເປີ້ນທຸກມື້ຈະຊ່ວຍໃຫ້ສຸຂະພາບດີຈົນເຈົ້າບໍ່ຕ້ອງໄປພົບໝໍ ແລະ ໃນປະຈຸບັນແອັບເປີ້ນຍັງກາຍເປັນວັດຖຸດິບຫຼັກສຳລັບສາດການເບິ່ງແຍງ ແລະ ສຸຂະພາບ ແລະ ນ້ຳໜັກໜັກໃນແບບຕ່າງໆ

ໃນຕຳນານເທບພະເຈົ້ານອສຂອງຊາວສະແກນດິເນວຽກກ່າວວ່າ ບັນດາເທບແຫ່ງນອສສາມາດຄົງຄວາມເແັນອຳມະຕະໄດ້ກໍ່ເພາະໄດ້ກິນແອັບເປີ້ນທີ່ເທພີຮີ ດູນເກັບຮັກສາໄວ້ມີຢູ່ເທື່ອໜຶ່ງທີ່ເທພີຮີດູນຖືກລັກພາໂຕໄປ ເຖີງກັບເຮັດໃຫ້ເຫຼົ່າເທບແຫ່ງນອສເຖີ່ງກັບຊະ ລາພາບລົງ ມີຮອຍຕີນກາ ແລະ ຜົມຫງອກໄປຕາມໆກັນເລີຍ

ຈາກຕຳນານເລົ່າຂານ ມາເຖີງສາດການແພດ ແລະ ວິທະຍາສາດປັດຈຸບັນ ມີຜົນງານວິໄຈທາງໂພສະນາການສະໄໝໃໝ່ພັບວ່າ ໃນແອັບເປີ້ນ 1 ໜ່ວຍປະກອບໄປດ້ວຍຄຸນຄ່າທາງໂພສະນາການຫຼາກຫຼາຍ ແລະ ອຸດົມໄປດ້ວຍວິຕາມິນ ເຊັ່ນ ວິຕາມິນເອ ບີ1 ບີ2 ບີ3 ບີ5 ບີ6 ກົດໂຟລິກ ວິຕາມິນຊີ ແຄລຊຽວ ແມັກນີຊຽມ ຟອດຟໍຮັສ ສັງກະສີ ເຫຼັກ ແລະ ອື່ນໆ

ໃນມຸມມອງຂອງການແພດແຜນປະຈຸບັນເບິ່ງວ່າ ທຸກມື້ນີ້ຜູ້ຄົນລ້ວນພົບກັບປັນຫາສຸ ຂະພາບເຮື້ອຮັງ ແລະ ມີສາເຫດການຕາຍສູງໃນໂລກທີ່ສຳພັນກັບພາວະຕຸ້ຍເກີນ ເຊັ່ນ ໂລກໄຂມັນໃນເລືອດສູງ ໂລກຫົວໃຈແລະຫຼຶດເລືອດໂລກເບົາຫວານ ໄປຈົນເຖີງໂລກມະ ເຮັງບາງຊະນິດກໍ່ສຳພັນກັບ ຄວາມຕຸ້ຍດ້ວຍ ຈະເຫັນໄດ້ຊັດເຈນໃນກໍລະນີຂອງໂລກມະ ເຮັງເຕົ້ານົມໃນຜູ້ຍິງ ແລະ ໂລກມະເຮັງລຳໄສ້ ທີ່ຫາກວ່າໃຜຕຸ້ຍໄຂມັນເກີນກໍ່ຈະມີອັດຕາສ່ຽງໃນມະເຮັງເຕົ້າກຸ່ມ ດັ່ງກ່າວຫຼາຍຂຶ້ນດັ່ງນັ້ນການກຳຈັດໄຂມັນສ່ວນເກີນ ອອກຈາກຮ່າງກາຍນອກຈາກເປັນເລື່ອງຂອງຄວາມສວຍງາມແລ້ວ ຍັງສົ່ງຜົນຕໍ່ຜົນຕໍ່ສຸຂະພາບໃນໄລຍະອີກດ້ວຍ

ເວົ້າງ່າຍແຕ່ເຮັດບໍ່ຍາກ ເພາະຂະບວນການຂັບໄຂມັນສ່ວນເກີນອກຈາກຮ່າງກາຍນັ້ນຈຳເປັນຈະຕ້ອງເພີ່ງພາຄວາມສາມາດຂອງການຂັບນ້ຳດີອອກຈາກຕັບ ເພາະວ່າທີ່ເຮົາມີໄຂມັນບໍ່ດີ ຢ່າງ LDL ເກີນ ຮ່າງກາຍຈະສົ່ງ LDL ນີ້ໄປທີ່ຕັບ ຊື່ງປຽບເໝືອນຂີ້ເຫຍື້ອແລ້ວຕັບກໍ່ຈະເຮັດການຫີບຫໍ່ໄຂມັນເຫຼົ່ານີ້ໃນຮູບຂອງນ້ຳດີ ກ່ອນທີ່ຈະ Dump ລົງທໍ່ລະບາຍທີ່ເອີ້ນວ່າທໍ່ນ້ຳດີເພື່ອທີ່ຈະຂັບຖີ້ມໄປກັບຂອງເສຍຕໍ່ໄປ ແຕ່ຖ້າເຈົ້າທໍ່ນ້ຳດີທີ່ເວົ້ານີ້ເກີດອຸດຕັນຫຼືນ້ຳດີຂົ້ນມືດ ກໍ່ຈະບໍ່ມີປະສິດທິພາບການຂັບໄຂມັນເທົ່າທີ່ຄວນ ດັ່ງນັ້ນການກິນອາ ຫານສູດຈຳເພາະເພື່ອເຮັດໃຫ້ນ້ຳດີຂັບເຄື່ອນໄດ້ດີຂຶ້ນຈື່ງເປັນ ເປົ້າໝາຍທາງໂພສະນາການບຳບັດຂອງເຮົາ

ໂດຍສ່ວນຕົວໝໍມັກນຳແອັບເປີ້ນຂຽວ ມາປຸງອາຫານສຸຂະະພາບເປັນພິເສດ ໂດຍສະ ເພາະກຸ່ມອາຫານລົດນ້ຳໜັກ ແລະ ຈຳກັດພະລັງງານມີຄວາມຫວານນ້ອຍ ອີກທັ້ງແອັບເປີ້ນຂຽວຍັງມີກົດໝາກໄມ້ຊະນິດພິເສດທີ່ເອີ້ນວ່າກົດມາລິກ (Malic acid) ຢູ່ ເມື່ອຮັບປະທານເຂົ້ໄປແລ້ວຈະຊ່ວຍເຮັດໃຫ້ນ້ຳດີແຫຼວລົງ ສົ່ງຜົນໃຫ້ນ້ຳດີຂັບອອກຈາກຕັບໄດ້ງ່າຍຂຶ້ນ ແລະ ຕາມທີ່ໝໍອະທິບາຍໄວ້ຂ້າງຕັບເຈົ້າຄົງຈະພໍທຽບຄຽງໄດ້ວ່າແອັບເປີ້ນຂຽວຊ່ວຍລົດໄຂມັນໃນຮ່າງກາຍໄດ້ແນວໃດ

ກ່ອນຈົບເລື່ອງເຂົ້າຄົວໝໍຂໍຕື່ມເຄັດຄວາມຮູ້ອີກໜ້ອຍໜຶ່ງວ່າ ແອັບເປີ້ນເປັນພືດໃນວົງ Rosaceae ຊື່ງຢູ່ໃນຕະກູນດຽວກັບດອກກຸຫຼາບມີິກິ່ນຫອມເປັນລັກສະນະພິເສດຄົນຢູໂຮບໂບຮານ ຈື່ງຖືວ່າຜົນຂອງແອັບເປີ້ນເປັນໝາກໄມ້ແຫ່ງຄວາມຮັກ ເມື່ອຄົນກຮີກຢາກບອກຮັກກັນແອັບເປີ້ນເປັນອີກສັນຍາລັກໜຶ່ງທີ່ຜູ້ຊາຍຈະມອບໃຫ້ແກ່ຍິງສາວໂດຍມີຄວາມໝາຍເລີກໆກໍ່ຄື “ຂ້ອຍຢາກໃຫ້ເຈົ້າເປັນແມ່ຂອງລູກຂ້ອຍ ຮັບຮັກຂ້ອຍເນາະ” ຊື່ງໝໍຄິດວ່າ ຖ້າເຈົ້າທີ່ກຳລັງປະສົບກັບປັນຫາໂລກຕຸ້ຍຢູ່ ລອງມາບໍລິ ໂພກແອັບເປີ້ນມື້ລະໜ່ວຍ ນອກຈາກສຸຂະພາບດີແລ້ວ ມັນຊ່ວຍລົດຄວາມມຕຸ້ຍໄດ້ອີກດ້ວຍ