ແທ້ ຫຼື ​ບໍ່​? ໄຂ່​ປິງ​ທີ່​ຕິດ​ມາ​ກັບ​ຜັກ​ບົ້ງ​ ຈະເລີນ​ເຕີບໂຕ​ໃນ​ທ້ອງ​ຄົນ​ໄດ້​

ເຟ​ຊ​ບຸ໊ກ​ຂອງ​ Jessada Denduangboripant ອາຈານ​ປະຈຳ​ພາກ​ວິ​ຊາ​ຊີວະ​ວິທະຍາ​ ຄະນະ​ວິທະຍາ​ສາດ​ ຈຸ​ລາລົງກອນມະຫາ​ວິທະຍາ​ໄລ​ ຈາກປະເທດໄທ ໂພດ​ຂ່າວ​ທີ່​ມີກ​ານຮັບປະ​ທານ​ຜັກ​ບົ້ງ​ທີ່​ຕິດ​ໄຂ່​ປິງ​ມາ​ນຳ​ ແລະ​ ໄຂ່​ປິງ​ຈະເລີນ​ເຕີບໂຕ​ອອກ​ມາ​ເປັນ​ໂຕ​ປິງ​ຢູ່ໃນ​ທ້ອງ​ຂອງ​ມະນຸດ​ຈົນ​ຕ້ອງ​ຜ່າ​ຕັດ​ອອກ​ມາ ໂດຍ​ໃຫ້​ຄຳ​ຕອບ​ຢ່າງ​ຊັດເຈນ​ວ່າ​ ຂ່າວ​ດັ່ງ​ກ່າວ​ ບໍ່​ເປັນ​ຄວາມ​ຈິງ​”

ເຖິງ​ແມ່ນ​ວ່າ​ມະນຸດ​ເຮົາ​ອາດຈະ​ມີ​ໂອ​ກາດຮັບປະ​ທານ​ຜັກ​ບົ້ງ​ທີ່​ມີໄຂ່​ປິງຕິດ​​ມາ​ຈາກ​ແຫຼ່ງນໍ້າ​ທຳມະຊາດ​ ແຕ່​ໄຂ່​ປິງ​ບໍ່​ໄດ້​ຕ້ານທານ​ຄວາມ​ຮ້ອນ​ຈາກ​ການ​ປຸງ​ອາຫານ​ ຈົນ​ລອດ​ຊີວິດ​ໄປ​ຈະເລີນ​ເຕີບໂຕ​ໃນ​ທ້ອງ​ຄົນ​ໄດ້​ ຢິ່ງ​ໄປ​ກວ່າ​ນັ້ນ​ເຖິງ​ຈະ​ຫຼຸດ​ເຂົ້າໄປ​ໃນ​ທ້ອງ​ຄົນ​ໂດຍ​ບໍ່​ຜ່ານ​ຄວາມ​ຮ້ອນ​​ ກໍ​ບໍ່​ມີ​ທາງ​ທີ່​ໄຂ່​ປິງ​ຈະ​ ຈະເລີນ​ເຕີບໂຕ​ອອກ​ມາ​ເປັນ​ໂຕ​ປິງ​ອາໄສ​ຢູ່ໃນ​ທ້ອງ​ຂອງ​ເຮົາ​ໄດ້​ຢ່າງ​ແນ່ນອນ​

ເຖິງ​ຢ່າງໃດ​ກໍ​ຕາມ​ kidork.com ກໍ​ຢັງ​ແນະ​ນຳ​ໃຫ້​ທຸກ​ຄົນ​ລ້າງ​ຜັກ​ໃຫ້​ສະ​ອາດ​ກ່ອນ​ຮັບປະທານ​ ເພື່ອ​ສຸຂະພາບ​ອະນາໄມ​ທີ່​ດີ​