ແຂວງວຽງຈັນ ສັ່ງອົບຮົມຜູ້ທີ່ມັກດັດແປງແຕ່ງລົດ

        ພິທີສຶກສາອົບຮົມໄດ້ຈັດຂຶ້ນໃນວັນທີ 23 ກັນຍາຜ່ານມານີ້ ໂດຍການ ເປັນປະທານຂອງ ທ່ານ ພັທ ແຫວນເພັດ ໂພມະຫາລາດ ຫົວໜ້າຫ້ອງຕຳຫຼວດ ເຂົ້າຮ່ວມມີ ທ່ານ ພັທ ຈະເລີນ ເລີດມຸງ ຄຸນ ຮອງກອງບັນຊາການ ປກສ ແຂວງ ວຽງຈັນ, ທ່ານ ພົມມະດີ ແກ້ວບຸນ ມີ ຕາງໜ້າຫ້ອງວ່າການປົກຄອງແຂວງ ວຽງຈັນ ມີບັນດາພະນັກງານ-ນັກຮົບ, ກອງບັນຊາການ ປກສ ເມືອງ 4 ຕົວ ເມືອງ, ນັກຂັບຂີ່ທີ່ດັດແປງສະພາບເຕັກ ນິກຂອງລົດ ພ້ອມດ້ວຍຜູ້ປົກຄອງເຂົ້າຮ່ວມ.

    ເພື່ອເປັນການປ້ອງກັນ ແລະສະກັດ ກັ້ນປາກົດການຫຍໍ້ທໍ້ໃນດ້ານຕ່າງໆໃຫ້ ຫຼຸດໜ້ອຍຖອຍລົງເທື່ອລະກ້າວໃນໄລ ຍະການກະກຽມກອງປະຊຸມສຸດຍອດອາຊຽນ ຄັ້ງທີ 28, 29 ທີ່ລາວເຮົາໄດ້ ຮັບກຽດເປັນເຈົ້າພາບໃຫ້ມີຄວາມເປັນ ລະບຽບຮຽບຮ້ອຍດີ ສະນັ້ນພະແນກຈະ ລາຈອນ ປກສ ແຂວງວຽງຈັນ ສົມກັບ ກອງບັນຊາການ ປກສ ເມືອງ 4 ຕົວ ເມືອງ ໄດ້ລົງເຄື່ອນໄຫວກວດກາພາຫະ ນະຕາມເສັ້ນທາງຂອບເຂດເທສະບານ ແຂວງ ໄດ້ຕັ້ງຈຸດກວດ 4 ຈຸດຄື: ເມືອງ ທຸລະຄົມ, ເມືອງວຽງຄຳ, ແກ້ວອຸດົມ ແລະເມືອງໂພນໂຮງ ແລະໄດ້ພົບເຫັນ ຜູ້ຂັບຂີ່ດັດແປງສະພາບເຕັກນິກຂອງ ລົດຈັກຈຳນວນ 101 ຄັນ ໃນນີ້ ລົດ ຈັກ 99 ຄັນ , ລົດໃຫຍ່ 2 ຄັນ ມາຮັກ ສາໄວ້ຢູ່ກອງບັນຊາການ ປກສ ແຂວງ ເພື່ອທຳລາຍຢາງຕີນລົດ ແລະທໍ່ ໄອເສຍ ທີ່ບໍ່ຖືກຕ້ອງຕາມມາດຕະຖານຂອງໂຮງ ງານຜະລິດອອກຖິ້ມ ແລ້ວປ່ຽນຖ່າຍໃໝ່.

   ພ້ອມນັ້ນຍັງຍົກໃຫ້ເຫັນສະພາບການ ສັນຈອນໃນປະຈຸບັນ ແລະຜົນໄດ້ຜົນເສຍ ຂອງການດັດແປງສະພາບເຕັກນິກຂອງ ລົດອັນໄດ້ສ້າງຄວາມບໍ່ສະຫງົບ ແລະຄວາມບໍ່ເປັນລະບຽບຮຽບຮ້ອຍໃຫ້ແກ່ສັງຄົມ ເສຍເງິນຄຳພໍ່ແມ່ ຕໍ່ກັບສະພາບ ການສັນຈອນຕາມທ້ອງຖະໜົນຫຼວງ ກໍແມ່ນບັນຫາໜຶ່ງ ຊຶ່ງນັກຂັບຂີ່ແຕ່ລະຄົນຕ້ອງໄດ້ເປັນເຈົ້າການປະຕິບັດກົດ ລະບຽບຈະລາຈອນທີ່ໄດ້ກຳນົດໄວ້.

   ສະພາບເຕັກນິກຂອງລົດຕ້ອງຢູ່ໃນ ສະພາບເດີມທີ່ໂຮງງານຜະລິດອອກມາ ເທົ່ານັ້ນ ແຕ່ຍ້ອນຄວາມຮູ້ເທົ້າບໍ່ເຖິງ ການພັດມີນັກຂັບຂີ່ຈຳນວນໜຶ່ງມີການ ຝ່າຝືນບໍ່ເຄົາລົບກົດລະບຽບຈະລາຈອນ ເປັນຕົ້ນແມ່ນການຂັບຂີ່ລົດຈັກເປັນ ພຶງເປັນແພກີດຂວາງການສັນຈອນ, ດັດແປງທໍ່ໄອເສຍເຮັດໃຫ້ມີສຽງລົບ ກວນຄົນອື່ນໃນເວລາກາງຄືນ, ໃສ່ຕີນ ນ້ອຍບໍ່ຖືກຕາມຂະໜາດມາດຕະຖານ ຂອງໂຮງານຜະລິດ ແລະອື່ນໆ ນີ້ກໍແມ່ນ ສາເຫດໜຶ່ງທີ່ພາໃຫ້ຕົວເລກອຸບັດເຫດ ເພີ່ມຂຶ້ນຢ່າງຫຼວງຫຼາຍ ທັງສູນເສຍວັດ ຖຸເງິນຄຳ ຮ້າຍແຮງໄປກວ່ານັ້ນກໍ່ກ້າວ ໄປເຖິງຂັ້ນເສຍຊີວິດກໍເປັນໄດ້ຈາກສະພາບຄືດັ່ງກ່າວຈິ່ງຮຽກຮ້ອງໃຫ້ນັກຂັບ ຂີ່ ຈົ່ງຢຸດເຊົາການປະພຶດຕົວໄປໃນທາງ ທີ່ບໍ່ຖືກຕ້ອງ ແລ້ວປ່ຽນແນວຄິດຂອງ ຕົນເອງໄປໃນທາງທີ່ດີເປັນລູກທີ່ດີຂອງພໍ່ແມ່ ແລະເປັນເຈົ້າການໃນການປະ ຕິບັດກົດລະບຽບຈະລາຈອນຢ່າງເຂັ້ມ ງວດ.

   ຈາກນັ້ນກໍມີການປ່ຽນທໍ່ໄອເສຍ ແລະຕີນລົດທີ່ນ້ອຍກວ່າມາດຕະຖານ ອອກແລ້ວເອົາໃສ່ໃໝ່ ເພື່ອໃຫ້ຖືກຕ້ອງ ຕາມຂະໜາດ ແລະມາດຕະຖານຂອງ ໂຮງງານຜະລິດ ຫຼັງຈາກປ່ຽນສຳເລັດ ແລ້ວຈິ່ງສົ່ງຄືນໃຫ້ເຈົ້າຂອງເດີມໄປນຳ ໃຊ້ຕາມປົກກະຕິ ໂອກາດດຽວກັນນີ້ເຈົ້າ ໜ້າທີ່ຕຳຫຼວດຈະລາຈອນ ປກສ ແຂວງ ວຽງຈັນ ຈິ່ງໄດ້ເອົົາຢາງຕີນລົດ ແລະທໍ່ ໄອເສຍທີ່ດັດແປງໄປທຳລາຍຖິ້ມ.

ແຫຼ່ງຂ່າວ: ໜັງສືພິມເສດຖະກິດ-ສັງຄົມ.

ບົດຄວາມໃຫມ່ໆ