ເຮືອໃບພ້ອມຍື່ນ 60 ລ້ານດຶງອະເລັກຊິສເສີມທັບ

 

ແມນເຊສເຕີ ຊີຕີ້ ຕົກເປັນຂ່າວກຽມຍື່ນ 60 ລ້ານປອນຂໍຊື້ ອະເລັກຊິສ ຊານເຊດ ດາວຍິງຂອງ ອາເຊນອນ ໃນຊຳເມີນີ້ ຫຼັງນັກເຕະເຫຼືອສັນຍາກັບ “ປືນໃຫຍ່” ອີກພຽງລະດູການດຽວເທົ່ານັ້ນ ແລະ ບໍ່ມີທ່າທີວ່າຈະຕໍ່ອອກໄປ.

ແມນ ຊີຕີ້ ຕົກເປັນຂ່າວກັບສະຕາທີມຊາດຊີລີມາຕະຫຼອດໃນຊ່ວງຊຳເມີນີ້ແຕ່ວ່າ ອາແຊນ ເວນເກີ ຜູ່ຈັດການທີມ ອາເຊນອນ ກໍຍັງເວົ້າວ່ານັກເຕະບໍ່ໄດ້ມີໄວ້ຂາຍ ໂດຍປັດຈຸບັນອະນາຄົດຂອງນັກເຕະເຕັມໄປດ້ວຍຄວາມບໍ່ແນ່ນອນ ເນື່ອງຈາກວ່າເຫຼືອສັນຍາກັບທີມພຽງປີດຽວເທົ່ານັ້ນ ແລະ ບໍ່ມີທ່າທີວ່າຈະຕໍ່ອອກໄປແຕ່ຢ່າງໃດ.

ເດິ ເທເລກຣາບ ລາຍງານວ່າ ແມນ ຊີຕີ້ ພ້ອມທີ່ຈະຍື່ນຂໍ້ສະເໜີຄັ້ງສຸດທ້າຍໃນລາຄາ 60 ລ້ານປອນ ແລະ ພວກເຂົາກໍຍິນດີທີ່ຈະຍອມມອບຄ່າເມື່ອຍໃຫຍ່ກັບນັກເຕະເຖິງອາທິດລະ 400,000 ປອນ.

ອະເລັກຊິສ ບໍ່ໄດ້ລົງຫຼິ້ນໃຫ້ກັບ ອາເຊນອນ ໃນເກມນັດເປີດລະດູການ ພຣີເມຍລີກ ທີ່ເອົາຊະນະ ເລສເຕີ ຊີຕີ້ 4-3 ເມື່ອວັນສຸກທີ່ຜ່ານມາ ເນື່ອງຈາກວ່າມີບັນຫາອາການບາດເຈັບ ແລະ ຄາດວ່າຈະບໍ່ໄດ້ຫຼິ້ນໃນເກມຢາມ ສະໂຕກ ຊີຕີ້ ໃນວັນເສົານີ້ເຊັ່ນກັນ.

 

ບົດຄວາມໃຫມ່ໆ