ເຮືອບິນສາຍການບິນ ຂອງເນເທີແລນ ຕ້ອງລົງຈອດສຸກເສີນ

ເຮືອບິນ ລົງຈອດສຸກເສີນ! ມີຄົນຜິດຖຽງກັນເທິງຍົນ ຍ້ອນມີຜູ້ໂດຍສານ ”ຕົດ” ບໍ່ຢຸດບໍ່ເຊົາ


ເຮືອບິນສາຍການບິນ ຂອງເນເທີແລນ ຕ້ອງລົງຈອດສຸກເສີນ ເມືອຜູ້ໂດຍສານຄົນໜຶ່ງຕົດບໍ່ຢຸດ ເຮັດໃຫ້ຜູ້ໂດຍສານຄົນອື່ນບໍ່ພໍໃຈ ຈົນເກີດການຜິດຖຽງກັນຂື້ນ


ສຳນັກຂ່າວການຕ່າງປະເທດລາຍງານວ່າ ເຮືອບິນໂດຍສານຂອງສາຍການບິນ ທຣານຊາເວຍ ແອໄລນ໌ສ ຂອງເນເທີແລນ ຕ້ອງລົງຈອດສຸກເສີນທີ່ ກຸງວຽນນາ ຂອງປະເທດ ອອສເຕຣຍ ຂະນະກຳລັງເດີນທາງຈາກນະຄອນ ດູໃບ ໃນສະຫະລັດເອມີເຣດ ໄປຍັງກຸງອຳສະເຕີດຳ ຫຼັງຈາກຜູ້ໂດຍສານຜິດຖຽງກັນເນື່ອງຈາກທີ່ຜູ້ຊາຍຄົນໜຶ່ງປ່ອຍລົມ ບໍ່ຢຸດ
ຕາມການລາຍງານຂອງສຳນັກຂ່າວ ມີເຣີ ໂຄສົກຕຳຫຼວດ ອອສເຕຣຍ ຢືນຢັນວ່າຜູ້ໂດຍສານຄົນໜຶ່ງເຊິ່ງຕົດອອກຢ່າງຕໍ່ເນື່ອງ ໂດຍບໍ່ພະຍາຍາມຄວບຄຸມຕົນເອງ ເຊິງເປັນຕົ້ນເຫດຂອງບັນຫາ ເຈົ້າໜ້າທີ່ຈຶ່ງຄວບຄຸມຊາຍຊາວດັດ ທັງສອງຄົນ ແລະ 2 ສາວພີ່ນ້ອງທີ່ນັ່ງຢູ່ໃນແຖວດຽວກັນ ລົງຈາກເຄື່ອງບິນ ໂດຍບໍ່ຮູ້ແນ່ຊັດວ່າເກີດຍັງຂື້ນກັບລາວທີ່ຕົດບໍ່ຢຸດ
ທຣານຊາເວຍ ແອໄລນ໌ສ ລະບຸດ້ວຍວ່າທັງສີ່ຄົນ ຖືກສົ່ງລົງຈາກເຮືອບິນ ເຂົາຍັງຖືກຕ້ອງຫ້າມຈາກໂດຍສານເຮືອບິນຂອງພວກເຂົາ ແລະ ຕ້ອງຊອກຫາທາງເດີນທາງຕໍ່ຈາກ ກຸງວຽນນາ ໄປຍັງ ກຸງອຳສະເຕີດຳ ຂອງເນເທີແລນດ້ວຍວິທີອື່ນ