ເຮືອ­ບິນຂອງຣັດເຊຍ ຖືກຍິງຕົກຢູ່ໃນຊີຣີ


ແຫຼ່ງຂ່າວ Sputnik ອ້າງຕາມຂໍ້ມູນຈາກພາກ­ສ່ວນສື່ມວນຊົນຂອງກະ­ຊວງປ້ອງກັນປະ­ເທດຣັດເຊຍ ແຈ້ງໃຫ້ຮູ້­ເມື່ອວັນທີ 1 ສິງ­ຫານີ້ວ່າ: ເຮືອ­ບິນເອລີກອບ ແຕ Mi-8 ຂອງຣັດເຊຍລຳໜຶ່ງ ພ້ອມດ້ວຍນັກບິນ 3 ຄົນ ແລະ ພົນ­ທະ­ຫານ 2 ຄົນ ໄດ້ຖືກຍິງຕົກ ໃນວັນທີ 1 ສິງ­ຫາ ຢູ່ໃນແຂວງອິດລິບຂອງຊີຣີ ຊຶ່ງປັດ­ຈຸ­ບັນນີ້ພື້ນທີ່ດັ່ງ­ກ່າວຄວບຄຸມໂດຍຝ່າຍກະ­ບົດ.

ສຳ­ນັກຂ່າວ­ສານ Interfax ລາຍງານວ່າ ເຫດ­ການດັ່ງ­ກ່າວເກີດຂຶ້ນໃນຂະ­ນະທີ່ເຮືອ­ບິນລຳນັ້ນຂົນ­ສົ່ງເຄື່ອງຊ່ວຍ­ເຫຼືອມະ­ນຸດສະທຳໄປຍັງເມືອງອາເລັບໂປ ແລະ ພວມຢູ່ລະ­ຫວ່າງການ­ບິນກັບຖານທັບອາ­ກາດຂອງຣັດເຊຍ ຢູ່ໃນຊີຣີ.

ຕໍ່ມາເລ­ຂາ­ທິ­ການຝ່າຍສື່ມວນຊົນຂອງປະ­ທາ­ນາ­ທິ­ບໍ­ດີຣັດເຊຍ ແຈ້ງໃຫ້ຮູ້ວ່າ: ວັງແກຣມແລັງ ໄດ້ສະ­ແດງຄວາມເສຍໃຈຢ່າງເລິກ­ເຊິ່ງໄປຍັງຍາດ­ຕິພີ່­ນ້ອງຂອງນາຍທະ­ຫານຣັດເຊຍ ທີ່ໄດ້ເສຍຊີ­ວິດຈາກເຫດ­ການເຮືອ­ບິນຖືກຍິງໂຈມຕີດັ່ງ­ກ່າວ.

ໃນອີກເຫດ­ການໜຶ່ງ ທ່ານ ວາລາດີເມຍ ໂປຼດນິກອບ ຜູ້ອຳ­ນວຍການສູນຊອກຫາກູ້ໄພທີ່ຂຶ້ນກັບແຂວງຊີເບເຣຍຂອງຣັດເຊຍ ແຈ້ງໃຫ້ຮູ້ໃນວັນທີ 1 ສິງ­ຫານີ້ວ່າ 3 ຄົນຢູ່ໃນຈຸບິນຂອງເຮືອ­ບິນ An-2 ທີ່ໄດ້ຫາຍສາບສູນໄປເມື່ອວັນທີ 31 ກໍ­ລະ­ກົດທີ່ຜ່ານມາ ໄດ້ເສຍຊີວິດທັງໝົດ.

ກ່ອນໜ້ານີ້ ໃນວັນທີ 31 ກໍລະກົດ ເຮືອ­ບິນດັ່ງ­ກ່າວປະ­ຕິ­ບັດພາ­ລະ­ກິດໂດຍບິນຂຶ້ນຈາກເມືອງເບດສກ໌ ໃນເຂດໂນໂວຊີບຽກ ໄປຍັງກຣາສໂນຢາສກ໌ ແຕ່ໄດ້ຫາຍສາບສູນໄປຢູ່ໃນບໍ­ລິ­ເວນສາຍ­ພູອາບາໂວຕາ ຫ່າງຈາກບ້ານກຣາປີວິນສກີປະ­ມານ 40 ກມ.

========================

ພາບແລະຂ່າວຈາກ: Pathedlao Lao