ແທນໂດ້!! ມາດຣິດ ເລັງດຶງໂຕ ເລວານດອບສະກີ້ ຮ່ວມທັບ

"ລາຊາຊຸດຂາວ" ເຣອັນ ມາດຣິດ ອາດຈະປ່ອຍ ຄຣິສຕຽນໂນ ໂຣນັນໂດ້ ອອກຈາກທີມຫຼັງຈາກທີ່ຈົບລະດູການນີ້ ເວົ້າກັນວ່າກຽມທີ່ຈະອອກລ່າໂຕ ໂຣເບີດ ເລວານດອບສະກີ້ ຫົວຫອກຈາກ ບາເຢິນ ມິວນິກ ມາແທນ.

ເຣອັນ ມາດຣິດ ສະໂມສອນຍັກໃຫຍ່ຈາກ ລາ ລີກາ ສະເປນ ຕົກເປັນຂ່າວ ເມື່ອວັນພຸດທີ 11 ພະຈິກ ທີ່ຜ່ານມາວ່າ ກຳລັງໃຫ້ຄວາມສົນໃຈທີ່ຈະເຊັນສັນຍາດຶງໂຕ ໂຣເບີດ ເລວານດອບສະກີ້ ກອງໜ້າຂອງ ບາເຢິນ ມິວນິກ ສະໂມສອນຈາກ ບຸນເດສລິກາ ເຢຍລະມັນ ມາຮ່ວມທັບ ແລະ ກຽມທີ່ຈະປ່ອຍ ຄຣິສຕຽນໂນ ໂຣນັນໂດ້ ດາວຍິງຂອງທີມໃຫ້ພົ້ນອອກຈາກທີມ ຖ້າວ່າຕົກລົງກັບດາວເຕະຂອງ ບາເຢິນ ໄດ້.

ໂຣນັນໄດ້ ຕົກເປັນຂ່າວກ່ຽວພັນກັບເລື່ອງການຍ້າຍທີມມາຕະຫຼອດໄລຍະ 2-3 ອາທິດທີ່ຜ່ານມາ ໂດຍເຊື່ອກັນວ່າ ປາຣີ ແຊັງ-ແຊັກແມັງ ແລະ ແມນເຊສເຕີ ຢູໄນເຕັດ ກຳລັງຕິດຕາມສະຖານະການຂອງດາວເຕະລາຍນີ້ຢູ່ ແລະ ລ່າສຸດ ສະປອດ ສື່ກິລາຂອງ ສະເປນ ລະບຸວ່າ “ລາຊາຊຸດຂາວ” ຈະປ່ອຍກັບຕັນທີມຊາດ ປັອກຕຸຍການ ອາຍຸ 30 ປີ ອອກຈາກຖິ່ນ ຊານ ດິເອໂກ້ ເບີນາເບວ ທັນທີຖ້າວ່າຕົກລົງດຶງໂຕ ເລວານດອບສະກີ້ ໄດ້ສຳເລັດ.

ສຳລັບລະດູການນີ້ ເລວານດອບສະກີ້ ເຮັດຜົນງານໄດ້ດີໂດຍການຍິງໄປ 19 ລູກຈາກການລົງຫຼິ້ນລວມທຸກລາຍການ 18 ນັດ ແລະ ເຮັດໄປແລ້ວ 44 ປະຕູຈາກ 67 ນັດນັບຕັ້ງແຕ່ຍ້າຍມາຈາກ ໂບຣຸສເຊຍ ດອດມູນ ເມື່ອຊ່ວງພັກລະດູການປີ 2014.

..................................................................................................................................................