ແກ້ບັນຫາ ເວສແຮມສົນດຶງມານຊູຄິດເສີມຄົມ

 

ເດິ ຊັນ ສື່ຂອງອັງກິດລະບຸວ່າ ເວສແຮມ ຢູໄນເຕັດ ໝາຍຫົວ ມາຣິໂອ ມານຊູຄິດ ກອງໜ້າຂອງ ຢູເວັນຕຸດ ເປັນເປົ້າໝາຍໃນການເສີມທັບຊ່ວງເດືອນມັງກອນນີ້ ໂດຍພວກເຂົາຈະຍື່ນຂໍ້ສະເໜີໄປທີ່ປະມານ 18 ລ້ານປອນ.

 

ເວສແຮມ ຢູໄນເຕັດ ສະໂມສອນດັງຂອງ ພຣີເມຍລີກ ກຳນົດໃຫ້ ມາຣິໂອ ມານຊູຄິດ ຫົວຫອກຂອງ ຢູເວັນຕຸດ ເປັນເປົ້າໝາຍການເສີມທັບຂອງພວກເຂົາໃນຕະຫຼາດຊື້ຂາຍນັກເຕະຮອບສອງເດືອນມັງກອນນີ້ ຕາມການລາຍງານຂອງ ເດິ ຊັນ ສື່ຊື່ດັງຂອງອັງກິດ.

 

ມານຊູຄິດ ເຮັດຜົນງານໄດ້ໜ້າປະທັບໃຈກັບທັງ ຢູເວັນຕຸດ ແລະ ທີມຊາດໂຄເອເຊຍໂດຍເຂົາຍິງໄດ້ເຖິງ 9 ປະຕູຈາກ 12 ນັດຫຼັງສຸດທີ່ລົງຫຼິ້ນໃຫ້ “ບຽງໂຄເນຣີ” ແລະ “ກາໝາກລຸກ” ລວມກັນເຊິ່ງ ເວສແຮມ ເຊື່ອວ່າເຂົາຈະຊ່ວຍແກ້ບັນຫາໃນແດນໜ້າໃຫ້ທີມໄດ້.

 

ເຖິງວ່າ ເວສແຮມ ຈະຍິງປະຕິໃນລີກໄປແລ້ວ 13 ລູກແຕ່ບໍ່ມີກອງໜ້າຄົນໃດຂອງທີມທີ່ຍິງໄດ້ເລີຍໂດຍ ຊິໂມເນ ຊາຊາ ກັບ ໂຈນາທານ ກາເຢຣີ ຕາງກໍໂຊຟອມເກັ່ງບໍ່ອອກ ສ່ວນ ແອນດີ ແຄໂຣ ກໍບາດເຈັບຢູ່ເຊິ່ງເຊື່ອກັນວ່າທີມຂອງ ສະລາເວນ ບິລິດ ຈະຍື່ນຂໍ້ສະເໜີປະມານ 18 ລ້ານປອນເພື່ອລ່າໂຕ ມານຊູຄິດ.

 

ທັງນີ້ມີຄວາມເປັນໄປໄດ້ທີ່ ມານຊູຄິດ ຈະຍ້າຍມາຢູ່ກັບ ເວສແຮມ ຄືກັນເພາະເຂົາກັບ ບິລິດ ເຄີຍຮ່ວມງານກັນມາແລ້ວໃນທີມຊາດໂຄເອເຊຍ.