ແທນທີ່ຄູລິບາລີ!!ນາໂປລີເລັງຢືມໂຕຊູມາ

 

ນາໂປລີ ຕົກເປັນຂ່າວກຽມຍື່ນຂໍ້ສະເໜີຂໍຢືມ ເຄິດ ຊູມາ ກອງກາງຂອງ ເຊວຊີ ຮ່ວມທີມໃນເດືອນມັງກອນໂດຍຫວັງຈະໄດ້ມາແທນ ຄາລິດູ ຄູລິບາລີ ທີ່ຕິດພາລະກິດກັບທີມຊາດເຊເນກັນໃນ ອາຟຣິກັນ ເນຊັນ ຄັບ ເຊື່ອວ່າ ເຊວຊີ ອາດຈະປ່ອຍນັກເຕະອອກໄປເປັນໄລຍະເວລາສັ້ນໆຫຼັງຈາກທີ່ນັກເຕະບໍ່ມີຕຳແໜ່ງໃນຖິ່ນ ສະແຕມຝອດ ບຣິດ ເວລານີ້.

 

ນາໂປລີ ສະໂມສອນດັງຂອງ ກັນໂຊ ຊີຣີ ອາ ຕົກເປັນຂ່າວວ່າກຽມຍື່ນຂໍ້ສະເໜີເພື່ອຂໍຢືມໂຕ ເຄິດ ຊູມາ ກອງຫຼັງດາວລຸ້ງຂອງ ເຊວຊີ ທີມດັງຂອງ ພຣີເມຍລີກ ມາຮ່ວມທັບໃນຊ່ວງເປີດຕະຫຼາດຊື້ຂາຍນັກເຕະຮອບສອງເດືອນມັງກອນນີ້ ຈາກການລາຍງານຂອງ “ສະປອດ ມີເດຍເຊັດ” ສື່ດັງຂອງອີຕາລີເມື່ອວັນຈັນທີ່ຜ່ານມາ.

 

ຕອນນີ້ແນວຮັບເລືອດນຳ້ຫອມກຳລັງຢູ່ໃນຊ່ວງຟື້ນຟູສະພາບຮ່າງກາຍຫຼັງຈາກທີ່ເຂົາໄດ້ຮັບບາດເຈັບບໍລິເວນຫົວເຂົ່າມາຕັ້ງແຕ່ເດືອນກຸມພາໃນເກມລີກທີ່ພົບກັບ ແມນເຊສເຕີ ຊີຕີ ໂດຍນັບຕັ້ງແຕ່ ອັນໂຕນີໂອ ຄອນເຕ ເຂົ້າມາຄຸມທັບເຂົາກໍຍັງບໍ່ມີໂອກາດລົງສະໜາມເລີຍຈັກເກມ ຂະນະທີ່ ດາວິດ ຫຼຸຍ, ແກຣີ ເຄຮິວ ແລະ ເຊຊາ ອັສປິລິກວາຍຕາ ກໍພາກັນເຮັດຜົນງານໄດ້ດີໃນລະບົບກອງຫຼັງ 3 ຄົນ.

 

ເຊື່ອກັນວ່າ ເຊວຊີ ອາດຈະຕັດສິນໃຈປ່ອຍ ຊູມາ ໄປຫຼິ້ນໃນແດນເກີບບູດເປັນໄລຍະເວລາສັ້ນໆ ແລະ ນາໂປລີ ກໍເປັນທີມເຕັງທີ່ຈະໄດ້ “ບິກຊູມ” ໄປຮ່ວມທັບເນື່ອງຈາກວ່າ ຄາລິດູ ຄູລິບາລີ ກອງຫຼັງຂອງທີມຈະຕ້ອງໄດ້ໄປຮັບໃຊ້ຊາດເຊເນກັນໃນລາຍການ ອາຟຣິກັນ ເນຊັນ ຄັບ ໃນຊ່ວງເດືອນມັງກອນນີ້.