ແນະນຳ​ 9 ວິທີຫຼຸດກິ່ນປາກແບບໄດ້ຜົນ ລົ​ມຫາຍໃຈຫອມສົດຊື່ນແນ່ນອນ

 ແນະ​ນຳ​​ 9 ວິທີຫຼຸດ​ກິ່ນ​ປາກ​ແບບ​ໄດ້​ຜົນ​ ລົ​ມຫາຍ​ໃຈ​ຫອມ​ສົດ​ຊື່ນ​ແນ່ນອນ​ 

ມີ​ສິ່ງ​ໜຶ່ງ​ທີ່​ຫຼາຍ​ຄົນ​ບໍ່​ຮູ້​ ລີ້ນ​ຂອງ​ເຮົາ​ນັ້ນ​ແຫຼະ​ເປັນ​ຕົວ​ເກັບ​ກັກ​ ໝັກ​ໝົມ​ຈົນ​ເຮັດໃຫ້​ເກີດ​ກິ່ນຂຶ້ນ​ໄດ້​ງ່າຍ​ໆ​ ທາງ​ແກ້​ໄຂ​ກໍ​ຄື​ ການເຮັດ​ຄວາມ​ສະ​ອາດ​ລີ້ນ​ຢ່າງ​ສະໝໍ່ສະເໝີ ທຸກ​ມື້​ນີ້​ອຸປະກອນ​ທີ່​ໃຊ້​ຂູດ​ລີ້ນ​ມີ​ວາງ​ຂາຍ​ຢູ່​ທົົ່ວ​ໄປ​ຕາມ​ຊູ​ເປີ​ມາ​ເກັດ​ຊັ້ນ​ນຳ​ທົ່ວ​ໄປ​ ທີ່​ຂູດ​ລີ້ນ​ນັ້ນ​ຈະ​ຊ່ວຍ​ກຳຈັດ​ເສດ​ອາຫານ​ ແລະ ​ແບັກ​ທີ​ເຣຍ​ທີ່ຕົ​ກ​ຄ້າງ​ຢູ່​ລົນ​ລີ້ນ​ອອກ​ໄປ​ໄດ້​ 

ໄຫມ​ຖູ​ແຂ້ວ​ກໍ​ມີ​ຄວາມ​ສຳຄັນ​ບໍ່ແພ້​ກັນ​ ສາມາດ​ເຮັດ​ຄວາມ​ສະ​ອາດ​ໃນ​ຊອກ​ຂອງ​ແຂ້ວ​ທີ່​ທີ່​ຖູ​ບໍ່​ສາມາດ​ເຮັດ​ຄວາມ​ສະ​ອາດ​ທົ່ວ​ເຖິງ​ ຕາມ​ຊອກ​ແຂ້ວ​ນັ້ນ​ມັກ​ມີ​ເສດ​ອາຫານ​ຕິດ​ຢູ່​ສະເໝີ​ ບັນຫາ​ທີ່​ຕາມ​ມາ​ກໍ​ຄື​ບັນຫາ​ແຂ້ວແມງ​​ແນ່ນອນ​ ລອງ​ໄປ​ໃຊ້​ກັນ​ເບິ່ງ​ວ່າ​ ການ​ໃຊ້ໄຫມ​​ຂັດ​ແຂ້ວ​ຮ່ວມ​ກັບ​ການຖູ​ແຂ້ວ​ທີ່​ຖືກ​ວິທີ​ຕາມ​ປົກກະຕິ​ນັ້ນ​ຈະ​ເຮັດໃຫ້​ເຮົາ​ຮູ້ສຶກ​ເຖິງ​ຄວາມ​ສະ​ອາດ​ສົດ​ຊື່ນຫຼາຍ​ຂຶ້ນ​ຢ່າງ​ບໍ່​ໜ້າ​ເຊື່ອ​ 

ເຄັດ​ລັບ​ຫຼຸດ​ກິ່ນ​ປາກ​ 
1. ດື່ມ​ນ້ຳ​ຢ່າງ​ນ້ອຍ​ມື້​ລະ​ 8 ແກ້ວ​ ເພາະ​ການ​ດື່ມ​ນ້ຳ​ຫຼາຍ​ໆ​ ຊ່ວຍ​ລ້າງ​ແບັກ​ທີ​ເຣຍ​ອອກຈາກ​ນ້ຳ​ລາຍ​ 
2. ຢ່າ​ປ່ອຍ​ໃຫ້​ປາກ​ແຫ້ງ​ ເພາະ​ຈະ​ເຮັດໃຫ້​ຄວາມ​ເຂັ້ມ​ຂົ້ນ​ຂອງ​ແບັກ​ທີ​ເຣຍ​ໃນ​ປາກ​ເພີ່ມ​ຫຼາຍ​ຂຶ້ນ​ ເຮັດໃຫ້​ເກີດ​ກິ່ນ​ປາກ​ໄດ້​ງ່າຍ​ 
3. ດື່ມ​ນ້ຳ​ໝາກ​ນາວ​ ຈະ​ຊ່ວຍ​ເພີ່ມ​ປະລິມານ​ນ້ຳ​ລາຍ​ 
4. ຫຼີກ​ລ້ຽງ​ການ​ດື່ມ​ກາ​ເຟ​ ເພາະ​ຈະ​ເຮັດໃຫ້​ເກີດ​ກິ່ນ​ປາກ​ໄດ້​ 
5. ຖູແຂ້ວ​ທຸກ​ເທື່ອ​ຫຼັງ​ກິນອາຫານ​ ແລະ​ ຢ່າ​ລືມຖູ​ດ້ານ​ເທິງ​ຂອງ​ລີ້ນ​ດ້ວຍ​

6. ຖ້າ​ບໍ່​ສະ​ດວກ​ຖູແຂ້ວ​ໃຫ້​ບ້ວນ​ປາກ​ ແລະ ​ຫາກ​ແປງ​ເສຍ​ໃຫ້​ປ່ຽນ​ແປງ​ 
7. ໃຊ້​ໄຫມຂັດ​ແຂ້ວ​ເປັນ​ປະຈຳ​ ຢ່າງ​ນ້ອຍ​ມື້​ລະ​ 1 ເທື່ອ​ 
8. ເລີກ​ສູບຢາ​ 
9. ກວດ​ສຸຂະພາບ​ແຂ້ວ​ຢ່າງ​ສະ​ໝໍ່າສະເໝີ​