ແນະ​ນຳ​ 10 ເຄັດ​ລັບ​ ຢຸດ​ຜົມ​ຂາວ​ ຜົມ​ຫງອກ​ ກ່ອນ​ໄວ​ອັນ​ຄວນ​!

ຜົມ​ຂາວ,​ ຜົມ​ຫງອກ​ ເຮົາ​ອາດຈະ​ຄິດວ່າ​ມັນ​ຫງອກ​ແລ້ວ​ຈະ​ໄປ​ເຮັດ​ຫຍັງ​ໄດ້​ ກໍ່​ອາ​ຍຸເລີ່ມ​ຫລາຍ​ແລ້ວ​​ ບາງ​ຄົນ​ກໍ່​ບອກ​ວ່າ​ກຳມະພັນ​​ບ້ານ​ຫງອກ​ໄວ​ ດ້ວຍ​ກໍ່​ບອກ​ວ່າ​ຜົມ​ເສັ້ນ​ໃຫຍ່​ເລີຍ​ຫງອກ​ກ່ອນ​ໃຜ​.
ແທ້ໆ​ແລ້ວ​ຜົມ​ຫງອກ​ເກີດ​ຈາກ​ຫຼາຍ​ສາ​ເຫດ​ທັງ​ຄວາມ​ຄຽດ​ການ​ຂາດ​ສານ​ອາຫານ​, ສູບ​ຢາແລະ​ໂລກ​ໄພ​ຕ່າງ​ໆ​ ເຮົາ​ຈຶ່ງ​ອາດ​ຢຸດ​ມັນ​ໄດ້​ຄື​ຕ້ອງ​ລອງ​ກ່ອນ​ ຖ້າ​ບໍ່​ແນ່​ໃຈ​ວ່າ​ຜົມ​ຫງອກ​ເອົາ​ໆ​ແທ້ໆ ເພາະ​ຫຍັງ​ກັນແທ້.​
Step 1 : ໝັ່ນ​ແປງ​ຜົມ​ເປັນ​ປະຈຳ​ ເພື່ອ​ກະຕຸ້ນ​ການ​ໄຫຼ​ວຽນ​ຂອງ​ເລືອດ​ບໍລິເວນ​ໜັງ​ຫົວ​ ຈະ​ໄດ້​ນຳ​ສານ​ອາຫານ​ມາ​ບຳ​ລຸງ​ເສັ້ນ​ຜົມ.​
Step 2 : ມາກ​​ຜົມ​ດ້ວຍ​ນ້ຳ​ມັນ​ໝາກ​ພ້າວ​ຫລື​ນ້ຳ​ມັນ​ໝາກ​ກອກ​ທຸກ​ມື້​ຢຸດໃຫ້​ເວລາ​ກັບ​ການ​ມາກປະ​ມານ​ເຄີ່ງ​ມື້​ຫລື​ໃຫ້​ດົນ​ເທົ່າ​ທີ່​ເຮັດ​ໄດ້.​
Step 3 : ຮັບປະທານ​ອາຫານ​ທີ່​ອຸດົມ​ໄປ​ດ້ວຍ​ແຮ່ທາດ​ຊຶ່ງ​ຈຳ​ເປັນ​ຕໍ່​ການ​ບຳ​ລຸງ​ຜົມ​ ເຮັດໃຫ້​ເສັ້ນ​ຜົມ​ແຂງ​ແຮງ​ຕັ້ງ​ແຕ່​ຮາກ​ຜົມ​ເຊັ່ນ​ ນົມ,​ ເນື້ອ ປາ,​ ທັນຍະ​ພືດ,​ ຜັກ​ໃບ​ຂຽວ​, ຫົວກາລົດແລະ​ຫອຍ​ນາງ​ລົມ.​
Step 4 : ບົດ​ຂິງ​ປະສົມ​ກັບ​ນ້ຳ​ເຜີ້ງ​ນ້ອຍໆ​ ນວດ​ບໍລິເວນ​ໜັງ​ຫົວ​ ເຮັດ​ໄດ້​ທຸກ​ມື້​.
Step 5 : ປະສົມ​ເຮນ​ໜ້າ​, ໃບ​ບົວລະ​ພາບົດ​, ໂຍເ​ກິດແລະ​ກາ​ເຟ​ເອດ​ເພດ​ໂຊ່​ ໃຊ້​ມາກ​ຜົມ​ເປັນ​ປະຈຳ​.
Step 6 : ຊາ​ດຳ​ປະສົມ​ເກືອ​ ໃຊ້​ສະຄັບ​ໜັງ​ຫົວ​ເບົາ​ໆ​ ກ່ອນ​ສ​ະ​ຜົມ.​
Step 7 : ໃບສີດາ​ຕຳ​ລະອຽດ​ຍ່ອງເທີງ​​ໜັງ​ຫົວ​ໃຫ້​ທົ່ວ​ ປະ​ເອົາ​ໄວ້​ 15 ນາ​ທີ​ ກ່ອນ​ສ​ະ.​
Step 8 : ໃຫ້​ຄວາມ​ສຳຄັນ​ກັບ​ການ​ເບິ່ງ​ແຍງ​ເສັ້ນ​ຜົມ​ດ້ວຍ​ການ​ເລືອກ​ໃຊ້​ແຊມ​ພູ​ທີ່​ມາ​ຈາກ​ທຳມະຊາດ​ດ້ວຍ​ ຖ້າ​ບໍ່​ມັກ​ກໍ່​ລອງ​ໃຊ້​ແບບ​ສະ​ລັບ​ກັນ​ເບິ່ງ.​
Step 9 : ຄອນ​ດິ​ຊັນ​ເນີ​​ສຳຄັນ​ຫລາຍ​ ຈະ​ເຮັດໃຫ້​ໜັງ​ຫົວ​ບໍ່​ແຫ້ງ​ຕຶງ​ແລະ​ເສັ້ນ​ຜົມ​ບໍ່​ພັນ​ກັນ​ ເມື່ອ​ເສັ້ນ​ຜົມ​ພັນ​ກັນ​ເວລາ​ຫວີ​ ຈະ​ເຮັດໃຫ້​ເກີດ​ການ​ອັກ​ເສບ​ທີ່​ໜັງ​ຫົວ​ໄດ້​.
Step 10 : ລະ​ວັງ​ຄວາມ​ຄຽດ​ ຕ້ອງ​ຝຶກ​ເຮັດ​ສະ​ມາ​ທິ​ທຸກ​ເທື່ອ​ທີ່​ເກີດ​ຄວາມ​ຄຽດ​ ຝຶກ​ຫາຍ​ໃຈ​ຊ້າ​ໆ​ແບບ​ໂຍ​ຄະ​ ເຮັດ​ທຸກ​ມື້​ຈະ​ຊ່ວຍ​ໃຫ້​ບໍ່​ເປັນ​ຄົນ​ຄຽດ​ງ່າຍ.​

ປະຕິບັດ​ຕາມ​ 10 ສ​ະເຕັບ​ນີ້​ ຈະ​ຊ່ວຍ​ໃຫ້​ຜົມ​ຫງອກ​ກ່ອນ​ໄວ​ທີ່​ອາດ​ຂຶ້ນ​ມາແດ່​ແລ້ວ​ບໍ່​ຊວນ​ກັນ​ມາ​ເພີ່ມ​ ແລ້ວ​ກໍ່​ຈະ​ຫາຍ​ໄປ​ດ້ວຍ​ໃຜ​ສະ​ດວກ​ໃຊ້​ສະ​ເຕັບ​ໃດ​ ບໍ່​ສະ​ດວກ​ສ​ະເຕັບ​ໃດ​ ກໍ່ຫຼຸດ​ຂັ້ນ​ຕອນ​ຫລື​ເພີ່ມ​ຂັ້ນ​ຕອນ​ກັນ​ເບິ່ງ​ ທີ່​ສຳຄັນ​ຜົມ​ບໍ່​ຫງອກ​ແລ້ວ​ກໍ່​ຕ້ອງ​ໜ້າ​ບໍ່​ແກ່​ກ່ອນ​ໄວດ້ວຍ​ ເບິ່ງ​ແຍງ​ຜົມ​ແລ້ວ​ກໍ່ເບິ່ງ​ແຍງ​ຜິວ​ໜ້າ​ດ້ວຍ.​​

==========================================================================================================