ແຟນກອຟມີເຮ!!ໄທເກີ ວູດຢັນຈະລົງດວນວົງສະວິງເດືອນທັນວາ

 

ໄທເກີ ວູດ ອະດີດໂປຣມື 1 ຂອງໂລກ ຢືນຢັນເມື່ອວັນອັງຄານທີຜ່ານມາວ່າຈະກັບມາລົງແຂ່ງຂັນຢ່າງເປັນທາງການເດືອນທັນວານີ້ ໃນລາຍການ ຮີໂຣ ເວິວ ຊາເລັນ ເຊິ່ງເປັນການແຂ່ງຂັນເພື່ອຫາເງິນເຂົ້າມູນລະນິທິຂອງເຂົາ ຮັບວ່າສຸດຕື່ນເຕັ້ນທີ່ຈະໄດ້ຈັບໄມ້ກອຟອີເທື່ອໜຶ່ງ.

 

ໄທເກີ ວູດ ນັກກອຟຊື່ດັງກ້ອງໂລກເລືອດລຸງແຊມປະກາດຢ່າງຊັດເຈນວ່າຈະກັບມາລົງດວນວົງສະວິງອີກເທື່ອໜຶ່ງໃນການແຂ່ງຂັນລາຍການ ຮີໂຣ ເວິວ ຊາເລັນ ທີ່ບາຮາມາສປະເທດອາເມລິກາເຊິ່ງຈະມີຂຶ້ນໃນລະຫວ່າງເດືອນທັນວານີ້.

 

“ພະຍາເສືອ” ເຊິ່ງເປັນເຈົ້າຂອງແຊມລາຍການເມເຈີ 14 ສະໄໝສະແດງຄວາມເຫັນກ່ຽວກັບເລື່ອງດັ່ງກ່າວຜ່ານເວັບໄຊ “ພີຈີເອ ທົວ” ເມື່ອວັນອັງຄານທີ່ຜ່ານມາວ່າ “ຂ້ອຍຕື່ນເຕັ້ນຫຼາຍທີ່ຈະໄດ້ກັບມາລົງແຂ່ງຂັນໃນລາຍການ ຮີໂຣ ເວິວ ຊາເລັນ ທີ່ເອົາບານີ ແລະ ໄດ້ແຂ່ງໃນທົວນາເມັນທີ່ໜ້າຕື່ນເຕັ້ນນີ້”.

 

ທັງນີ້ ທົວນາເມັນດັ່ງກ່າວເປັນລາຍການດ້ານການກຸສົນເພື່ອເງິນເຂົ້າສູ່ມູນນິທິ ໄທເກີ ວູດ ນອກຈາກນີ້ການແຂ່ງຂັນຄັ້ງນີ້ຈະເປັນຄັ້ງທຳອິດນັບຕັ້ງແຕ່ອະດີດກ້ານເຫຼັກໝາຍເລກ 1 ຂອງໂລກ ພາດລົງດວນວົງສະວິງມາດົນເຖິງ 15 ເດືອນເນື່ອງຈາກວ່າມີບັນຫາອາການບາດເຈັບບໍລິເວນຫຼັງ.