ແພັດ ເພັດດາວອນ ມາກັກນການຖ່າຍທອດບົດເພງລາວອະມະຕະ

ໃນວົງການເພງລາວເຮົາຍຸກປັດຈຸບັນ ຕ້ອງຍອມຮັບວ່າ ມີສິລະປິນໃໝ່ໆເກີດຂຶ້ນຫຼາຍ ແລະ ສ່ວນຫຼາຍກໍລ້ວນແຕ່ແມ່ນມີຊຸ່ມສຽງດີ ມີມາດຕະຖານ ແລະ ນຶ່ງໃນນັ້ນ ສິລະປິນສາວຜູ້ມີນາມວ່າແພັດເພັດດາວອນ ກໍຈັດໄດ້ວ່າເປັນນັກຮ້ອງສຽງຄຸນະພາບອີກຄົນນຶ່ງເຊິ່ງຫຼາຍທ່ານໃນນະຄອນຫຼວງວຽງຈັນ ຫາກເປັນຄົນມັກທ່ຽວແດ່ກໍຈະເຄີບພົບເຫັນນາງຮ້ອງເພງໃຫ້ຄວາມບັນເທີງໃນຍາມກາງຄືນຢູ່ມາແລ້ວຕາມຮ້ານອາຫານຫຼາຍສະຖານທີ່ ແລະ ເມື່ອບໍ່ນານມານີ້ ນາງກໍໄດ້ມີ ອັລບັ້ມເພງ ຮ່ວມກັບໝູ່ຄູ່ສິລະປິນໃນສັງກັດ ນາຄາ ມິເດຍ ເພງ ເຮົາບໍ່ສົມເພິ່ນ ຂອງນາງທີ່ຢູ່ໃນຊຸດນັ້ນ ກໍຖືວ່າດັງເປັນທີ່ຮູ້ຈັກຢູ່ໄລຍະນຶ່ງ ແລະ ບໍ່ດົນ ນາງອອກມາເປີດເຜີຍວ່າ ໄດ້ແຍກທາງກັນເດີນແລ້ວ ກັບຄ້າຍເພງເກົ່າ ຄືນາຄາ ມິເດຍແຕ່ກໍບໍ່ເປັນທີ່ເປີດເຜີຍວ່າດ້ວຍເຫດຜົນຫຍັງ. ມາຮອດມື້ນີ້ ຈິ່ງປາກົດເຫດຜົນວ່າ ນາງໄດ້ເດີນໜ້າສ້າງສັນງານເພງໃນຮູບແບບການຖ່າຍທອດເພງລາວອະມະຕະ ທີ່ເຄີຍໂດ່ງດັງໃນອະດີດ ແລະ ອອກມາໃນນາມຂອງ ທີວີດີ ສະຕູດີໂອຜົນງານເພງຊຸດນີ້ ກຽມຈະອອກວາງຈໍາໜ່າຍໃນຮູບແບບອໍດີໂອ ໄວໆນີ້ ເຊິ່ງເຊື່ອແນ່ວ່າແຟນເພງຂອງ ແພັດ ເພັດດາວອນ ຄົງບໍ່ຜິດຫວັງ ເພາະໃນ ເລື່ອງຊຸ່ມສຽງແລ້ວ ແມ່ນກາຣັນຕີຄວາມມ່ວນຊວນອອນຊອນຢູ່ແລ້ວ ບວກກັບ ບົດເພງທີ່ຖືກຄັດສັນມາໄວ້ຢູ່ໃນອັລບັ້ມຊູດນີ້ເຊິ່ງໃສ່ຊື່ຊຸດວ່າ ແສບຊວງຍິ່ງເປັນສິ່ງຮັບປະກັນເຖິງຄວາມມ່ວນຊວນຟັງ ເຊິ່ງປະກອບມີ 12 ເພງດັ່ງນີ້ເຫຼືອພຽງພາບ ຄັ້ງໜຶ່ງທີ່ຝັ່ງເຊກອງຢາກເຫັນຄົນຮັກລົມໜາວສາວຈົ່ມສະຫວັນປິດຫວັ່ນໃຈເປັນຫຍັງຈິ່ງລືມແສບຊວງໜາວນີ້ແສນລະທົມໜຶ່ງອ້າຍຊາຍດຽວນ້ອງຍອມຫຼີກທາງກັບມາຮັກກັນໃໝ່ເຊິ່ງເປັນຜົນງານການປະພັນທີ່ຂອງບໍຣົມມະຄຣູເພງ ເຊັ່ນ: ອາຈານສ.ແສງສິຣິວັນຄຳຫຼ້າ ໜໍ່ແກ້ວສິນ ເມືອງໃຕ້ ແລະ ໄຊພອນ ສິນທະລາດ. .......................................................................................................................... ທີ່ມາ: ທີວີດີ ສະຕູດິໂອ