ແລ້ວ​ເຈົ້າ​ຈະ​ບໍ່​ຕ້ອງ​ໃສ່​ແວ່ນ​ອີກ​ຕໍ່ໄປ​…ສຸດ​ຍອດ​ເຄັດ​ລັບ​!! ບອກ​ລາ​ ”ສາຍ​ຕາ​ສັ້ນ​”ດ້ວຍ​ວິທີ​ທຳມະຊາດ​

ແລ້ວ​ເຈົ້າ​ຈະ​ບໍ່​ຕ້ອງ​ໃສ່​ແວ່ນ​ອີກ​ຕໍ່ໄປ​…ສຸດ​ຍອດ​ເຄັດ​ລັບ​!! ບອກ​ລາ​ ”ສາຍ​ຕາ​ສັ້ນ​”ດ້ວຍ​ວິທີ​ທຳມະຊາດ​

ຄົງ​ມີ​ພຽງ​ບໍ່​ຈັກ​ຄົົນທີ່​ຢາກ​ໃສ່​ແວ່ນ​ຢູ່​ຕະຫຼອດ​ເວລາ​ ສ່ວນ​ໃຫຍ່​ການ​​ເບິ່ງ​ເຫັນ​ຫຍັງ​ໄດ້​ບໍ່​ຈະແຈ້ງ​ ເບິ່ງໄດ້​ລຳ​ບາກ​ເຖິງ​ຈະ​ຕ້ອງ​ໃສ່​ແວ່ນ​ຢູ່​ຕະຫຼອດ​ເວລາ​ “ສາຍ​ຕາ​ສັ້ນ​” ຄົງ​ບໍ່​ມີ​ຫຍັງ​ເປັນຕາລຳຄາຍ​ເທົ່າ​ແວ່ນ​ເລນ​ໜາ​ທີ່​ໃສ່​ຢູ່​ ຫຼື ​ບາງ​ຄົນ​ອາດ​ໃສ່​ຄອນ​ແທກ​ເລນ​ເພື່ອ​ຕັດ​ບັນຫາ​ການ​ໃສ່​ແວ່ນ​ ແຕ່​ກໍ​ມີ​ຜົນ​ກະທົບ​ຕໍ່​ສຸຂະພາບ​ດວງ​ຕາຄືເກົ່າ ມັນ​ຊິ​ດີກວ່າ​ນີ້​ຖ້າ​ຫາກ​ສາຍ​ຕາກັບ​ມາ​ເປັນ​ປົກກະຕິ​ໄດ້​ ດັ່ງ​ນັ້ນ​ຈຶ່ງ​ຂໍ​ແນະ​ນຳ​ວິທີ​ຮັກສາ​ອາການ​ສາຍ​ຕາ​ສັ້ນ​ ດ້ວຍ​ວິທີ​ທຳມະຊາດ​ ແລ້ວ​ເຈົ້າ​ຈະ​ຕ້ອງ​ເມີນ​ແວ່ນ​ອັນ​ເກົ່າຂອງ​ເຈົ້າ​ຕະຫຼອດ​ໄປ​…

ບົດ​ຄວາມ​ໜຶ່ງ​ໃນ​ນິຕະ​ສານ​ດ້ານ​ສຸຂະພາບ​ຂອງ​ອາ​ເມ​ຣິ​ກາ​ ກ່ຽວກັບ​ວິທີ​ທີ່​ຈະ​ຊ່ວຍ​ບຳ​ບັດ​ ອາການ​ສາຍ​ຕາ​ສັ້ນ​ໃຫ້​ດີ​ຂຶ້ນ​ ຊຶ່ງ​ຫາກ​ລອງ​ນຳ​ໄປ​ປະຕິບັດ​ປະ​ມານ​ 2-3 ອາທິດ​ທຸກ​ມື້​ ຈະ​ຮູ້ສຶກ​ວ່າ​ສາຍ​ຕາ​ດີ​ຂຶ້ນ​ຢ່າງ​ເຫັນ​ໄດ້​ຈະແຈ້ງ​

ວິທີ​ງ່າຍໆ​ທີ່​ຈະ​ຊ່ວຍ​ບຳ​ບັດ​ ອາການ​ສາຍ​ຕາ​ສັ້ນ​

ສິ່ງ​ທີ່​ຕ້ອງ​ເຮັດ​ເປັນ​ນິ​ໄສ​ ຄື​ ໃສ່​ແວ່ນ​ສາຍ​ຕາ​ ເມື່ອ​ຈຳ​ເປັນ​ເທົ່າ​ນັ້ນ​ ພະ ຍາຍາມ​ຢ່າ​ໃສ່​ແວ່ນ​ ບໍ່​ວ່າ​ຈະ​ເວລາ​ໃດ​ ເມື່ອໃດ​ກໍ​ຕາມ​ເທົ່າ​ທີ່​ຈະ​ເຮັດ​ໄດ້​ ເພາະ​ມັນ​ຈະ​ຊ່ວຍ​ເຮັດໃຫ້​ກ້າມເນື້ອຕາ​ ແລະ ​ລະບົບ​ປະສາດ​ອ້ອມ​ດວງ​ຕາ​ຂອງ​ເຈົ້າ​ ຮູ້ ສຶກ​ຜ່ອນ​ຄາຍ​

ວິທີ​ອ່ານ​ໜັງສື​ຢ່າງ​ຖືກ​ຕ້ອງ​

ເມື່ອ​ໃດ​ກໍ່​ຕາມ​ ທີ່​ອ່ານ​ໜັງສື​ ຕ້ອງ​ຖອດ​ແວ່ນ​ອອກ​ທຸກ​ເທື່ອ​ ແລ້ວ​ພະຍາຍາມ​ອ່ານ​ໜັງ​ສືໂດຍ​ທພະຍາຍາມ​ໃຫ້​ຕາ​ທັງ​ສອງ​ຂ້າງ​ຢູ່​ຫ່າງ​ຈາກ​ຫນັງສື​ຫຼາຍທີ່ສຸດ​ ແຕ່​ຕ້ອງ​ເປັນໄລຍະ​ທີ່​ສາມາດ​ອ່ານ​ຕົວ​ຫນັງສື​ໄດ້​ຢ່າງ​ຊັດເຈນ​ ຫາກ​ເຮັດ​ຈົນ​ຕິດ​ເປັນ​ນິ​ໄສ​ແລ້ວ​ ຈະ​ຮູ້ສຶກ​ວ່າ​ເຈົ້າ​ຈະ​ຄ່ອຍ​ໆ​ສາມາດ​ອ່ານ​ຫນັງສື​ໄດ້​ຫ່າງ​ຫຼາຍຂຶ້ນ​ໄປ​ເລື່ອຍໆ​

ສຳລັບ​ທີ່ກຄົນ​ສາຍ​ຕາ​ສັ້ນ​ບໍ່​ເທົ່າ​ກັນ​ ໄລຍ​ະຫ່າງ​ທີ່​ຊັດເຈນ​ຂອງ​ຕາ​ແຕ່​ລະ​ຂ້າງ​ນັ້ນ​ ຄ່ອນ​ຂ້າງ​ຈະ​ແຕກ​ຕ່າງ​ກັນ​ ດັ່ງ​ນັ້ນ​ເວລາ​ອ່ານ​ຫນັງສື​ ໃຫ້​ໃຊ້​ມື​ຂ້າງ​ໃດ​ກໍ​ໄດ້​ ປິດ​ຕາ​ຂ້າງ​ໜຶ່ງ​ໄວ້​ ແລ້ວ​ຄ່ອຍ​ໆ​ ອ່ານ​ດ້ວຍ​ຕາ​ເທື່ອ​ລະ​ຂ້າງ​ສະ​ລັບ​ກັນ​ໄປ​ ແຕ່​ຖ້າ​ສາຍ​ຕາ​ທັງ​ສອງ​ຂ້າງ​ຕ່າງ​ກັນ​ພຽງໜ້ອຍ​ດຽວ​ ອ່ານ​ພ້ອມ​ກັນ​ທັງ​ສອງ​ຂ້າງ​ກໍ່ບໍ່​ເປັນ​ຫຍັງ​

ກະ​ພິບ​ຕາ​ໃຫ້​ດຸໆ​ ການ​ຝຶກ​ກະ​ພິບ​ຕາ​ໃຫ້​ດຸ​ (ປະ​ມານ​ 1 ເທື່ອ​ ຕໍ່​ 10 ວິ​ນາ​ທີ​) ຈະ​ຊ່ວຍ​ເຮັດໃຫ້​ກ້າມເນື້ອ​ຕາ​ ຮູ້ສຶກ​ຜ່ອນ​ຄາຍ​ ບໍ່​ຕຶງ​ຄຽດ​

ວິທີ​ບຳ​ບັດ​ທີ່​ຕ້ອງ​ເຮັດ​ເປັນ​ປະຈຳ​ (ຕ້ອງ​ເຮັດ​ທຸກ​ວິທີ​)

ການ​ບໍລິຫານ​ກ້າມ​ເນື້ອດ​ວງ​ຕາ​ ໃຫ້​ຊຳ​ເລືອງ​ຕາ​ຂຶ້ນ​ໄປ​ຂ້າງ​ເທິງ​ ຄ້າງ​ໄວ້​ປະ​ມານ​ 5 ວິ​ນາ​ທີ​ ແລ້ວ​ຊຳ​ເລືອງ​ຕາ​ ລົງ​ຂ້າງ​ລຸ່ມ​ ຄ້າງ​ໄວ້​ປະ​ມານ​ 5 ວິ​ນາ​ທີ​ ແລ້ວ​ຊຳ​ເລືອງ​ຕາ​ ໄປ​ທາງ​ຊ້າຍ​ ຄ້າງ​ໄວ້​ປະ​ມານ​ 5 ວິ​ນາ​ທີ​ ແລ້ວ​ຊຳ​ເລືອງ​ຕາ​ ໄປ​ທາງ​ຂວາ​ ຄ້າງ​ໄວ້​ປະ​ມານ​ 5 ວິ​ນາ​ທີ​ສຳເລັດ​ແລ້ວ​ພັກ​ຕາ​ບຶດໜຶ່ງ ແລ້ວ​ເລີ່ມ​ເຮັດ​ໃໝ່​ໄປ​ອີກ​ເລື່ອຍ​ໆ​ ມື້​ລະ​ 10 ນາ​ທີ​

ການ​ບຳ​ບັດ​ດ້ວຍ​ນ້ຳ​ເຢັນ​

ເມື່ອ​ລ້າງ​ໜ້າ​ສຳເລັດ​ ກ່ອນ​ຈະ​ອາບ​ນ້ຳ​ໃຫ້​ກຽມ​ນ້ຳ​ເຢັນ​ (ບໍ່​ແມ່ນ​ນ້ຳ​ອຸ່ນ​) ໃສ່​ພາຊະນະນ້ອຍ​ໆ​ໄວ້​ ກົ້ມ​ໜ້າລົ​ງ​ໄປ​ນ້ອຍໆ​ ເຮັດ​ມື​ທັງ​ສອງ​ໃຫ້ເປັນ​ຮູບ​ຖ້ວຍ​ ແລ້ວ​ກວັກ​ນ້ຳ​ໃຫ້​ເຕັມ​ ໃຫ້​ມື​ຢູ່​ຫ່າງ​ຈາກ​ດວງ​ຕາປະ​ມານ​ 6 ຊັງຕິ​ແມັດ​ ຫຼັບ​ຕາ​ລົງ​ແລ້ວ​ຄ່ອຍ​ໆ​ ສາດ​ນ້ຳ​ມາລະ​ທົບ​ເປືອກ​ຕາ​ເບົາ​ໆ​ ນ້ຳ​ເຢັນ​ຈະ​ຊ່ວຍ​ໃຫ້​ກ້າມເນື້ອ​ອ້ອມ​ດວງ​ຕາ​ຮູ້​ຜ່ອນ​ຄາຍ​ໄດ້​ຫຼາຍຂຶ້ນ​ (ໃຫ້​ເຮັດ​ທຸກ​ມື້​ ມື້​ລະ​ 2 ເທື່ອ​ ເທື່ອ​ລະ​ 10 ນາ​ທີ​)

ການ​ບຳ​ບັດ​ດ້ວຍ​ການສ້າງ​ມະໂນພາບ​

ໃຫ້​ຫາ​ຫນັງສື​ຫຍັງ​ກໍ​ໄດ້​ມາ​ 1 ເຫຼັ້ມ ເປີດ​ໜ້າ​ໃດ​ກໍ​ໄດ້​ທີ່​ມີ​ຕົວ​ຫນັງສື​ ຖອດ​ແວ່ນ​ອອກ​ ແລ້ວ​ເລືອກ​ຄຳ​ຫຍັງ​ກໍ​ໄດ້​ 1 ຄຳ​ຈາກ​ໜ້າ​ນັ້ນ​ ຈຳ​ຮູບ​ຮ່າງ​ຂອງ​ຄຳ​ນັ້ນ​ໄວ້​ໃຫ້​ດີ​ ເອົາໜັງສື​ອອກ​ໄປ​ໃຫ້​ໄກ​ ໃນໄລຍະ​ທີ່​ເຈົ້າ​ເບິ່ງ​ເຫັນ​ບໍ່ຈະ​ແຈ້ງ​ ແລ້ວ​ຫຼັບ​ຕານລົງ​ ຄິດພາບ​ໃນ​ໃຈ​ໃຫ້​ຮູ້ສຶກ​ວ່າ​ເຈົ້າ​ເຫັນ​ຄຳ​ນັ້ນ​ໄດ້​ຢ່າງ​ຊັດເຈນ​ ການເຮັດ​ແບບ​ນີ້​ ຈະ​ຊ່ວຍ​ໃຫ້​ກ້າມເນື້ອ​ຕາ​ຄ່ອຍ​ໆ​ ປັບ​ໂຟ​ກັດ​ ໃຫ້​ດີ​ຂຶ້ນ​ໄດ້​ຢ່າງ​ອັດ​ຕະໂນ​ມັ​ດ (ໃຫ້​ເຮັດ​ທຸກ​ມື້​ ມື້​ລະ​ປະ​ມານ​ 10 ນາ​ທີ​)

ການ​ບຳ​ບັດ​ດ້ວຍ​ມື​

ກ່ອນ​ນອນ​ ໃຫ້​ນັ່ງ​ລົງ​ເທິງ​ຕັ່ງທີ່​ນັ່ງ​ສະບາຍ​ໆ​ ຫຼັບ​ຕາລົ​ງ​ ແລ້ວ​ໃຊ້​​ມື​ຊ້າຍ​ປິດ​ຕາ​ຊ້າຍ​ເບົາ​ໆ​ ແລະ ​ໃຊ້​ມື​ຂວາ​ປິດ​ຕາຂວາ​ເບົາ​ໆ​ ຈະ​ຊ່ວຍ​ເຮັດໃຫ້​ບໍ່​ມີ​ແສງ​ເຂົ້າ​ສູ່​ຕາ​ໄດ້​ ຄວາມ​ມືດ​ທີ່​ເຫັນ​ຈະ​ເຮັດໃຫ້​ດວງ​ຕາ​ຮູ້ສຶກ​ສະບາຍ​ກວ່າປົກກະ​ຕິ​ (ໃຫ້​ເຮັດ​ທຸກ​ມື້​ກ່ອນ​ນອນ​ ມື້​ລະ​ຢ່າງ​ຕ່ຳ​ 45 ນາ​ທີ​)

ຫາກ​ປະຕິບັດ​ເປັນ​ປະຈຳ​ ຫຼື ເຮັດ​ເປັນ​ນິໄ​ສ​ ບໍ່​ດົນ​ສາຍ​ຕາ​ຈະ​ກັບ​ເປັນ​ປົກກະຕິ​ຫຼາຍ​ຂຶ້ນ​ ຈົນ​ຕົວ​ເອງ​ຕ້ອງແປກໃຈ​ກັບ​ຄວາມ​ປ່ຽນ​ແປງ​ທີ່​ດີ​ຂຶ້ນ​ ລືມ​​ວ່າ​ເຄີຍ​ໃສ່​ແວ່ນຕາ​