ແຟັງເຟິດ ໄລ່ ເຟ ອອກຈາກຕັ່ງນາຍໃຫຍ່ແລ້ວ

 

ອາມິນ ເຟ ຖືກ ໄອທຣັກ ແຟັງເຟິດ ສັ່ງເດັ້ງອອກຈາກຕັ່ງນາຍໃຫຍ່ເປັນທີ່ຮຽບຮ້ອຍແລ້ວຫຼັງຈາກທີ່ “ອິນຊີແດງ-ດຳ” ມີຜົນງານຕົກຕ່ຳມາຫຼາຍນັດຈົນຕົກລົງມາຢູ່ໂຊນແດງ.

 

ໄອທຣັກ ແຟັງເຟິດ ສະໂມສອນໃນ ບຸນເດສລີກາ ເຢຍລະມັນ ປະກາດປົດ ອາມິນ ເຟ ອອກຈາກຕຳແໜ່ງຜູ້ຈັດການທີມເປັນທີ່ຮຽບຮ້ອຍເມື່ອວັນອາທິດທີ່ຜ່ານມາ ຫຼັງຈາກເຮັດຜົນງານໄດ້ຢ່າງຫ່ວຍແຕກດ້ວຍການບໍ່ຊະນະໃຜມາ 7 ເກມຕິດຕໍ່ກັນຈົນຕົກລົງມາຢູ່ໃນພື້ນທີ່ຕົກຊັ້ນແລ້ວ.

 

ນາຍໃຫຍອາຍຸ 55 ປີເຄີຍນຳ ສະຕຸດກາດ ໄດ້ແຊມ ບຸນເດສລີກາ ເມື່ອປີ 2007 ເຂົ້າມາຄຸມ “ອິນຊີແດງ-ດຳ” ເມື່ອເດືອນກໍລະກົດທີ່ຜ່ານມາດ້ວຍສັນຍາ 2 ປີ ແຕ່ຈາກຜົນສະເໝີ ອິງໂກສະຕັດ 1-1 ເມື່ອວັນເສົາທີ່ຜ່ານມາເຮັດໃຫ້ ແຟັງເຟິດ ຕົກໄປຢູ່ທີ 16 ເຊິ່ງເປັນພື້ນທີ່ ເພອອບ ໜີຕົກຊັ້ນມີ 24 ຈາກ 25 ນັດເທົ່ານັ້ນ.

 

ແຮເບະດ ບຣຸສຮາເກັນ ປະທານບໍລິຫານ ແຟັງເຟິດ ກ່າວວ່າ “ການແຍກທາງເປັນເລື່ອງທີ່ລຳບາກສຳລັບເຮົາສະເໝີເພາະ ອາມິນ ເຟ ແມ່ນຄົນທີ່ເຮົາເຊື່ອໝັ້ນຈົນເຖິງຕອນນີ້ ແຕ່ເຮົາຕ້ອງການໃຫ້ທີມໄດ້ແຮງກະຕຸ້ນຈາກການປ່ຽນຜູ້ຈັດການຄົນໃໝ່ເທື່ອນີ້ເພາະເຮົາຕ້ອງການປະສົບຄວາມສຳເລັດໃນການໜີຕົກຊັ້ນຂອງເຮົາ”.

 

ທັງນີ້ ແຟັງເຟິດ ຈັດການຕັ້ງ ໄຣເນີ ເກເຢີ ຜູ້ຊ່ວຍຂອງ ເຟ ຂຶ້ນມາຄຸມທັບເປັນການຊົ່ວຄາວຈົນກວ່າຈະຊອກນາຍໃຫຍ່ຄົນຖາວອນເຂົ້າມາໄດ້.