ເຮືອ-ຫົງວ່າຈັ່ງໃດ!!ມ້າລາຍກຽມທຸ່ມເງິນຕັດໜ້າດຶງດາຮູດເສີມທັບ

 

ລີເວີພູ ແລະ ແມນເຊສເຕີ ຊີຕີ ອາດຈະຕ້ອງໃສ່ເກຍໝາເດີນໜ້າດຶງ ມາມູດ ດາຮູດ ມິດຟິວຂອງ ໂບຣຸສເຊຍ ມິວເຊັນກັດບັກ ໄດ້ແລ້ວເມື່ອຫຼ້າສຸດສື່ຕີຂ່າວວ່າ ຢູເວັນຕຸດ ພ້ອມຈົກເງິນປະມານ 13.5 ລ້ານປອນຫວັງຕັດໜ້າ 2 ທີມຜູ້ດີດຶງນັກເຕະຮ່ວມທັບ ຫຼັງຈາກທີ່ນັກເຕະເຮັດຜົນງານໄດ້ດີກັບຕົ້ນສັງກັດໃນເວທີ ບຸນເດສລີກາ.

 

ຢູເວັນຕຸດ ສະໂມສອນຍັກໃຫຍ່ຂອງ ກັນໂຊ ຊີຣີ ອາ ອີຕາລີຕົກເປັນຂ່າວວ່າພວກເຂົາໄດ້ຍື່ນຂໍ້ສະເໜີ 13.5 ລ້ານປອນຫວັງຕັດໜ້າ ລີເວີພູ ກັບ ແມນເຊສເຕີ ຊີຕີ 2 ທີມດັງຂອງ ພຣີເມຍລີກ ດຶງໂຕ ມາມູດ ດາຮູດ ກອງກາງດາວລຸ້ງຂອງ ໂບຣຸສເຊຍ ມິວເຊັນກັດບັກ ທີມດັງຂອງລີກເຢຍລະມັນໃຫ້ໄດ້.

 

ມິດຟິວເຊື້ອສາຍຊີເຣຍໂຊຟອມໄດ້ຢ່າງໜ້າປະທັບໃຈກັບ “ສິ່ງໜຸ່ມ” ໃນເກມ ບຸນເດສລີກາ ແລະ ນັ້ນເຮັດໃຫ້ໄດ້ຮັບຄວາມສົນໃຈຈາກບັນດັນທີມຊັ້ນນຳໃນເວທີເອີຣົບລວມເຖິງ “ເຮືອໃບສີຟ້າ” ກັບ “ຫົງແດງ” ທີ່ຢາກໄດ້ໂຕໄປໄວ້ໃນອ້ອມແຂນ.

 

ຢ່າງໃດກໍຕາມ ຫຼ້າສຸດ “ກັນໂຊ ແມຄາໂຕ້” ສື່ກິລາຊັ້ນນໍາຂອງອີຕາລີອ້າງວ່າ “ມ້າລາຍ” ຫວັງຕັດໜ້າ ລີເວີພູ ແລະ ແມນ ຊີຕີ ດ້ວຍການທຸ່ມເງິນປະມານ 13.5 ລ້ານປອນດຶງ ມາມູດ ດາຮູດ ມາຮ່ວມທີມໃຫ້ໄດ້.

 

ທັງນີ້ ດາຮູດ ຈະມີຄ່າໂຕເຫຼືອພຽງແຕ່ປະມານ 8.4 ລ້ານປອນໃນຊ່ວງຊຳເມີປີໜ້າຕາມເງື່ອນໄຂໃນສັນຍາຂອງນັກເຕະກັບ ກັດບັກ.