ແມ່ຕູ້ເຖົ້າສູ້ຊີວິດອາຍຸ 80ປີ ຫາບກ້ວຍຂາຍ ເພື່ອແລກກັບເງີນປະຄອງຊີວິດລ້ຽງຊີບ

ພາບເລົ່າຈາກເຫດການຈິງຂອງຜູ້ໃຊ້ເຟສບຸ໊ກຊື່: Nout Phommachan (ນຸດ) ໄດ້ໂພດຂໍ້ຄວາມ ແລະ ຮູບພາບ ທີ່ບັນຍານກ່ຽວກັບແມ່ຕູ້ເຖົ້າຄົນໜື່ງອາຍຸປະມານ 80ປີ ຍ່າງເລາະຫາບຂາຍກ້ວຍ ທ່າມກາງແສງແດດທີ່ຮ້ອນອົບເອົ້າໃນຕອນສວຍ ເພື່ອແລກກັບເງີນປະຄອງຊີວິດລ້ຽງຊີບ ແລະ ສັງຄານທີ່ເຖົ້າແກ່ແລ້ວ.

ແມ່ຄົນດຽວລ້ຽງລູກຫຼາຍຄົນໄດ້ ແຕ່ລູກຫຼາຍຄົນລ້ຽງແມ່ຄົນດຽວບໍ່ໄດ້ ພາບທີ່ເຫັນເຮັດໃຫ້ນ້ຳຕາໄຫຼ ເພາະແມ່ຕູ້ເຖົ້າຄົນນີ້ຫາບກ້ວຍຂາຍທ່າມກາງແສງແດດທີ່ຮ້ອນແສນຮ້ອນໃນຕອນສວາຍຈື່ງເຮັດໃຫ້ຜິວໜັງທີ່ຖືກກະທົບແສງແດດໄໝ້.ສາວນຸດບັງເອີນຜ່ານໄປເຫັນ ຈື່ງໄດ້ຕັດສິນໃຈຈອດລົດຊື້ໝາກກ້ວຍ ພ້ອມຖາມຕົ້ນປາຍສາຍເຫດວ່າ ແມ່ຕູ້ເພີ່ນມາແຕ່ທາງໃດ,ມາແຕ່ໃສ ແລະ ລູກຫຼານໄປທາງໃດໝົດ ແຕ່ບໍ່ກໍ່ບໍ່ໄດ້ຄຳຕອບຈາກເພີ່ນເຫັນແຕ່ແມ່ຕູ້ເຖົ້າເພີ່ນຫັ້ນໄປເຊັດນ້ຳຕາແລ້ວປີ່ນໜ້າຍ່າງໜີ ສາວນຸດເພີ່ນກໍ່ໄດ້ແຕ່ພຽງຊື້ໝາກກ້ວຍຊ່ວຍແມ່ຕູ້ເຖົ້າ ຈາກນັ້ນເພີ່ນກໍ່ໄດ້ຍ່າງຫາບກ້ວຍໄປຂາຍຕໍ່.ສຳລັບເຫດການດັ່ງກ່າວແມ່ນເກີດຂື້ນຢູ່ຕະຫຼາດຫຼັກ 8 ພາກໃຕ້ ເມືອງບາຈຽງ ແຂວງຈຳປາສັກ, ໃຜທີ່ກາຍໄປກາຍມາພົບເຫັນແມ່ຕູ້ເພີ່ນ ກໍຢ່າລືມອຸດໜຸນຊື້ຊ່ວຍເພີ່ນໃຫ້ແນ່ເດີ!!!