ແຟນບານຜີໃຈເຢັນ!! ເຮຍມູໄດ້ບ້ານໃນເມືອງແມນເຊສເຕີແລ້ວ

ແຟນບານ ແມນ ຢູໄນເຕັດ ຮ້ອງເພງຖ້າ ໂຊເຊ ມູຣິນໂຢ ເຂົ້າມາເປັນນາຍໃຫຍ່ຄົນໃໝ່ໃນລະດູການໜ້າໄດ້ເລີຍຫຼັງສື່ຈາກແດນກະໂລນີເຜີຍວ່າເຂົາໄດ້ບ້ານໃນເມືອງແມນເຊສເຕີແລ້ວທ່າມກາງຂ່າວ ຜີສາດແດງ ພ້ອມເທງົບ 115 ລ້ານປອນດຶງ ໂຣນັນໂດ ແລະ ຣາມອສ ມາຈາກ ເຣອັນ ມາດຣິດ.

 

ໂຊເຊ ມູຣິນໂຢ ກຸນຊືວ່າງງານຍ້າຍບ້ານມາຢູ່ໃນເມືອງແມນເຊສເຕີຮຽບຮ້ອຍແລ້ວກັບກະແສຂ່າວກຽມເຂົ້າຮັບຕຳແໜ່ງຜູ້ຈັດການທີມຄົນໃໝ່ຂອງ ແມນເຊສເຕີ ຢູໄນເຕັດ ຕໍ່ຈາກ ຫຼຸຍ ຟານກາວ ໃນລະດູການໜ້າຕາມການລາຍງນຈາກ “ຄໍລິເອເລ ເດໂລ ສະປອດ” ສື່ອີຕາລີ ເມື່ອຕອນເຊົ້າວັນພະຫັດທີ່ຜ່ານມາ.

ອະດີດຜູ້ຈັດການທີມ ເຊວຊີ ເບິ່ງຫາບ້ານໃນເມືອງແມນເຊສເຕີມາຕັ້ງແຕ່ເດືອນກຸມພາທີ່ຜ່ານມາ ກ່ອນທີ່ລ່າສຸດສື່ຈາກອີຕາລີຈະເຜີຍວ່າ ເຂົາໄດ້ທີ່ຢູ່ໃໝ່ໃນເມືອງຮຽບຮ້ອຍແລ້ວ ແລະ ພ້ອມທີ່ຈະເລີ່ມຕົ້ນວາງແຜນສ້າງທີມ ຜີສາດແດງ ເຊິ່ງຄາດວ່າຈະດຶງນັກເຕະໃໝ່ເຂົ້າມາເສີມທັບຫຼາຍລາຍໃນຊ່ວງພັກລະດູການ.

 

ຂະນະດຽວກັນ “ຟີຊາເຄດ” ສື່ຂອງສະເປນລາຍງານວ່າ ແມນຢູ ພ້ອມທີ່ຈະທຸ່ມເງິນກ້ອນໃຫຍ່ເຖິງ 115 ລ້ານປອນເພື່ອດຶງ ໂຣນັນໂດ ແລະ ຣາມອສ ສອງດາວເຕະ ເຣອັນ ມາດຣິດ ມາເຂົ້າຖິ່ນ ໂອນ ທຣາຟເຟິດ ຫຼັງມີຂ່າວວ່າທັງສອງຄົນຂຶ້ນບັນຊີຍ້າຍທີມແລ້ວ.

 

 

ບົດຄວາມໃຫມ່ໆ