ເຮັດໄປເພາະໃຈຮັກ ມະຫາເສດຖີໜຸ່ມຈິນ ຂັບລົດຫຼູສົ່ງອາຫານ

 ເຮັດໄປເພາະໃຈຮັກ ມະຫາເສດຖີໜຸ່ມຈິນ ຂັບລົດຫຼູສົ່ງອາຫານ

ຖ້າເວົ້າເຖິງເດັກສົ່ງພິດຊ້າ ຫຼືພະນັກງານສົ່ງອາຫານກໍ່ຕາມແຕ່ ເຮົາຄົງຄິດເຖິງເດັກໜຸ່ມຂີ່ລົດຈັກມີກ່ອງພິດຊ້າດ້ານຫຼັງ ແລ້ວຕ້ອງເຮັດເວລາໃຫ້ທັນຕາມທີ່ລູກຄ້າສັ່ງ ໃນສະພາບທີ່ອິລຸງຕຸງນັງ

ແຕ່ໃຜຊິຄິດວ່າມີຄົນສົ່ງອາຫານແບບນີ້ດ້ວຍ ຢ່າງທີ່ເວັບໄຊມິເຣີ້ຂອງອັງກິດເອົາຮູບມານຳສະເໜີໃຫ້ເບິ່ງ ຈາງຟ່ານ ອາພິມະຫາເສດຖີໜຸ່ມຄົນຈີນ ອາຍຸ 27 ປີ ເຈົ້າຂອງບໍລິສັດຮັບຈັດງານແຕ່ງງານ ທີ່ເຖິງຈະມີເງິນຢູ່ຫຼວງຫຼາຍກ່າຍກອງ ແຕ່ກໍ່ຍັງມີວຽກອາດິເຣັກເຮັດຄື ເປັນຄົນສົ່ງອາຫານ ທັ້ງເຄື່ອງດື່ມ ຂະໜົມກິນຫຼີ້ນ ຫຼື ອາຫານຟາດຟູ້ດ ເຖິງຈະບໍ່ໄດ້ຄ່າຈ້າງ ແຕ່ໜຸ່ມຈາງບອກວ່າເຮັດເພື່ອຄວາມສຸກແລະເພື່ອວັດຄວາມສົນໃຈຂອງຄົນອີກດ້ວຍ

ທຸກໆຄັ້ງຈາງຈະໄຊ້ລົດເກ໋ງ ໂຣສ-ຣອຍສຸດຫຼູ ລາຄາຄັນລະ 1 ລ້ານປອນ ໄປສົ່ງອາຫານໃຫ້ລູກຄ້າແຕ່ກໍ່ຈະມີບາງຄັ້ງທີ່ສະລັບໄຊ້ລົດຫຼູຂອງໝູ່ເສດຖີນຳກັນໄປສົ່ງ ໂດຍຈາງບອກວ່າຖືເປັນປະສົບການທີ່ໜ້າສົນໃຈ ເພາະເຮັດໃຫ້ເຂົາໄດ້ເຈິຄົນຫຼາກຫຼາຍຮູບແບບ ອີກທັງກະແສຕອບຮັບໃນອິນເຕີເນັດຍັງດີເກີນຄາດ ເນື່ອງຈາກຫຼາຍຄົນຈະຕີດໃຈໃນຄວາມແປກໃໝ່ທີ່ສົ່ງສິນຄ້າກັນໃນລົດຫຼູ