ແຂວງບໍໍ່ແກ້ວ ເພີ່ມຄວາມຮູ້ວຽກງານແຂ່ງຂັນ-ຍ້ອງຍໍ ໄລຍະໃໝ່

ບັນດາ​ຫົວໜ້າ​ພະ​ແນ​ກ, ຮ​ອງພະ​ແນ​ກ, ພະນັກງານ-ລັດຖະກອນ​ ອ້ອມ​ຂ້າງ​ແຂວງ​ບໍ່​ແກ້ວ ​ໄດ້​ສຳ​ເລັດ​ການ​ເຂົ້າ​ຮ່ວມ ​ຊຸດ​ອົບຮົມວຽກງານແຂ່ງຂັນ-ຍ້ອງຍໍຮັກຊາດ ແລະ ພັດທະນ າໃນ​ໄລຍະ​ໃໝ່​ໃນ​ທ້າຍ​ອາທິດ​ຜ່ານ​ມາ, ​ພາຍ​ໃຕ້​ການ​ເປັນ​ປະທານ​ຂອງ ທ່ານ ເຢ່ລໍ່ ເຈ່ຍວ່າ ຮັກສາການຫົວໜ້າກົມ ແຂ່ງຂັນ-ຍ້ອງຍໍກະຊວງພາຍໃນ. ທັງ​ນີ້ ກໍ​ເພື່ອຫັນເອົາວຽກງານ ການແຂ່ງຂັນ-ຍ້ອງຍໍ ເຂົ້າສູ່ລະບຽບ ​ແລະ ເປັນເອກະພາບໃນທົ່ວປະເທດ.

ຈຸດປະສົງຂອງການຝຶກອົບຮົບຄັ້ງນີ້ ເພື່ອໃຫ້ນັກສຳມະນາກອນໄດ້ເຂົ້າໃຈ ແລະ ກຳແໜ້ນບົດແນະນຳ ເລກທີ 229/ຄຈສພ, ລົງວັນທີ 23/05/2011 ວ່າດ້ວຍ ການເພິ່ມທະວີວຽກງານ ແຂ່ງຂັນ-ຍ້ອງຍໍ ໃນໄລຍະໃໝ່ ແມ່ນໄດ້ປຸກລະດົມປະຊາຊົນລາວບັດາເຜົ່າ, ຊັ້ນຄົນຕ່າງໆ, ພະນັກງານທະຫານ, ຕຳຫລວດ, ນັກຮຽນ, ນັກສຶກສາ, ຊາວໜຸ່ມ-ເຍົາວະຊົນ, ອະນຸຊົນ ປະກອບສ່ວນຢ່າງຕັ້ງໜ້າ ໃນຂະບວນການ ແຂ່ງຂັນ-ຍ້ອງຍໍຮັກຊາດ ແລະ ພັດທະນາ, ເພື່ອສ້າງໃຫ້ພົນລະເມືອງລາວ ໃຫ້ມີສະຕິຊາດ, ສະຕິເອກະລາດ, ເປັນເຈົ້າຕົ້ນເອງ, ມີຈິດໃຈປະຢັດມັດຖະຢັດ, ມີຄວາມດຸໝັ້ນຄົ້ນຄວ້າຮໍ່າຮຽນ, ດຸໝັ້ນໃນການ ອອກແຮ່ງງານ, ຍົກສູງສະຕິຕື່ນຕົວ, ນໍ້າໃຈບຸກບືນ ແລະ ສ້າງໃຫ້ມີຕົວແບບດີກ້າວໜ້າ. ທັງ​ເປັນ​ການຊຸກຍູ້​ສົ່ງ​ເສີມ​ ວຽກດີຄົນເດັ່ນ ໂດຍຜ່ານຂະບວນການແຂ່ງຂັນ ທີ່ມີການຈັດຕັ້ງ,  ມີເນື້ອໃນ, ມີຄາດໝາຍ ສູ່ຊົນຢ່າງຈະແຈ້ງ ​ແລະ ອື່ນໆ.

​ໂອກາດ​ດຽວ​ກັນ, ສຳມະນາກອນຍັງ ໄດ້ເຊື່ອມຊຶມດຳລັດຂອງນາຍົກ ລັດຖະມົນຕີ ສະບັບເລກທີ 121/ນຍ, ລົງວັນທີ 24 ກຸມພາ 2014 ແລະ ຮຽນຮູ້ວິທີ ຂຽນແບບຟອມການຂຽນ ແຜນການແຂ່ງຂັນຕື່ມ​ອີກ.

ຂໍ້ມູນຈາກ: http://kpl.gov.la/detail.aspx?id=27230

ບົດຄວາມໃຫມ່ໆ