ແຈກ​ສູດ​ກາລົດ​ລູກ​ຊິ້ນ​ ເມ​ນູ​ເພື່ອ​ສຸຂະພາບ​ ແຖມ​ແຊບ​ເວີ

ເມ​ນູ​ອາຫານ​ເພື່ອ​ສຸຂະພາບ​ສຳລັບ​ມື້​ນີ້​ ເປັນ​ເມ​ນູ​ອາຫານ​ເພື່ອ​ສຸຂະພາບ​ທີ່​ເອົາ​ໃຈ​ຄົນ​ຮັກ​ສຸຂະພາບ​ຫຼື​ສຳລັບ​ຄົົນທີ່​ມັກກິນ ກາລົດ.
ອາຫານ​ເພື່ອ​ສຸຂະພາບ​ "ກາ​ລົດ​" ກາ​ລົດ​ອຸດົມ​ໄປ​ດ້ວຍ​ວິ​ຕາ​ມິນ​ເອ​ແລະ​ເກືອ​ແຮ່​ ຊຶ່ງ​ວິ​ຕາ​ມິນ​ເອ​ນັ້ນ​ ຊ່ວຍ​ບຳ​ລຸງ​ສາຍ​ຕາ​ ບຳ​ລຸງ​ຜິວ​ແລະ​ເນື້ອເຢື່ອ​ ຊ່ວຍ​ຢັບ​ຢັ້ງ​ການ​ເຊື່ອມ​ສະພາບ​ຂອງ​ອະໄວຍະວະ​ສຳຄັນ​ຂອງ​ຮ່າງກາຍ.
ຊຶ່ງ​ເຊື່ອ​ກັນ​ວ່າ​ ກາ​ລົດ​ ຍັງ​ສາມາດ​ຊ່ວຍ​ຮັກສາ​ ພະຍາດ​ມະ​ເຮັງ​ແລະ​ຊ່ວຍ​ຫຼຸດ​ຄວາມ​ສ່ຽງ​ຂອງ​ພະຍາດ​ມະ​ເຮັງ​ໄດ້​ດ້ວຍ​ເຊັ່ນ​ ມະ​ເຮັງ​ພະຍາດ​ຫົວ​ໃຈ,​ ພະຍາດ​ຫຼອດ​ເລືອດ​ສະຫມອງ​, ອຳມພຶກ,​ ອຳມະພາດ,​ ພະຍາດ​ຄວາມ​ດັນ​ເລືອດ​ສູງ,​ ຕໍ້ກ​ະ​ຈົກ​ແລະ​ຍັງ​ຊ່ວຍ​ເພີ່ມ​ພູ​ມ​ຕ້ານ​ທານ​ແລະ​ເລັ່ງ​ການສ້າງ​ເຊວໃນ​ແຜຜ່າ​ຕັດ​ ໄດ້​ດີ​ອີກ​ດ້ວຍ.
ນອກ​ຈາກ​ນີ້​ ອາຫານ​ເພື່ອ​ສຸຂະພາບ​ຢ່າງ​ "ກາ​ລົດ​" ຍັງ​ອຸດົມ​ໄປ​ດ້ວຍ​ວິ​ຕາ​ມິນ​ບີ​ ວິ​ຕາ​ມິນ​ຊີ​ແລະ​ແຄວ​ຊຽມ​ທີ່​ດູດ​ຊຶມ​ງ່າຍ​ມີ​ແພກ​ຕິນ​ຊຶ່ງ​ເປັນ​ໄຟ​ເບີ​ ຊະນິດ​ທີ່​ລະ​ລາຍ​ນ້ຳ​ໄດ້​ ຊ່ວຍ​ຫຼຸດ​ຄໍ​ເລດ​ເຕີຮໍ ວິ​ຕາ​ມິນ​ແລະ​ເກືອ​ແຮ່​ ທີ່​ມີບົດ​ບາດ​ສຳຄັນ​ໃນ​ການສ້າງ​ພູ​ມຄຸ້ມ​ກັນ​ພະຍາດ​ອີກ​ດ້ວຍ​​ ເຫັນ​ຂໍ້​ດີຂອງອາຫານ​ເພື່ອ​ສຸຂະພາບ​ຢ່າງ​ "ກາ​ລົດ​" ກັນ​ແລ້ວ​ ​ຄົົນທີ່​ຮັກ​ສຸຂະພາບ​ກໍ​ລອງ​ຫາ​ກາ​ລົດ​ມາ​ກິນ​ກັນ​ດ້ວຍເພື່ອ​ສຸຂະພາບ​ທີ່​ດີ​ຂອງ​ເຈົ້າ​.
-ອຸປະກອນ​ສຳລັບ​ເມ​ນູ​ອາຫານ​ເພື່ອ​ສຸຂະພາບ​
ກາ​ລົດ​ 1-2 ຫົວ​
ໄຂ່​ເປັດ​ 1 ໜ່ວຍ​
ແປ້ງ​ໂກ​ກິ​ 1/2 ຖ້ວຍ​
ຕົ້ນ​ຫອມ​ 1-2 ຕົ້ນ​

ວິທີ​ການເຮັດ​ເມ​ນູ​ອາຫານ​ເພື່ອ​ສຸຂະພາບ​
ກຽມ​ອຸປະກອນ​ທັງ​ໝົດ​ໃຫ້​ພ້ອມ​ ກາ​ລົດ​ແລະ​ຕົ້ນ​ຫອມ​ ລ້າງ​ນ້ຳ​ໃຫ້​ສະ​ອາດ​ ຫັ່ນ​ກາ​ລົດ​ເປັນ​ຊິ້ນ​ນ້ອຍ​ໆ​ ຕາມ​ຄວາມ​ຍາວ​ຂອງ​ໜ່ວຍກາ​ລົດ​ແລະ​ຕົ້ນ​ຫອມ​ຫັ່ນ​ຊອຍ.
ນຳ​ກາ​ລົດ​ໃສ່​ຊາມ​ແລະ​ໃສ່​ເກືອ​ ແຕ່ງ​ລົດ​ຊາດ​ ລົງ​ໄປ​ປະສົມ​ຄົນ​ໃຫ້​ທົ່ວ​ ແລ້ວ​ຈຶ່ງ​ນຳ​ສ່ວນ​ປະສົມ​ທັງ​ໝົດ​ໃສ່​ລົງ​ໄປ​ບ່ອນດຽວ​ ແປ້ງ​ໂກ​ກິ,​ ຕົ້ນ​ຫອມ​ແລະ​ໄຂ່​ເປັດ​ ຄົນ​ສ່ວນ​ປະສົມ​ໃຫ້​ເຂົ້າ​ກັນ.
ເມື່ອ​ໄດ້​ປະສົມ​ທີ່​ເຂົ້າ​ກັນ​ແລ້ວ​ ນຳ​ມາ​ປັ້ນ​ເປັນ​ໜ່ວຍພໍ​ດີ​ຄຳ​ ແລ້ວ​ຈຶ່ງ​ລົງ​ທອດ​ ໃຫ້​ເຫຼືອງ​ສຸ​ກນຳ​ຂຶ້ນ​ມາ​ພັກ​ເອົາ​ໄວ້​ ແລ້ວ​ຈຶ່ງ​ນຳ​ໄມ້​ລູກ​ຊິ້ນ​ມາ​ສຽບ​ ເຮັດ​ເປັນ​ໄອ​ເດຍ​ເກ໋​ໆ​ ສຳລັບ​ຄອບຄົວ​ກັນ​.