ແຜ່ນບັນທຶກຂໍ້ມູນທອງຄໍາ ຂອງ ນາຊາ ອາດເຮັດໃຫ້ເອລ້ຽນສັບສົນເລື່ອງຂອງມະນຸດ

ນັກວິຊາການຂອງຄົນຮຸ່ນໃຫມ່ສະເຫນີວ່າ ແຜ່ນບັນທຶກຂໍ້ມູນທອງຄໍາ ທີ່ອົງການນາຊາດໄດ້ສົ່ງໄປກັບຍານວອຍເອເຈີຣ໌ທັງສອງລໍາຕັ້ງແຕ່ ປີ 1977 ປັດຈຸບັນຂໍ້ມູນພາບ ແລະ ສຽງທີ່ກ່ຽວກັບໂລກມະນຸດໃນແບບທີ່ອາດຈະເຮັດໃຫ້ສິ່ງທີ່ມີຊີວິດເກີດຄວາມສັບສົນງົມງາຍໄດ້

ນັກສຶກສາ ຣີເບກກາ ອອຣ໌ຊາຣ໌ດ ແລະ ນັກສຶກສາ ເຊຣີ ເວລສ໌-ເຈນເຊນ ຈາກມະຫາວິທະຍາໄລ ໃນລັດໂອໄຮໂອຂອງສະຫະລັດ ສະເຫນີຕໍ່ທີ່ກອງປະຊຸມສະມາຄົມອາວະກາດແຫ່ງຊາດໃນນະຄອນລອສແອນເຈລິສເມື່ອວັນເສົາ(26 ພຶດສະພາ) ທີ່ຜ່ານມາວ່າ ແທນທີ່ຂໍ້ມູນໃນແຜ່ນບັນທຶກດັ່ງກ່າວຈະຊ່ວຍຢືນຢັນວ່າມະນຸດເປັນຜູ້ຮັກສະຫງົບ ແລະ ມີພູມປັນຍາສູງສົ່ງ ຄວາມສັບສົນໃນການສື່ສານ ແລະ ການແປຄວາມຫມາຍຂອງສັນຍາລັກຕ່າງໆ ອາດຈະເຮັດໃຫ້ສິ່ງທີ່ມີຊີວິດຕ່າງດາວເຂົ້າໃຈຄາດເຄື່ອນໄປຈາກທີ່ມະນຸດຕ້ອງການເປັນ

ແຜ່ນບັນທຶກຂໍ້ມູນທອງຄໍາສະແດງເຖິງພາບລັກສະນະໃນແບບທີ່ມະນຸດປາຖະນາຈະໃຫ້ຜູ້ອື່ນເບິ່ງຕົນເປັນແບບນັ້ນ ແຕ່ເຮົາຕ້ອງບໍ່ລືມວ່າສິ່ງທີ່ມີຊີວິດທີ່ຈະເຂົ້າໃຈຂໍ້ມູນນີ້ໄດ້ຈະຕ້ອງມີຄວາມສາມາດໃນການຮັບຮູ້ ແລະ ປະຊາສໍາຜັດທຽບເທົ່າກັບມະນຸດໂດຍທົ່ວໄປ ຖ້າຫາກຂາດປະຊາສໍາຜັດທາງໃດທາງຫນຶ່ງ ເຊັ່ນ ການໄດ້ຍິນ ຫລື ມີປະຊາສໍາາຜັດພິເສດອື່ນໆເພີ່ມມາການຕີຄວາມຈະຄາດເຄື່ອນທັນທີ ນັກສຶກສາ ອອຣ໌ຊາຣ໌ດ ກ່າວໄວ້

ແຜ່ນບັນທຶກຂໍ້ມູນນີ້ເຮັດຈາກແຜ່ນທອງແດງທີ່ເຄືອບຜິວດ້ວຍທອງຄໍາ ຂະຫນາດເສັ້ນຜ່ານສູນກາງ 30 ຊັງຕີແມັດ ບັນທຶກຂໍ້ມູນພາບ 117 ພາບ ແລະ ສຽງຕ່າງໆ ທີ່ເປັນຕົວແທນຂອງທໍາມະຊາດບົນໂລກ ແລະ ອາຍະກໍາຂອງມະນຸດ ຊຶ່ງລວມເຖິງສຽງຮຽກຮ້ອງຂອງວາຟຫລັງຄ່ອມ ສຽງຄົນກ່າວທັກທາຍໃນພາສາຕ່າງໆ 45 ພາສາ ແລະ ສຽງດົນຕີຈາກວັດທະນະກໍາຕ່າງໆ ທົ່ວໂລກດົນເຖິງ 90 ນາທີ

ຫາກເອລ້ຽນຊົງພູມປັນຍາມີຢູ່ຈິງ ແລະ ໄດ້ເປີດອ່ານຂໍ້ມູນຈາກແຜ່ນບັນທຶກດັ່ງກ່າວ ຫນຶ່ງໃນຄວາມຜິດພາດທີ່ອາດເກີດຂື້ນຄືເຂົ້າໃຈໄປວ່າສຽງກ່າວທັກທາຍໃນພາສາຕ່າງໆ ຄືສຽງຄົນໂຕ້ຖຽງກັນ ເນື່ອງຈາກການລຽບລຽງບັນທຶກສຽງໄວ້ໃນລັກສະນະທີ່ຄ້າຍຄືໂຄງສ້າງບົດສົນທະນາໂຕ້ແຍ້ງກັນ ເຮັດໃຫ້ອາດຈະຕີຄວາມໄປໄດ້ວ່າມະນຸດຄືເຜົ່າພັນທີ່ມັກຜິດຖຽງກັນ ແລະ ມີພາສາເວົ້າຊຶ່ງບໍ່ມີແບບແຜນໄວຍາກອນທີ່ແນ່ນອນ

ນອກຈາກນີ້ ອາດຈະມີການຈັບຄູ່ຂອງຂໍ້ມູນພາບ ແລະ ສຽງຊຶ່ງບັນທຶກແຍກດ້ານກັນໄວ້ຜິດຈົນເຮັດໃຫ້ມີການຕີຄວາມໄດ້ວ່າ ດອກໄມ້ທີ່ງົດງາມບົນໂລກອາດຈະສົ່ງສຽງຮ້ອງດັ່ງກ້ອງຄືກັບເລື່ອຍຍົນໄດ້

ນັກສຶກສາ ອອຣ໌ຊາຣ໌ດ ຍັງກ່າວໄວ້ອີກວ່າ ສຽງດົນຕີຈາກທົ່ວໂລກທີ່ມີຕັ້ງແຕ່ດົນຕີຄຣາດສິກ ໄປຈົນເຖິງວົງກາເມລັນຂອງຊາວເກາະຊະວານັ້ນ ຍິ່ງສ້າງຄວາມສັບສົນ ແລະ ຍາກຈະຕີຄວາມໄດ້ສໍາລັບຜູ້ທີ່ບໍ່ຄຸ້ນເຄີຍກັບມະນຸດ ແລະ ສຽງທີ່ມະນຸດສ້າງຂື້ນມາ

ໃນຕອນນີ້ແຜ່ນບັນທຶກຂໍ້ມູນທອງຄໍາທີ່ຢູ່ກັບຍານວອຍເອເຈີຣ໌ 1 ຢູ່ຫ່າງຈາກໂລກໄປ 12,000ລ້ານໄມລ໌ ແລະ ເປັນວັດຖຸທີ່ມະນຸດສ້າງຂື້ນຢູ່ຫ່າງຈາກໂລກຫລາຍທີ່ສຸດ ໂດຍຕ້ອງໃຊ້ເວລາອີກປະມານ 40,000ປີກວ່າທີ່ຍານນີ້ຈະເຂົ້າໃກ້ລະບົບສຸລິຍະອື່ນໆ ທີ່ບໍ່ແມ່ນຂອງເຮົາ