ແຕ່ງຫນ້າ​ແນວ​ໃດ​ບໍ່​ໃຫ້​​ໄຫຼ​ລົງ​ຄໍ...

”ຍາມຝົນກໍາລັງຊິມາເມື່ອອາກາດຊື້ນ ​ແລະ ປຽກ. ມື້ໃດໂຊກຮ້າຍເຈິຝົນຕົກໝົດ​ມື້​ໝົດ​ເວັນ ແຕ່ງໜ້າມາບໍ່ດີອາດໄຫຼລົງ​ຄໍໄດ້ແນ່ນອນ!!! ແຖມແຕ່ງມາຢ່າງດີແຕ່ເລືອນຫາຍໄປກັບສາຍຝົນກໍຕ້ອງມີ​ເທັກນິກກັນແດ່ເພື່ອຄວາມສວຍຕິດທົນ ຄິດ​ອອກ ມື້​ນີ້​ຈັດ​ມາ​ໃຫ້​ຖືກ​ໃຈ​ສາວໆ​ຫຼາຍຄົນ​ເຊິ່ງມີ​ຫຍັງ​ແດ່​ນັ້ນ​ມາ​ເບິ່ງ​ນຳ​ກັນ​ເລີຍ!!!

1.ການເລືອກໃຊ້ຄີມບໍາລຸງຊ່ວງຍາມຝົນແບບນີ້ຈະ​ໂບກລົງໄປຫຼາຍໆກໍເບິ່ງຊິໜັກໜ້າ​ໂພດ. ຈຸດເລີ່ມຕົ້ນເລີຍຢູ່ທີ່ຄີມບໍາລຸງລອງປ່ຽນມາໃຊ້ມໍເຈີໄຮເຊີທີ່ບາງເບົາແດ່ ຫຼື ຈະໃຊ້ພວກເອດເຊັ້ນທີ່ຊຶມເຂົ້າຜິວໄວຈະຊ່ວຍລົດບັນຫາອາກາດຊື້ນໜ້າເຍີ້ມລະຫວ່າງວັນໄດ້ອີກ ເພາະຖ້າໃຊ້ຄີມບໍາລຸງລົງໜ້າຫຼາຍເກີນໄປຈະຍິ່ງມີໂອກາດເຮັດໃຫ້ເຄື່ອງສໍາອາງໄຫຼເຍີ້ມ​ເປິ​ເປື້ອນໄດ້ຫຼາຍກວ່າປົກກະຕິ.

2.ຫາຮອງພື້ນກັນນໍ້າເພາະຮອງພື້ນທີ່ດີເປັນພື້ນຖານສໍາຄັນຂອງໃບໜ້າສາວໆໃຫ້ໜ້າແໜ້ນປັງ ແຕ່ຈະຕ້ອງເລືອກເອົາທີ່ມີຄຸນສົມບັດກັນນໍ້າໄດ້ດີ​ແທ້ໆ ໃນປັດຈຸບັນມີໃຫ້ເລືອກຫຼາຍແບບ.

3.ມາດຄາລ່າກັນນໍ້າຕົວຊ່ວຍເນລະມິດຄວາມງາມຮັບໜ້າຝົນທີ່ຂາດບໍ່ໄດ້ເລີຍຄື ມາດຄາລ່າເພາະເປັນຕົວທີ່ຈະເຮັດໃຫ້ດຶງຈຸດເດັ່ນບໍລິເວນໃບໜ້າໄດ້ດີແຕ່ຕ້ອງເລືອກໃຊ້ຊະນິດກັນນໍ້າເພາະມີຄຸນສົມບັດກັນນໍ້າບໍ່ເຮັດໃຫ້ເປັນໝີແພນດ້າຕະຫຼອດວັນ ທີ່ສໍາຄັນຕິດ​ແໜ້ນ​ແທ້ຢ່າເບິ່ງຂ້າມບັນຫາຕອນທຳຄວາມສະອາດທີ່ຈະທິ້ມຄາບໃຫ້ເປັນສິ່ງກັງວົນໃຈອີກ​ດ້ວຍ.

4.ເພີ່ມສີສັນໃຫ້ໃບໜ້າງາມດ້ວຍການປັດແກ້ມ ແລະ ດວງຕາ ເພາະແກ້ມເປັນອີກຈຸດທີ່ດຶງດູດໃຫ້ແກ່ສາຍຕາຜູ້ຄົນທີ່ພົບເຫັນໄດ້ເປັນຢ່າງດີຍາມຝົນ​ແບບນີ້ຄວນໃຊ້ຄີມທາງ​ແກ້ວ ຫຼື ຕິ້ນ ກໍໄດ້ແລ້ວນໍາມາແຕະລົງເທິງແກ້ມຢ່າງເບົາໆ ຫຼື ຈາກທີ່ລົງຮອງພື້ນແລ້ວໆ ຫຼັງຈາກນັ້ນໃນສ່ວນຂອງອາຍແຊໂດກໍຄວນເລືອກໃຊ້ແບບເນື້ອຄີມໄປກ່ອນເພາະເໝາະສໍາລັບຢາມຝົນນີ້ຫຼາຍທີ່ສຸດຖ້າຫາກລົງອາຍໄພເມີກ່ອນດ້ວຍຈະຍິ່ງດີຫຼາຍເພາະມັນຈະຊ່ວຍເພີ່ມຄວາມຕິດທົນຍາວນານຕະຫຼອດວັນໄດ້ດີຂຶ້ນ.

5.ເລືອກທາລິບສະຕິກເພື່ອຄວາມຊຸ່ມຊື່ນ ຍາມຝົນນີ້ຄວນຫຼີກລ່ຽງການທາລິບສະຕິກແບບເນື້ອວາວ ຫຼື ທາລິບກ໊ອດໃສໆເພາະຄ່ອນຂ້າງຫຼຸດອອກງ່າຍແນະນໍາໃຫ້ຫັນມາທາລິບເນື້ອແມັດ ຫຼື ລິບຕິ້ນ ແທນດີກວ່າເພື່ອໃຫ້ຄວາມຕິດທົນຕະຫຼອດວັນ.

6.ເນັ້ນແຕ່ງລຸກໃສໆງາມແບບທໍາມະຊາດເຖິງແມ້ສາວໆຈະມີເທັກນິກໃນການແຕ່ງຫນ້າຍາມຝົນໃຫ້ຕິດທົນດົນ​ແນວ​ໃດແຕ່ການແຕ່ງຫນ້າໃນຊ່ວງທີ່ມີຄວາມຊື່ນຫຼາຍຢ່າງ ຄວນ​ແຕ່ງແບບບາງເບົາບໍ່ຕ້ອງລົງເມກອັບໜາໆແບບຈັດໜັກຈັດເຕັມເນັ້ນລຸກທໍາມະຊາດຫຼາຍທີ່ສຸດຈະເຮັດໃຫ້ສາວໆມີສະເໜ່ຫຼາຍກວ່າການແຕ່ງຫນ້າແບບທໍາມະຊາດບາງໆ ໃນຊ່ວງນີ້ຍັງສົ່ງຜົນໃຫ້ເຄື່ອງສໍາອາງຕິດທົນຕະຫຼອດວັນ.