ແນະ​ນຳ​ໃຫ້​ເຮັດລອງ​ເບິ່ງ​ 7 ຕຳແໜ່ງ​ນວດ​ກົດ​ຈຸດ​ຄາຍ​ຄຽດ​ດ້ວຍ​ຕົວ​ເອງ​

 ແນະ​ນຳ​ໃຫ້​ເຮັດລອງ​ເບິ່ງ​ 7 ຕຳແໜ່ງ​ນວດ​ກົດ​ຈຸດ​ຄາຍ​ຄຽດ​ດ້ວຍ​ຕົວ​ເອງ​

 ການ​ນວດ​ ຖື​ເປັນ​ອີກ​ວິທີ​ໜຶ່ງ​ທີ່​ຊ່ວຍ​ຜ່ອນ​ຄາຍ​ຄວາມ​ຄຽດ​ໄດ້​ດີ​​ ເພາະ​ຊ່ວຍ​ກະຕຸ້ນ​ການ​ໄຫຼ​ວຽນ​ຂອງ​ລະບົບ​ເລືອດ​ ເຮັດໃຫ້​ຮູ້ສຶກ​ປອດ​ໂປ່ງ​ ແລະ​ ສະບາຍ​ຕົວ​ ເໝາະ​ສຳລັບ​ສາວ​ໆ​ ທີ່​ມັກ​ປເຈັບ​ຫົວ​ ເຈັບເມື່ອຍ​ໄຫຼ່​ ຫຼັງ​ ຕົ້ນ​ຄໍ​ ເປັນ​ຕົ້ນ​
ໂດຍ​ມີ​ຫຼັກ​ການ​ງ່າຍໆ​ ຄື​ໃຫ້​ໃຊ້​ປາຍ​ນິ້ວ​ທີ່​ຖະໜັດ​ກົດ​ ຊຶ່ງ​ການ​ກົດ​ໃນ​ທີ່​ນີ້​ໝາຍ​ເຖິງ​ ການ​ກົດ​ແລະ​ການ​ປ່ອຍ​ຜ່ອນ​ຄາຍ​ ການ​ກົດ​ດົນ​ເທື່ອ​ລະ​ 10 ວິ​ນາ​ທີ​ ແຕ່​ໃຊ້​ເວລາ​ປ່ອຍ​ຜ່ອນ​ຄາຍ​ດົນ​ກວ່າ​ເວລາ​ກົດ​ ການ​ກົດ​ຕໍ່​ຈຸດ​ຄວນ​ນວດ​ຊ້ຳ​ 3-5 ເທື່ອ​​ ສະນັ້ນ​ກໍ​ຢ່າ​ຊ້າ​ໄປ​ນວດ​ເລີຍ​ 

1. ການ​ນວດ​ກົດ​ບໍລິເວນ​ຈຸດ​ເຄິ່ງ​ກາງ​ລະຫວ່າງ​ຄິ້ວ​ ໃຊ້​ນິ້ວ​ທີ່​ຖະໜັດກົດ​ 3-5 ເທື່ອ​ 

2. ການ​ນວດ​ກົດ​ທີ່​ຈຸດ​ໃຕ້​ຫົວ​ຄິ້ວ​ ໂດຍ​ໃຊ້​ປາຍ​ນິ້ວ​ທີ່​ຖະໜັດ​ກົດ​ 3-5 ເທື່ອ​ 

3. ຈຸດ​ຂອບ​ກະດູກ​ງ່ອນ​ ຈະ​ມີ​ຢູ່​ນຳກັນ​ 3 ຈຸດ​ ຈຸດ​ກາງ​ ໃຫ້​ໃຊ້​ນິ້ວ​ຫົວ​ໂປ້​ມື​ກົດ​ 3-5 ເທື່ອ​ ສ່ວນ​ຈຸດ​ສອງ​ຈຸດ​ ດ້ານ​ຂ້າງ​ໃຫ້​ໃຊ້​ວິທີ​ການ​ປະ​ສານ​ມື​ບໍລິເວນ​ງ່ອນແລ້ວ​ໃຊ້​ນິ້ວ​ຫົວໂປ້ມື​ທັງ​ສອງ​ຂ້າງ​ ກົດ​ຈຸດ​ພ້ອມ​ໆ​ ກັນ​ 3-5 ເທື່ອ​ 

4. ນວດ​ກົດ​ບໍລິເວນ​ຕົ້ນ​ຄໍ​ ໂດຍ​ໃຫ້​ປະ​ສານ​ມື​ບໍລິເວນ​ງ່ອນ ໃຊ້​ນິ້ວ​ຫົວ​ໂປ້​ມື​ທັງ​ສອງ​ຂ້າງ​ ກົດ​ຕາມ​ແນວ​ສອງ​ຂ້າງ​ຂອງ​ກະດູກ​ຕົ້ນ​ຄໍ​ ໂດຍ​ກົດ​ໄລ່​ຈາກ​ບໍລິເວນ​ຕີນ​ຜົມ​ລົງ​ມາ​ເຖິງ​ບໍລິເວນ​ບ່າ​ 3-5 ເທື່ອ​ 

5. ນວດ​ກົດ​ບໍລິເວນ​ບ່າ​ໃຊ້​ປາຍ​ນິ້ວ​ມື​ຂວາ​ບີບ​ໄຫຼ່​ຊ້າຍ​ ໄລ່​ຈາກ​ບ່າ​ເຂົ້າ​ຫາ​ຕົ້ນ​ຄໍ​ ໃຊ້​ປາຍ​ນິ້ວ​ມື​ຊ້າຍ​ບີບ​ໄຫຼ່​ຂວາ​ ໄລ່​ຈາກ​ບ່າ​ເຂົ້າ​ຫາ​ຕົ້ນ​ຄໍ​ເຮັດ​ຊ້ຳ​ 3-5 ເທື່ອ​ 

6. ການ​ນວດ​ກົດ​ຈຸດ​ບໍລິເວນ​ບ່າ​ດ້ານ​ໜ້າ​ ໃຫ້​ໃຊ້​ນິ້ວ​ຫົວ​ໂປ້ມື​ກົດ​ຈຸດ​ໃຕ້​ກະດູກ​ໄຫ​ປາ​ຮ້າ ຫຼື (ພາສາອັງກິດ: Clavicle)​ ຈຸດ​ຕົ້ນ​ແຂນ​ແລະ​ຈຸດ​ເໜືອ​ຂີແຮ້​ຂອງ​ບ່າ​ຊ້າຍ​ ແລ້ວ​ໃຊ້​ນິ້ວ​ໂປ້​ມື​ຊ້າຍ​ກົດ​ຈຸດ​ດຽວ​ກັນ​ທີ່​ບ່າຂວາ​ ເຮັດ​ຊ້ຳ​ 3-5 ເທື່ອ​ 

7. ການ​ນວດ​ກົດ​ຈຸດ​ບໍລິເວນ​ບ່າ​ດ້ານ​ຫຼັງ​ ໃຫ້​ໃຊ້​ນິ້ວ​ທີ່​ຖະໜັດ​ຂອງ​ມື​ຂວາ​ອ້ອມ​ໄປ​ກົດ​ຈຸດ​ເທິງ​ ແລະ​ ຈຸດ​ກາງ​ຂອງ​ກະດູກ​ສະ​ບັກ​ແລະ​ຈຸດຂີ້ແຮ້​ດ້ານ​ຫຼັງ​ຂອງ​ບ່າ​ຊ້າຍ​ ໃຊ້​ນິ້ວ​ທີ່​ຖະໜັດຂອງ​ມື​ຊ້າຍ​ກົດ​ຈຸດ​ດຽວ​ກັນ​ທີ່​ບ່າຂ​ວາ​ ເຮັດ​ຊ້ຳ​ 3-5 ເທື່ອ​ 

ເຫັນບໍ​ວ່າ​ເຮັດ​ໄດ້​ງ່າຍໆ​ ດ້ວຍ​ຕົວ​ເອງ​ ໃຜ​ທີ່​ກຳ​ລັງ​ເຈັບ​ເມື່ອຍ​ແລະ​ເມື່ອຍ​ຈາກ​ຄວາມ​ຄຽດ​ໃນ​ການ​ເຮັດ​ວຽກ​ ລອງ​ນຳ​ໄປ​ເຮັດ​ເບິ່ງ ຮັບຮອງ​ວ່າເຊົາແນ່ນອນ