ແທ້ບໍ ໃສ່​ໝວກ​ແລ້ວ​ຫົວ​ລ້ານ​

ຮູບ​ຮ່າງ​ແລະ​ໜ້າ​ຕາ​ຖື​ໄດ້​ວ່າ​ສຳຄັນ​ສຳລັບ​ຜູ້​ຊາຍ​ເປັນ​ຢ່າງ​ຫລາຍ​ ເພາະ​ມັນ​ເປັນ​ຕົວ​ທີ່​ບົ່ງ​ບອກ​ບຸກຄະລິກກະພາບ​ໄດ້​ເປັນ​ຢ່າງ​ດີ​ແລະ​ເປັນ​ສິ່ງ ທຳອິດ​ທີ່​ສາວ​ໆ​ ຈະ​ເບີ່ງ​ອີກ​ດ້ວຍ​ ແຕ່​ອີກ​ໜຶ່ງ​ອົງ​​ປະກອບ​ທີ່​ສຳ ຄັນ​ບໍ່​ແພ້​ກັນ​ທີ່​ສົ່ງ​ເສີມ​ພາບ​ທັງຫມົດ​ທັງ​ໝົດ​ນັ້ນ​ກໍ​ຄື​ ຊົງ​ຜົມ​ ຜູ້​ຊາຍ​ຫຼາຍ​ຄົນ​ອາດ​ພົບ​ກັບ​ບັນຫາ​ການ​ເລືອກ​ຊົງ​ຜົມ​ໃຫ້​ເຂົ້າ​ກັບ​ຮູບ​ຮ່າງ​ໜ້າ​ຕາ​ຂອງ​ຕົວ​ເອງ​ ແຕ່​ຈະ​ຮູ້​ບໍ​ວ່າ​ຍັງມີ​ຄົົນທີ່​ພົບບັນຫາ​ໜ້າ​ປວດ​ຫົວ​ກວ່າ​ນັ້ນ​ກໍ​ຄື​ຄົົນທີ່​ມີ​ຜົມ​ບາງ​ຫລື​ຫົວ​ລ້ານ​ນັ້ນ​ເອງ​ ຊຶ່ງ​ທາງ​ອອກ​ຂອງ​ຄົນ​ຫົວ​ລ້ານ​ບາງ​ຄົນ​ເລືອກ​ທີ່​ຈະ​ໃສ່​ໝວກ​ປິດ​ບັງ​ເອົາ​ໄວ້​ ແຕ່​ຈະ​ຮູ້​ບໍ​ວ່າ​ການ​ໃສ່​ໝວກ​ເປັນ​ຕົ້ນ​ເຫດ​ໜຶ່ງ​ທີ່​ເຮັດໃຫ້​ຫົວ​ລ້ານ​ ຈິງ​ຫລື​ບໍ່​ມາ​ພິຈາ ລະນາ​ໄປ​ພ້ອມ​ໆ​ກັນ.​

ແທ້
1. ການ​ໃສ່​ໝວກ​ຈະ​ໄປ​ກົດ​ທັບ​ແລະ​ຮຸກຖູ​ດຶງ​ຜົມ​ໄປ​ຂ້າງ​ໜ້າ​-ຂ້າງ​ຫຼັງ​ເຮັດໃຫ້​ຜົມ​ຫຼຸດ​ຫຼົ່ນແລະ​ເຮັດໃຫ້​ສຸຂະພາບ​ຜົມ​ເສຍ​ໄວ​ກວ່າ​ປົກກະຕິ​ຈຶ່ງ​ຫຼຸດ​ຫຼົ່ນ​ກ່ອນ​ເວລາ​.
2. ປະລາວເປັນ​ເມືອງ​ຮ້ອນ​ການ​ໃສ່​ໝວກ​ຕິດ​ຕໍ່​ກັນ​ເປັນ​ເວລາ​ດົນ​ເຮັດໃຫ້​ເຫື່ອ​ອອກ​ຫຼາຍ​ ຈົນ​ເຮັດໃຫ້​ເກີດ​ຄວາມ​ອັບ​ຊື້ນ​ແລະ​ເກີດ​ແບັກ​ທີ​ເລຍ​ຊຶ່ງ​ເປັນ​ສາ​ເຫດ​ໃຫ້​ຜົມ​ຫຼົ່ນ.​

ບໍ່​ແທ້​
1. ເພາະ​ຫົວ​ລ້ານ​ເກີດ​ຂຶ້ນ​ໄດ້​ຫຼາຍ​ສາ​ເຫດ​ແລະ​ສາ​ເຫດ​ຫຼັກ​ໆ​ ກໍ​ຄື​ເກີດ​ຈາກ​ກຳມະພັນ​ ເກີດ​ຈາກ​ຮໍ​​ໂມນ​ທີ່​ຊື່​ DHT(Dihydrotesosterone) ສ້າງ​ມາ​ຈາກ​ຮໍ​ໂມນ​ເພດ​ຊາຍ​ (Testosterone) ໂດຍ​ມີ​ເອນ​ໄຊ​​ 5-alpha-reductase ເປັນ​ຕົວ​ການ​ຫຼັກ​ຊຶ່ງ​ຫາກ​ເຮົາ​ມີ​ຮໍ​​ໂມນ​ DHT ຫລາຍ​ເກີນ​ໄປ​ ຈະ​ສົ່ງ​ຜົນ​ໃຫ້​ ຮາກ​ຜົມ​ຝໍ່​ ຫົດ​ຕົວ​ແລະ​ນ້ອຍ​ລົງ​ຈົນ​ຜົມ​ຄ່ອຍ​ໆ​ ຫຼຸດ​ຫຼົ່ນ​ໄປ​ແລະ​ນອກ​ຈາກ​ນີ້​ ຮໍ​ໂມນ​ DHT ຍັງ​ເຮັດໃຫ້​ເກີດ​ການ​ເຮັດ​ວຽກງານ​ທີ່​ຫລາຍ​ເກີນ​ປົກກະຕິ​ຂອງ​ຕ່ອມ​ໄຂ​ມັນ​ເທິງ​ຫົວ​ ຊຶ່ງ​ສົ່ງ​ຜົນ​ໃຫ້​ໜັງ​ຫົວ​ມັນ​ ຮູ​ຂຸມ​ຂົນ​ອຸດ​ຕັນ​ ຈົນ​ເປັນ​ສາ​ເຫດ​ໃຫ້​ຜົມ​ຫຼຸດ​ຫຼົ່ນ.​

2. ຈາກ​ລາຍ​ງານ​ຕ່າງ​ປະເທດ​ພົບ​ວ່າ​ບັນຫາ​ຜົມ​ຫຼົ່ນຜົມ​ບາງ​ຈະ​ພົບ​ໃນ​ຊ່ວງ​ອາ​ຍຸ 20-30 ປີ​ ຈຳນວນ​ 20-30% ແລະ​ພົບ​ຫລາຍ​ຂຶ້ນ​ເລື່ອຍ​ໆ​ ໃນ​ຊ່ວງ​ອາຍຸ 50-60 ປີ​ ເຖິງ​ 50-60%.

=======================================================================================================