ແປ້ງ​ຝຸ່ນ​ໂຮຍ​ຕົວ​ ຕົ້ນ​ເຫດ​ ມະ​ເຮັງ​ຮັງໄຂ່​ ທີ່​ໃຜ​ໆ​ກໍ​ຄາດ​ບໍ່​ເຖິງ​!

ໜັງສື​ ພິມ​ ເທ​ເລກ​າ​ບ​ ຂອງ​ອັງ​ກິດ​ລາຍ​ງານ​ວ່າ​ ການສຶກສາ​ຂອງ​ນັກ​ວິໄ​ຈຈາກ​ວິ ທະຍາ​ໄລ​ແພດ​​ສາດ​ ຮາ​ວາ​ດ​ໃນ​ບອດ​ຕັນ​ ພົບ​ວ່າ​ ຜູ້​ທີ່​ໃຊ້​ແປ້ງ​ຝຸ່ນ​ໂຮຍ​ຕົວ​ທາ​ບໍລິເວນ​ຈຸດ​ຊ່ອນ​ເຮັ້ນ​ ມີ​ຄວາມ​ສ່ຽງ​ມະ​ເຮັງ​ຮັງໄຂ່​ກວ່າ​ຜູ້​ທີ່​ບໍ່​ໃຊ້​ແປ້ງ​ສູງ​ເຖິງ​ 40 %
ແລະ​ ພົບ​ວ່າ​ ຜູ້ຍິງ​ທີ່​ມີ​ຢີນ​ glutathione S-transferase M1 (GSTM1) ແຕ່​ບໍ່​ມີ​ຢີນ​ glutathione-S-transferase T1 (GSTT1) ມີ​ແນວ​ໂນ້ມ​ເປັນ​ມະ​ເຮັງ​ຮັງໄຂ່​ສູງ​ກວ່າກຸ່ມ​ອື່ນ​ເກືອບ​ 3 ເທົ່າ​ຕົວ​ ຊຶ່ງ​ລັກສະນະ​ດັ່ງ​ກ່າວ​ຈະ​ພົບ​ໃນ​ຜູ້ຍິງ​ຜິວ​ຂາວ​ 1 ໃນ​ 10 ຄົນ​
ແປ້ງ​ຝຸ່ນ​ (Skin powder) ໝາຍ​ເຖິງ​ ສິ່ງ​ປຸ່ງ​ທີ່​ມີ​ລັກສະນະ​ເປັນ​ຜົງ​ລະອຽດ​ຫຼື​ຄອນ​ຟູ​ດ​ຂອງ​ສານ​ອິນທີ​ຫຼື​ອະນິນຊີ​ທີ່​ບໍ່​ລະ​ລາຍ​ນ້ຳ​ປະສົມ​ເປັນ​ເນື້ອ​ດຽວ​ກັນ​ແລະ​ບໍ່​ລະ​ຄາຍ​ຜິວ​ ອາດ​ແຕ່ງ​ກິ່ນ​ຫຼື​ສີ​ ຫຼື​ແຕ່ງ​ທັງ​ກິ່ນ​ແລະ​ສີ​ ເພື່ອ​ໃຊ້​ແກ່​ຮ່າງກາຍ​ຫຼື​ເພື່ອ​ເສີມ​ຄວາມ​ງາມ​
ແປ້ງ​ຝຸ່ນ​ ແບ່ງ​ເປັນ​ 3 ຊະນິດ​ຫຼັກ​ໆ​ ຄື:​
- ແປ້ງ​ຝຸ່ນ​ໂຮຍ​ຕົວ​ (body powders)
- ແປ້ງ​ຝຸ່ນ​ໂຮຍ​ຕົວ​ເດັກ​ (baby powder)
- ແປ້ງ​ຝຸ່ນ​ຜັດ​ໜ້າ​ (face powder) ຊຶ່ງ​ມີ​ຄວາມ​ລະອຽດ​ຫຼາຍກວ່າ​ແປ້ງ​ຝຸ່ນ​ໂຮຍ​ຕົວ​
ສ່ວນ​ປະກອບ​ຫຼັກ​ຂອງ​ແປ້ງ​ຝຸ່ນ​ ຄື​ ທັນ​ຄຳ​ (talcum) ຫຼື​ທີ່​ເອີ້ນ​ວ່າ​ ທັນ​ (talc) ຊຶ່ງ​ເປັນ​ສານ​ອະນິນຊີ​ມີ​ຊື່​ເຄ​ມີ​ວ່າ​ hydrated magnesium silicate ແລະ​ອາດ​ມີ​ແຄວ​ຊຽມ​ຄາ​ບໍເນດ​ຊະນິດ​ຜົງ​ເບົາ​ລະອຽດ​ພິເສດ​ (micronized calcium carbonate) ອາດ​ມີ​ການ​ຕື່ມ​ສານ​ອື່ນ​ເຊັ່ນ​ ສານ​ຊ່ວຍ​ປ້ອງ​ກັນ​ຄວາມ​ຊື້ນ​ ສານ​ຝາດສະຫມານ​ (astringent) ສານ​ຊ່ວຍ​ເຮັດໃຫ້​ຜິວ​ເຢັນ​ ສານ​ກັນ​ເສຍ​ ສານ​ແຕ່ງ​ກິ່ນ​ແລະ​ສີ​ແປ້ງ​ ຝຸ່ນ​ມີ​ຄຸນສົມບັດ​ ຊ່ວຍ​ປະສົມ​ປະສານ​ແລະ​ດູດ​ຊຶມ​ຊັບ​ຄວາມ​ຊື້ນ​ເຮັດໃຫ້​ຜິວ​ໜັງ​ນຽນ​ລື່ນ​ ຄຸນສົມບັດ​ຂອງ​ຈຸລະຊີວ​ະວິທະຍາ​ ຂອງ​ແປ້ງ​ຝຸ່ນ​ໂຮຍ​ຕົວ​ຄື​
- ຈຳນວນ​ທັງຫມົດ​ຂອງ​ແບັກ​ທີ​ເຮຍ​ ຢີດ​ແລະ​ລາ​ທີ່​ຈະເລີນ​ເຕີບໃຫຍ່​ໂດຍ​ໃຊ້​ອາ​ກາດ​ (aerobic plate count) ໃນ​ແປ້ງ​ຝຸ່ນ​ໂຮຍ​ຕົວ​ສຳລັບ​ເດັກ​ແລະ​ແປ້ງ​ຝຸ່ນ​ໂຮຍ​ຕົວ​ຕ້ອງ​ ນ້ອຍ​ກວ່າ​ 500 ແລະ​ 1,000 ໂຄ​ໂລ​ນີ​ຕໍ່ກ​ຮາມ​ ຫຼື​ ມິນ​ລິ​ລີດ​ ຕາມ​ລຳ​ດັບ​
- ຕ້ອງ​ບໍ່​ພົບ​ເຊື້ອ​ຈຸລິນຊີ​ທີ່​ກໍ່​ໃຫ້​ເກີດ​ພະຍາດ​ໄດ້​ແກ່​ ຊູ​ໂດ​ໂມ​ແນດ​ ແອ​ຮູ​ຈິ​ໂນ​ຊາ​ (Pseudomonas aerogimosa), ສະ​ຕາ​ຟີ​ໂລ​ຄັອກ​ຄັດ​ ອໍ​ຮຽດ​ (Staphylococcus aureus), ແຄນ​ດິ​ດາ​ ອັນ​ບິ​ແຄນ​ (Candida albicans) ແລະ​ ຄອດ​ຕ​ຮິ​ດຽມ​

ອັນຕະລາຍ​ຈາກ​ການ​ໃຊ້​ແປ້ງ​ຝຸ່ນ​ໂຮຍ​ຕົວ​
ແປ້ງ​ ຝຸ່ນ​ໂຮຍ​ຕົວ​ເປັນ​ທີ່​ນິຍົມ​ໃຊ້​ກັນ​ທົ່ວ​ໄປ​ຕັ້ງ​ແຕ່​ແບ​ເບາະ​ຈົນ​ຄົນເຖົ້າ​ ການ​ທາ​ແປ້ງ​ໂດຍ​ສະເພາະ​ຕອນ​ໂຮຍ​ແປ້ງ​ ຜົງ​ແປ້ງ​ຈະ​​ຟູ​ໃນ​ອາ​ກາດ​ ຖ້າ​ສູບ​ເຂົ້າ​ທາງເດີນ​ຫາຍ​ໃຈ​ທີ່​ລະ​ນ້ອຍ​ລະ​ນ້ອຍ​ເປັນ​ເວລາ​ດົນ​ໆ​ ກໍ​ຈະ​ເກີດ​ການ​ສະ​ສົມ​ໃນ​ປອດ​ ໂດຍ​ທີ່​ເຊວ​​ຜິວ​ປອດ​ຈະ​ດັກ​ຈັບ​ແປ້ງ​ໄວ້​ເປັນ​ກ້ອນ​ ເອີ້ນວ່າ​ ພາ​ວະ​ “pneumoconiosis” ເຮັດໃຫ້​ມີ​ບັນຫາ​ກັບ​ການ​ຫາຍ​ໃຈ​ ຖ້າ​ເປັນ​ເດັກ​ເດັກນ້ອຍ​ເຮັດໃຫ້​ປອດ​ອັກ​ເສບ​ແລະ​ຕາຍ​ໄດ້​
ສຳລັບ​ການ​ໃຊ້​ແປ້ງ​ທີ່​ກົ້ນ​ກັບ​ ອະໄວຍະວະ​ເພດ​ຊຶ່ງ​ເປັນ​ທີ່​ນິຍົມ​ໃນ​ ຍຸກ​ປີ​ ຄ.​ສ.​1970 ມີ​ການສຶກສາ​ວິ​ໄຈ​ພົບ​ວ່າ​ ຜູ້​ທີ່​ໃຊ້​ແປ້ງ​ກັບ​ອະໄວຍະວະ​ເພດ​ ມີ​ອັດຕາ​ສ່ຽງ​ການ​ຈະ​ເປັນ​ມະ​ເຮັງ​ຮັງໄຂ່​ ໂດຍ​ອາດ​ເປັນ​ໄປ​ໄດ້​ ທີ່​ແປ້ງ​ສາມາດ​ຫຼົງ​ເຂົ້າໄປ​ໃນ​ຮ່າງກາຍ​ຜ່ານ​ຊ່ອງຄອດ​ມົດລູກ​ແລະ​ທໍ່​ນຳ​ໄຂ່​ເຂົ້າໄປ​ສູ່​ຊ່ອງ​ ທ້ອງ​ແລະ​ສານ​ທັນ​ ບໍ່​ສາມາດ​ຍ່ອຍ​ສ​ະລາຍ​ໄດ້​ໃນ​ຄົນ​ ການ​ທາ​ແປ້ງ​ສ່ວນ​ຕ່າງ​ໆ​ຂອງ​ຮ່າງກາຍ​ ທັງ​ຂອງ​ເດັກ​ແລະ​ຜູ້ໃຫຍ່​ ຄວນ​ທາ​ແປ້ງ​ເທື່ອ​ລະ​ນ້ອຍ​ໆ​ ແລະ​ ທາ​ໃນ​ບໍລິເວນ​ທີ່​ເໝາະ​ສົມ​ ພະຍາຍາມ​ຢ່າ​ໃຫ້​ມັນຟູ​ໃນ​ອາ​ກາດ​ ບໍ່​ຄວນ​ທາ​ບໍລິເວນ​ກົ້ນ​ແລະ​ອະໄວຍະວະ​ເພດ​ຂອງ​ເດັກ​ເທື່ອ​ລະ​ຫຼາຍ​ໆ​ ເພື່ອ​ຄວາມ​ປອດ​ໄພ​ຕໍ່​ສຸຂະພາບ​

 

ບົດຄວາມໃຫມ່ໆ