ແຟນານດິນໂຢຍົກກາບາເຢໂລເຊບໂທດພາເຮືອເກັບແຊມລີກຄັບ

 

ແຟນານດິນໂຢ ກອງກາງຂອງ ແມນເຊສເຕີ ຊີຕີ ອອກມາຍົກ ວິນລີ ກາບາເຢໂລ ນາຍທະວານອາເຈັນໄຕທີ່ປ່ອຍຟອມສຸດແຈ່ມ ແລະ ໃຈເຢັນ ເຖິງວ່າຢູພາຍໃຕ້ຄວາມກົດດັນໃນຊ່ວງສຳຄັນຂອງການດວນຈຸດໂທດ ຫຼັງກາຍເປັນພະເອກເຊມລູກໂທດ 3 ຄັ້ງຊ່ວຍ “ເຮືອໃບສີຟ້າ” ຊະນະດວນເປົ້າ ຫົງແດງ ເກມ ແຄັບປີຕອນ ວັນ ຄັບ ຮອງຊິງດຳເມື່ອວັນອາທິດທີ່ຜ່ານມາ.

 

ແຟນານດິນໂຢ ມິດຟິວເລືອດແຊມບາຂອງ ແມນເຊສເຕີ ຊີຕີ ສະໂມສອນມະຫາເສດຖີຈາກ ພຣີເມຍລີກ ອອກມາກ່າວຍົກຍ້ອງ ວິນລີ ກາບາເຢໂລ ຜູ້ຮັກສາປະຕູເພື່ອນຮ່ວມທີມ ເຮັດຜົນງານໄດ້ແບບເທບຫຼັງຈາກປ້ອງກັນ 3 ຈຸດໂທດຊ່ວຍຕົ້ນສັງກັດດວນລູກໂທດຊະນະ ລີເວີພູ 3-1 ຫຼັງສະເໝີ 1-1 ໃນເວລາ 120 ນາທີໃນລາຍການ ແຄັບປີຕອນ ວັນ ຄັບ ຮອບຊິງຊະນະເລີດທີ່ສະໜາມ ເວມບລີ ສະເຕດຽມ ເມື່ອວັນອາທິດທີ່ຜ່ານມາ.

 

ນາຍທະວານອາເຈັນຕິນາອາຍຸ 34 ປີ ໄດ້ຮັບໂອກາດລົງເຝົ້າເສົາເປັນຕົວຈິງແທນ ໂຈ ຮາດ ເຊັ່ນດຽວກັບທີ່ເຂົາລົງຫຼິ້ນລາຍການນີ້ມາຕະຫຼອດ ແລະ ບໍ່ເຮັດໃຫ້ແຟນບານ ແມນ ຊີຕີ ຕ້ອງຜິດຫວັງເມື່ອຮັບບົດພະເອກປ້ອງກັນ 3 ຈຸດໂທດຂອງ ລູຄັສ ເລວາ, ຈໍແດນ ເຮັນເດີສັນ ແລະ ອະດຳ ລາລານາ ຊ່ວຍໃຫ້ທີມຄວ້າແຊມດັ່ງກ່າວໄດ້ເປັນສະໄໝທີ່ 4 ໄດ້ສຳເລັດ ແລະ ແຟນານດິນໂຢ ຍົກ ກາບາເຢໂລ ທຸ່ນຫຼາຍພາຍໃຕ້ເກມທີ່ກົດດັນໃນຊ່ວງເວລາທີ່ສຳຄັນທີ່ສຸດ.

 

“ບໍ່ວ່າຢ່າງໃດກໍຕາມ ມັນເປັນຄວາມຮູ້ສຶກທີ່ດີຫຼາຍ ທີມເຮັດວຽກໜັກ ແລະ ເຮົາສົມຄວນຄວ້າໄຊຊະນະແລ້ວ ກາບາເຢໂລ ເຈັ໋ງ!! ເຂົາໄວ ແລະ ຖ້າຈົນວິນາທີສຸດທ້າຍເພື່ອເຊບປະຕູ ແລະ ເຂົາເຮັດໄດ້ດີຫຼາຍ ເຮົາມີຄວາມສຸກ ຂ້ອຍຫວັງວ່າເຮັາຈະສາມາດເກັບແຊມໄດ້ອີກ ຕອນນີ້ເຖິງເວລາຄິດຫາເກມ ພຣີເມຍລີກ ນັດຕໍ່ໄປແລ້ວ ແລ້ວຈາກນັ້ນຈະເປັນ ຢູຟາ ແຊມປຽນລີກ” ອະດີດກອງກາງ ຊັກຕາ ໂດເນັດ ກ່າວ.