ແຟນປືນພັງໂທລະພາບຈົນພັງຫຼັງຟາມິນີເຮັດເສຍຈຸດໂທດ

 

ແຟນບານພັນແທ້ ອາເຊນອນ ສູນ ມາຕິເຢີ ຟາມິນີ ລົງສະໜາມມາໄດ້ບໍ່ເທົາໃດວິນາທີກໍເຮັດໃຫ້ທີມເສຍລູກໂທດທັນທີ ກ່ອນລະບາຍອາລົມໂດຍການໃຊ້ລີໂໝດທຸບໂທລະພາບຈົນພັງຕໍ່ໜ້າຕໍ່ຕາ.

 

ເຄນລີ ໂຊເທີຕັນ ອະດີດນັກແລ່ນເຈົ້າຂອງຫຼຽນທອງແດງກິລາໂອລິມປິກທີ່ເປັນແຟນບານຂອງ ອາເຊນອນ ອອກອາການສູນຈົນເຖິງຂັ້ນພັງໂທລະພາບຫຼັງຈາກ ປືນໃຫຍ່ ເສຍ ບາເຊໂລນາ ໃນເກມ ຢູຟາ ເມື່ອວັນອັງຄານທີ່ຜ່ານມາ.

ໂຊເທີຕັນ ບໍ່ພໍໃຈທີ່ເຫັນ ມາຕິເຢີ ຟາມິນີ ກອງກາງຂອງທີມເຮັດເສຍຈຸດໂທດໂດຍການສະກັດ ເມສຊີ ໃນນາທີ 83 ຫຼັງຈາກທີ່ຫາກໍຖືກປ່ຽນໂຕລົງມາໄດ້ພຽງ 47 ວິນາທີເທົ່ານັ້ນ ກ່ອນທີ່ດາວເຕະອາເຈັນຕິນາຈະສັງຫາດລູກໂທດບໍ່ພາດ ແລະ ອະດີດນັກກີທາສາວເມືອງຜູ້ດີກໍລະບາຍອາລົມໂດຍການໃຊ້ລີໂໝດທຸບໂທລະພາບທັນທີ.

 

ຈາກນັ້ນ ໂຊເທີຕັນ ກໍທະວິດຂໍ້ຄວາມຜ່ານ “ທະວິິເຕີ” ວ່າ “ຫາກໍທຸບທີວີຈົນພັງ”.