ແຟນໝີມີສະດຸ້ງ!!ຊິເມໂອເນຮັບກຣິສມັນອາດລາທີມ

 

ດິເອໂກ ຊິເມໂອເນ ນາຍໃຫຍ່ ແອັດເລຕິໂກ ມາດຣິດ ເວົ້າເປັນໄນໆແລ້ວວ່າໂອກາດທີ່ ອັອງຕວນ ກຣິສມັນ ດາວຍິງເລືອດນ້ຳຫອມຈະອຳລາທີມຫຼັງຈົບລະດູການນີ້ເປັນໄປໄດ້ສູງ ເຫດຜົນຍ້ອນບໍ່ມີຫຍັງກະລັນຕີວ່ານັກເຕະຈະຢູ່ກັບທີມຕໍ່ໄປເນື່ອງຈາກເຂົາມີຄ່າຈີກສັນຍາ ສະນັ້ນທຸກຢ່າງເປັນໄປໄດ້ສະເໝີ.

 

ເປັນທີ່ຮູ້ກັນດີແລ້ວວ່າ ແມນເຊສເຕີ ຢູໄນເຕັດ ສະແດງຄວາມປາຖະນາອັນໂຫດຮ້ຽມທີ່ຈະດຶງ ກຣິສມັນ ຫົວຫອກທີມຊາດຝຣັ່ງທີ່ຍິງໄປແລ້ວ 21 ປະຕູຈາກການລົງຫຼິ້ນ 39 ນັດໃຫ້ກັບຕົ້ນສັງກັດໃນລະດູການນີ້ ເຖິງຂັ້ນພ້ອມທຸ່ມ 86 ລ້ານປອນເພື່ອເປັນຄ່າຈີກສັນຍາໃນຊ່ວງຊຳເມີນີ້.

 

ເຖິງວ່າ ກຣິສມັນ ເຄີຍອອກມາກ່າວວ່າມີຄວາມສຸກກັບທີມດີແຕ່ ຊິເມໂອເນ ຍອມຮັບວ່າບໍ່ມີຫຍັງຈະຟັງທຸງໄດ້ວ່ານັກເຕະລາຍນີ້ຈະຢູ່ກັບທີມຕໍ່ໄປ “ກຣິສມັນ ອາດຈະຍ້າຍໃນຊ່ວງຊຳເມີນີ້ຫຼືບໍ່? ແນ່ນອນເພາະເຂົາມີຄ່າຈີກສັນຍາ ແລະ ບໍ່ມີຫຍັງຟັນທຸງໃນເລື່ອງນີ້”.

 

“ນັກເຕະທຸກຄົນທຸ່ມເທຊີວິດຂອງພວກເຂົາເພື່ອຂ້ອຍ ແນ່ນອນວ່າຂ້ອຍຈະໄປຕາມການຕັດສິນໃຈຂອງພວກເຂົາ ສິ່ງທີ່ຊັດເຈນຄືຖ້າວ່າເຂົາຍັງຢູ່ກັບທີມ ທີມ ແລະ ສະໂມສອນຈະຍັງຄົງເຕີບໃຫຍ່ຕໍ່ໄປ ນັກເຕະຊັ້ນດີຕ້ອງການລົງຫຼິ້ນໃນ ແຊມປຽນ ລີກ ແລະ ສູ້ຢ່າງເຕັມທີ່ ແນ່ນອນວ່າ ກຣິສມັນ ເປັນນັກເຕະພວກນັ້ນ” ຊິເມໂອເນ ລະບຸ.