ແອັດ ມາດຣິດ ກຽມຍື່ນຂໍຊື້ ໂມຣາຕາ ເສີມຄົມ

 

ແອັດເລຕິໂກ ມາດຣິດ ກຽມຍື່ນຊື້ ອັນບາໂລ ໂມຣາຕາ ກອງໜ້າຂອງ ຢູເວັນຕຸດ ໃນພັກລະດູການນີ້ ເຊື່ອວ່າຄ່າຫົວນັກເຕະຢູ່ທີ່ 28 ລ້ານປອນແຕ່ກໍຕ້ອງຍາດກັບ ເຊວຊີ, ອາເຊນອນ ແລະ ເຣອັນ ມາດຣິດ ທີ່ຈ້ອງດຶງເຂົາເຊັ່ນກັນ.

 

“ກາໝີ” ແອັດເລຕິໂກ ມາດຣິດ ສະໂມສອນດັງຂອງ ລາ ລີກາ ຕົກເປັນຂ່າວວ່າກຽມທີ່ຍື່ນຂໍ້ສະເໜີຂໍຊື້ ອັນບາໂລ ໂມຣາຕາ ຫົວຫອກຂອງ “ມ້າລາຍ” ຢູເວັນຕຸດ ສະໂມສອນດັງຂອງ ກັນໂຊ ຊີຣີ ອາ ມາເສີມທັບໃນຊ່ວງຊຳເມີນີ້ ຈາກການລາຍງານເມື່ອວັນຈັນທີ 6 ທີ່ຜ່ານມາ.

 

ກ່ອນໜ້ານີ້ມີຂ່າວວ່າ ເຊວຊີ ແລະ ອາເຊນອນ 2 ຍັກໃຫຍ່ຈາກລີກຜູ້ດີຕາງກໍໃຫ້ຄວາມສົນໃຈ ໂມຣາຕາ ເຊັ່ນກັນໂດຍເຊື່ອວ່ານັກເຕະອາດຈະມີຄ່າໂຕຢູ່ທີ່ 28 ລ້ານປອນ ຂະນະທີ່ ເຣອັນ ມາດຣິດ ກໍສົນໃຈທີ່ຈະໃຊ້ຕົວເລືອກຊື້ໂຕກັບໄປຮ່ວມທີມໃນລາຄາ 32 ລ້ານປອນ ກ່ອນທີ່ພວກເຂົາຈະຂາຍຕໍ່ໄປໃຫ້ກັບທີມອື່ນ.

 

ຢ່າງໃດກໍຕາມ ໂມຣາຕາ ກໍບໍ່ຕ້ອງການໃຫ້ສະຖານະການຂອງຕົນເອງຍືດຍາວ ຂະນະທີ່ບານ ຢູໂຣ 2016 ທີ່ຝຣັ່ງກຳລັງຈະເປີດສາກຂຶ້ນໃນວັນສຸກທີ 10 ມິຖຸນານີ້.

 

“ຂ້ອຍຫວັງວ່າອະນາຄົດຂອງຂ້ອຍຈະສາມາດຊອກທາງອອກໄດ້ໂດຍໄວທີ່ສຸດ ເພື່ອຈະໄດ້ຮູ້ວ່າຂ້ອຍຈະຢູ່ຕໍ່ໄປ ຫຼື ຂ້ອຍຈະຍ້າຍບ່ອນໃດກໍຕາມທີ່ເຂົາຕ້ອງການຂ້ອຍທີ່ສຸດ ຂ້ອຍຈະໄປບ່ອນນັ້ນ” ໂມຣາຕາ ກ່າວ.

 

ສຳລັບ ໂມຣາຕາ ເຮັດຜົນງານໄດ້ດີໂດຍການຍິງ 10 ລູກ ແລະ 12 ແອສຊິດໃຫ້ກັບ ຢູເວ ເມື່ອລະດູການທີ່ຜ່ານມາ ແລະ ຊ່ວຍໃຫ້ “ມ້າລາຍ” ໄດ້ດັບເບິນແຊມໃນປະເທດໄດ້ສໍາເລັດ.