ເຮັດ​ສະ​ປາ​ທັງ​ທີ​ຕ້ອງ​ໃຫ້​ເໝາະ​ກັບ​ກຣຸ໊ບ​ເລືອດ​

ຕໍ່ໄປ​ນີ້​ເວລາ​ໄປ​ເຮັດ​ສະ​ປາ​ຢ່າ​ລືມ​ແຈ້ງ​ກຣຸ໊ບ​ເລືອດ​ໃຫ້​ຊ່າງ​ທ່ານ​ຮູ້​ດ້ວຍ​ ແລ້ວ​ເຈົ້າ​ຈະ​ໄດ້​ການ​ບໍລິການ​ທີ່​ດີ​ຕໍ່​ສຸຂະພາບ​ຍິ່ງກວ່າເກົ່າ.​

ເລືອດ​ກຣຸ໊ບ​ເອ​ ລຳ​ໄສ້​ຂອງ​ຊາວ​ກຣຸ໊ບ​ເອ​ບໍ່​ຄ່ອຍ​ຈະ​ແຂງ​ແຮງ​ ຍ່ອຍ​ຊີ້ນ​ສັດ​ໄດ້​ບໍ່​ດີ​ ຜົນຜວງ​ຈາກ​ການ​ເຮັດ​ວຽກງານ​ໜັກ​ເກີນ​ໄປ​ເຮັດໃຫ້​ເລືອດ​ໄຫຼ​ວຽນ​ມາ​ລ້ຽງ​ລຳ​ໄສ້​ໄດ້​ຊ້າແລະ​ມີ​ໂອ​ກາດ​ຈະ​ເປັນ​ມະ​ເຮັງ​ລຳ​ໄສ້​ໃນໄລຍະຍາວ​ ເວລາ​ໄປ​ສະ​ປາ​ສາວ​ໆ​ ກຣຸ໊ບ​ເອ​ຈຶ່ງ​ຕ້ອງ​ບໍ່​ລືມ​ບອກ​ພ​ະນັກ​ງານ​ນວດ​ໃຫ້​ນວດ​ບໍລິເວນ​ທ້ອງ​ຫລາຍ​ໆ​ ເນັ້ນ​ແຖວ​ລຳ​ໄສ້​ໃຫຍ່​ເພື່ອ​ຊ່ວຍ​ໄລ່​ລົມ​ແລະ​ຫຼຸດ​ກົດ​ໃນ​ກະ ເພາະ​ ພໍ​ເຮັດ​ສຳເລັດ​ຈະ​ຮູ້ສຶກ​ໄດ້​ເລີຍ​ວ່າ​ທ້ອງ​ໂລ່ງ​ຂຶ້ນ​ແລະ​ຊ່ວຍ​ແກ້​ບັນຫາ​ທ້ອງ​ຜູກ​ໄດ້​ດ້ວຍ.​

ສະຄັບ​ທີ່​ເໝາະ​ກັບ​ເຈົ້າ​ : ຄຣີມ​ສະຄັບ​ທີ່​ເໝາະ​ກັບ​ເຈົ້າ​ຄວນ​ມີ​ສ່ວນ​ປະສົມ​ຂອງ​ຫມາກໄມ້​ທີ່​ມີ​ກົດ​ວິ​ຕາ​ມິນ​ ຄືມະ​ກູດ, ໝາກກ້ຽງ​ ໂຮດ​ແມ​ຮີ​ແລະ​ຢູ​ຄາ​ລິບ​ຕັດ​ ນວດ​ແລ້ວ​ຈະ​ເຮັດໃຫ້​​ຜ່ອນ​ຄາຍ​ ລຳ​ໄສ້​ເປັນ​ອະໄວຍະວະ​ທີ່​ໄວ​ຕໍ່​ຄວາມ​ຮູ້ສຶກ​ຫລາຍ​ ຖ້າ​ເຈົ້າ​ຮູ້ສຶກ​ດີ​ ລຳ​ໄສ້​ຈະ​ເຮັດວຽກ​ດີ​ໄປ​ດ້ວຍ​ໂດຍ​ອັດ​ຕະໂນ​ມັດ​ ທີ່​ສຳຄັນ​ຮ່າງກາຍ​ຂອງ​ຊາວ​ກຣຸ໊ບ​ເອ​ເໝາະ​ກັບ​ສາ​ຫ່າຍ​ແລະ​ສານ​ສະ​ກັດ​ຈາກ​ຜົງ​ກາເຟສຸດ​ໆ​ ຄອນ​ເ​ຟິ​ມ​ວ່າ​ຕ້ອງ​ບອກ​ພະ​ນັກ​ງານ​ໃຫ້​ປະສົມ​ລົງ​ໄປ​ໃນ​ສະຄັບ​ດ້ວຍ​ ຜິວ​ພັນ​ຈະ​ໄດ້​ງາມ​ນຽນ​ໃສ​.​

ເລືອດ​ກຣຸ໊ບ​ບີ​ ຄົົນທີ່​ມີ​ເລືອດ​ກຣຸ໊ບ​ນີ້​ກັບ​ພະຍາດ​ພູ​ມແພ້​ເປັນ​ຂອງ​ຄູ່​ກັນ​ ຈຶ່ງ​ຕ້ອງ​ເນັ້ນ​ການ​ນວດ​ແບບ​ຜ່ອນ​ຄາຍ​ກ້າມເນື້ອ​ເພື່ອ​ໃຫ້​ເລືອດ​ໄຫຼ​ວຽນ​ໄປ​ລ້ຽງ​ຮ່າງ​ກາຍ​ທຸກ​ສ່ວນ​ ຈະ​ເຮັດໃຫ້​ລະບົບ​ຕ່າງ​ໆ​ແຂງ​ແຮງ​ຂຶ້ນ.​

ສະຄັບ​ທີ່​ເໝາະ​ກັບ​ເຈົ້າ​ : ຢ່າ​ລືມ​ໃສ່​ສານ​ສະ​ກັດ​ຈາກ​ຊາ​ຂຽວ​ລົງ​ໄປ​ໃ​ນຄຣີມ​ ເພາະ​ຊາ​ຂຽວ​ມີ​ສານ​ຕ້ານ​ອ​ະນຸ​ມູນ​ອິດສະຫລະ​ທີ່​ຈະ​ຊ່ວຍ​ຫຼຸດ​ການ​ຕິດ​ເຊື້ອ​ໄວ​ຣັດ​ແລະ​ສ້າງ​ພູ​ມຄຸ້ມ​ກັນ​ໃຫ້​ຜິວ​ເຈົ້າ​ຍິ່ງ​ຖ້າ​ເພີ່ມ​ສານ​ສະ​ກັດ​ຈາກ​ໂສມ​ເຂົ້າໄປ​ກໍ​ຈະ​ຍິ່ງ​ຊ່ວຍ​ກະຕຸ້ນ​ການ​ໄຫຼ​ວຽນ​ເລືອດ​ໄດ້​ອີກ​ທາງ​ໜຶ່ງ​ ບາດ​ນີ້​​ພູ​ມແພ້​ອາດຈະ​ຕ້ອງ​ພ່າຍແພ້​.

ເລືອດ​ກຣຸ໊ບ​ໂອ​ ລຳ​ໄສ້​ຂອງ​ຄົນ​ກຣຸ໊ບ​ໂອ​ຍ່ອຍ​ໂປຼຣ​ຕິນ​ຈາກ​ນົມ,​ ຖົ່ວ​ ແລະ​ທັນຍະ​ພືດ​ໄດ້​ບໍ່​ດີ​ນັກ​ ກິນ​ເມື່ອໃດ​ເປັນ​ຕ້ອງ​ທ້ອງ​ອືດ​ໃຫ້​ອຶດ​ອັດ​ລຳຄານ​ ຈຶ່ງ​ຕ້ອງ​ເຮັດ​ສະ​ປາ​ຄອບຄູ່​ໄປ​ກັບ​ການ​ກົດ​ຈຸດ​ຕ່າງ​ໆ​ ທີ່​ຝ່າ​ຕີນ​ດ້ວຍ​ (ພ​ະນັກ​ງານ​ສະ​ປາ​ສ່ວນ​ໃຫຍ່​ກົດ​ຈຸດ​ຝ່າ​ຕີນ​ເປັນ​ກັນ​ທຸກ​ຄົນ​ພຽງ​ບອກ​​) ຈະ​ໄດ້​ປັບ​ສົມ​ດຸນ​ໃນ​ຮ່າງກາຍ​ແລະ​ຂັບ​ສານ​ພິດ​ທີ່​ສະ​ສົມ​ໄວ້​ໃຕ້​ຜິວ​ໜັງ​ອອກ​ມາ.​

ສະຄັບ​ທີ່​ເໝາະ​ກັບ​ເຈົ້າ​ : ຊາວ​ກຣຸ໊ບ​ໂອ​ມັກ​ຈະ​ເປັນ​ຄົນ​​ສິ່ງ​ໄຮ​ເປີຫຼາຍ​ ມັກ​ເຮັດວຽກ​ມີ​ຄວາມ​ຄຽດ​ເປັນ​ເພື່ອນ​ຄູ່​ກາຍ​ ຈຶ່ງ​ຕ້ອງ​ໃຊ້​ຄຣີມ​ທີ່​ມີ​ສ່ວນ​ປະສົມ​ຈາກ​ລາ​ເວນ​ເດີ​ ຊຶ່ງ​ເປັນ​ຕົວ​ແມ່​ໃນ​ເລື່ອງ​ການ​ບຳ​ບັດ​ອາລົມ​ຊ່ວຍ​ໃຫ້​ຈິດ​ໃຈ​ຜ່ອນ​ຄາຍ​ແລະ​ກຳຈັດ​ພະຍາດ​ນອນ​ບໍ່​ຫຼັບ​ໃຫ້​ເຈົ້າ​ໄປ​ໃນ​ຕົວ​

ເລືອດ​ກຣຸ໊ບ​ເອ​ບີ​ ຄົົນທີ່​ມີ​ເລືອດ​ກຣຸ໊ບ​ເອ​ບີ​ຈະ​ມີ​ອາການ​ຄ້າຍ​ຊາວ​ກຣຸ໊ບ​ເອ​ກັບ​ບີ​ຢ່າງ​ລະ​ນິດ​ຢ່າງ​ລະ​ໜ່ອຍ​ ເຊັ່ນ​ຈະ​ຍ່ອຍ​ເນື້ອ​ສັດ​ບໍ່​ຄ່ອຍ​ໄດ້​ ສ່ວນ​ອາຫານ​ທະ​ເລ​ກໍ່​ກິນ​ໄປ​ແພ້​ໄປ​ ຈຶ່ງ​ຕ້ອງ​ນວດ​ແບບ​ກະຕຸ້ນ​ການ​ໄຫຼ​ວຽນ​ຂອງ​ເລືອດ​ ເນັ້ນ​ບໍລິເວນ​ລຳ​ໄສ້​ຫລາຍ​ໆ​ແລະ​ໃນ​ຊີວິດ​ປະຈຳ​ວັນ​ກໍ່​ຄວນ​ຂະຫຍັນ​ກິນ​ຜັກ​ຫລື​ອາຫານ​ມັງ​ສະ​ວິ​ຮັສ​ເປັນ​ຫຼັກ​ ຈະ​ຊ່ວຍ​ໃຫ້​ແຂງ​ແຮງ.

ສະຄັບ​ທີ່​ເໝາະ​ກັບ​ເຈົ້າ​ : ຢ່າ​ເບີ່ງ​ຂ້າມ​ສານ​ສະ​ກັດ​ຈາກ​ເຂົ້າ​ໂອ໊ດ​ ເພາະ​ຜິວ​ຂອງ​ສາວ​ໆ​ ກຣຸ໊ບ​ເອ​ບີ​ມັກ​ຈະ​ແຫ້ງ​ຈຶ່ງ​ຕ້ອງ​ໃຊ້​ສານ​ອາຫານ​ເຂັ້ມ​ຂຸ້ນ​ຈາກ​ເຂົ້າ​ໂອ໊ດ​ເຂົ້າ​ມາ​ຊ່ວຍ​ ຖ້ານ​ວດ​ເລື້ອຍໆ​ ຮອຍ​ແຜ​ແລະ​ຈຸດ​ດ່າງ​ດຳ​ເທິງ​ຕົວ​ເຈົ້າ​ຫຼຸດລົງ​ ນັ້ນ​​ປະໂຫຍດ​ດີ​ໆ​ ຂອງ​ເຂົ້າ​ໂອ໊ດ​.​
=======================================================================================================