ແຕນ-ແບັກກີ ຖືກຕັ້ງຂໍ້ຫາຫຼັງນັກວິວາດຮຸນແຮງ

 

ເວສບຣອມວິດ ອາວບຽນ ກັບ ວັດຝອດ ຖືກຕັ້ງຂໍ້ຫາບໍ່ສາມາດຄວບຄຸມນັກເຕະໃຫ້ມີຄວາມປະພຶດທີ່ເໝາະສົມໄດ້ທັງສອງຫຼັງຈາກທີ່ນັກເຕະຂອງພວກເຂົາວິວາດກັນຢ່າງໜັກໃນເກມທີ່ພົບກັນແບບດຽວກັບກໍລະນີຂອງ ແມນຊີຕີ ແລະ ເຊວຊີ.

 

ສະມາຄົມບານເຕະອັງກິດ ຫຼື ເອຟເອ ຕັ້ງຂໍ້ຫາ ເວສບຣອມວິດ ອາວບຽນ ກັບ ວັດຝອດ 2 ສະໂມສອນດັງໃນ ພຣີເມຍລີກ ຫຼັງຈາກທີ່ພວກເຂົາບໍ່ສາມາດຄວບຄຸມນັກເຕະໃຫ້ມີຄວາມປະພຶດທີ່ເໝາະສົມໄດ້ໃນເກມທີ່ “ເດິ ແບັກກີ” ເປີດຮັງ ເດິ ຮໍທອນ ເອົາຊະນະອີກຝ່າຍ 3-1 ເມື່ອວັນເສົາທີ່ຜ່ານມາ.

 

ໃນນາທີ 84 ຂອງເກມດັ່ງກ່າວ ເຈມສ໌ ແມັກຄລີນ ດາວເຕະຂອງເຈົ້າບ້ານໄປເຕະບານໃສ່ ໂຣແບໂຕ ເປເຣຣາ ນັກເຕະຂອງທີມຢາມໃນຕອນທີ່ເຂົານອນຢູ່ກັບພື້ນສົ່ງຜົນໃຫ້ທັງສອງຝ່າຍເຂົ້າມາມີເລື່ອງມີລາວກັນຢ່າງດຸເດືອດກ່ອນທີ່ ເປເຣຣາ ຈະຖືກໃບແດງໄລ່ອອກຈາກສະໜາມ.

 

ນີ້ແມ່ນເປັນອີກກໍລິນີໃນອາທິດນີ້ທີ່ສອງທີມຫາກໍພົບກັນເມື່ອຊ່ວງທ້າຍອາທິດທີ່ຜ່ານມາຖືກຕັ້ງຂໍ້ຫາບໍ່ສາມາດຄວບຄຸມນັກເຕະໄດ້ໂດຍ ແມນ ຊີຕີ ກັບ ເຊວຊີ ກໍຖືກຕັ້ງຂໍ້ຫານີ້ຈາກເກມທີ່ດວນກັນເອງຄືກັນເຊິ່ງ ເວສບຣອມ ກັບ ວັດຝອດ ມີເວລາທີ່ຈະອຸທອນຈົນຮອດ 18:00 ຂອງວັນພະຫັດທີ 8 ທັນວາຕາມເວລາທ້ອງຖິ່ນ (1:00 ຂອງວັນສຸກທີ 9 ທັນວາຕາມເວລາປະເທດລາວ).

 

ບົດຄວາມໃຫມ່ໆ