ແພງໂຄດ!!!ຊຸດຂາວເລັງຍື່ນຄ່າເມື່ອຍ 7.5 ແສນປອນດຶງເບວໄວ້ກັບທີມ

 

ດັງກະຫື່ມ.. ເຣອັນ ມາດຣິດ ໜ້າມືດກຽມຈັບ ແກເຣັດ ເບວ ປີກຕົວເກັ່ງມາຕໍ່ສັນຍາໃໝ່ 5 ປີຈາກເດີມທີ່ຈະໝົດອາຍຸປີ 2019 ເຊິ່ງຈະເຮັດໃຫ້ ເບວ ເປັນນັກເຕະຄ່າແຮງແພງບັນໄລທີ່ສຸດໃນໂລກ ຮັບອາທິດລະ 7.5 ແສນປອນ ມູນຄ່າລວມທັງໝົດກວ່າ 195 ລ້ານປອນ.

 

“ເດິ ຊັນ” ຕີຂ່າວ ເຣອັນ ມາດຣິດ ຍັກໃຫຍ່ຂອງ ລາ ລີກາ ສະເປນກຽມທຸ່ມໝົດຕັກກຽມອະພິມະຫາສັນຍາມູນຄ່າ 195 ລ້ານປອນສະເໜີໃຫ້ ແກເຣັດ ເບວ ປີກລະດັບໂລກຈົດປາກກາຢູ່ກັບທີມຍາວໃນ ຊານຕິອາໂກ້ ເບີນາເບວ ອອກໄປອີກ 5 ປີ ແລະ ເປັນນັກເຕະທີ່ຄ່າແຮງແພງທີ່ສຸດໃນໂລກເຊິ່ງຈະເປັນການທ້າ ແມນເຊສເຕີ ຢູໄນເຕັດ ແລະ ທີມໃຫຍ່ໆອີກຫຼາຍທີມໃນເອີຣົບ.

 

ເບວ ມີສັນຍາກັບ ມາດຣິດ ຮອດຊຳເມີປີ 2019 ເຊິ່ງເຊື່ອວ່າໃນສັນຍາສະບັບປັດຈຸບັນນັ້ນເຂົາຮັບຢູ່ທີ່ອາທິດລະ 525,000 ປອນແຕ່ໂດຍການທີ່ເຂົາເປັນເປົ້າໝາຍຂອງທີມໃຫຍ່ໆໂດຍສະເພາະ ຜີສາດແດງ ທີ່ໃນເລື່ອງເງິນຄຳແລ້ວຈັດໃຫ້ໄດ້ໝົດຕາມທີ່ຕ້ອງການເຮັດໃຫ້ ມາດຮິດ ບໍ່ໄວ້ວາງໃຈ ແລະ ກຽມລາກໂຕມາເຊັນສັນຍາໃໝ່ໄລຍະ 5 ປີພ້ອມກັບເພີ່ມຄ່າເມື່ອຍເປັນອາທິດລະ 750,000 ປອນຫຼາຍທີ່ສຸດໃນໂລກ.

 

ມາດຣິດ ເລັງຈັບ ເບວ ມາຕໍ່ສັນຍາໂດຍໄວທີ່ສຸດເພາະພວກເຂົາຈະຕ້ອງຮັບໂທດແບນຫ້າມຊື້ນັກເຕະ 2 ໄລຍະຕະຫຼາດນັກເຕະ ແລະ ເຂົາອາດຈະເປັນເປົ້າໝາຍການເຈລະຈາອັນດັບຕົ້ນໆ ເຫຼືອແຕ່ ຄຣິສຕຽນໂນ ໂຣເນົາໂດ ທີ່ມີຂ່າວກຳລັງຈະຕໍ່ສັນຍາໃໝ່ 5 ປີເຊັ່ນກັນແຕ່ຖືກລະງັບໄວ້ກ່ອນເພາະເຂົາຈະອາຍຸ 32 ປີແລ້ວ.

 

ພາສີສະເປນນັ້ນເກັບສູງສຸດ 52% ເຮັດໃຫ້ທັງ ໂຣເນົາໂດ ກັບ ເບວ ທີ່ຕັ້ງແຕ່ຍ້າຍມາ 3 ປີກ່ອນພາທີມຄວ້າແຊມເອີຣົບ 2 ສະໄໝແລ້ວຕ້ອງການລາຍໄດ້ແບບເນດໆປະມານ 20 ລ້ານປອນຕໍ່ປີເຊິ່ງຖ້າເປັນຄວາມຈິງກໍຈະທຳລາຍສະຖິຕິຮັບຊັບປີລະ 18 ປອນທີ່ ລີໂອເນວ ເມສຊີ ຮັບກັບ ບາເຊໂລນາ.