ແມນຢູ ເບິ່ງຄັກ!!! ມາດຣິດ ພ້ອມທີ່ຈະປ່ອຍ ໂຣນັນໂດ້ ຖ້າມູນຄ່າຮອດ 74 ລ້ານປອນ

ອະນາຄົດກັບ ເຣອັນ ມາດຣິດ ເລີ່ມບໍ່ແນ່ນອນສຳລັບ ຄຣິສຕຽນໂນ້ ໂຣນັນໂດ້ ຫຼັງຈາກທີ່ລ່າສຸດ ສື່ຕີຂ່າວ ຟໍເຣັນຕິໂນ້ ເປເຣດ ຫົວເຮືອໃຫຍ່ຂອງສະໂມສອນ ຖົກເລື່ອງສັນຍາໃໝ່ຂອງນັກເຕະຊາດ ປັອກຕຸຍການ ແລະ ກຽມທີ່ຈະເອົາອອກຈາກທີມແລກກັບເງິນ 74 ລ້ານປອນ ໂດຍທີ່ ແມນຢູ ກຳລັງຈັບຕາແບບບໍ່ໃຫ້ຄາດສາຍຕາ.

ເຣອັນ ມາດຣິດ ສະໂມສອນໃຫຍ່ຈາກ ລາ ລີກາ ສະເປນ ພ້ອມທີ່ຈະປ່ອຍ ໂຣນັນໂດ້ ນັກເຕະໂຕເກັ່ງຂອງທີມອອກຈາກສະໂມສອນຖ້າວ່າໄດ້ຮັບຂໍ້ສະເໜີປະມານ 74 ລ້ານປອນ ຈາກການລາຍງານຂອງສື່ໃນແດນກະທິງເມື່ອວັນຈັນທີ 19 ຕຸລາທີ່ຜ່ານມາ.

ຟໍເຣັນຕິໂນ້ ເປເຣດ ປະທານສະໂມສອນ “ລາຊາຊຸດຂາວ” ປະຕິເສດທີ່ຈະເຈລະຈາສັນຍາສະບັບໃໝ່ກັບ ໂຣນັນໂດ້ ທີ່ຕົກເປັນຂ່າວເຊື່ອມໂຍງກັບການຍ້າຍກັບໄປຫຼິ້ນໃຫ້ກັບ ແມນເຊສເຕີ້ ຢູໄນເຕັດ ໃນຊ່ວງພັກລະດູການທີ່ຜ່ານມາ ແລະ ພ້ອມທີ່ຈະປ່ອຍປີກດາວດັງອອກຈາກຖິ່ນ ຊານດິເອໂກ້ ເບີນາເບວ ຕໍ່ໄປ.

ນອກຈາກນີ້ ລາຍງານຍັງລະບຸວ່າ ຄວາມສຳພັນທີ່ບໍ່ລົງໂຕລະຫວ່າງ ໂຣນັນໂດ້ ແລະ ແກເຣັດ ເບວ ເປັນສາເຫດໜຶ່ງທີ່ອາດຈະເຮັດໃຫ້ອະດີດນັກເຕະ “ຜີສາດແດງ” ຈໍາໃຈຕ້ອງເບິ່ງຫາຕົ້ນສັງກັດໃໝ່ ເຖິງວ່າຈະອອກມາເປີດເຜີຍວ່າຕ້ອງການທີ່ຈະຢູ່ກັບ ເຣອັນ ມາດຣິດ ໄປຈົນຮອດອາຍຸ 40 ປີ ເມື່ອໄວໆນີ້ກໍຕາມ.

..................................................................................................................................................................................