ເອເຢນເຜີຍ ເລວານຖົກສັນຍາໃໝ່ກັບເສືອໃຕ້ແລ້ວ

 

ເອເຢັນເຜີຍ ໂລເບີດ ເລວານດອບສະກີ ກອງໜ້າ ບາເຢິນ ມິວນິກ ໄດ້ເລີ່ມສົນທະນາເລື່ອງສັນຍາໃໝ່ກັບສະໂມສອນແລ້ວ ພ້ອມປະຕິເສດຂ່າວລືທີ່ ເຣອັນ ມາດຣິດ ແລະ ປາຣີ ແຊັງ-ແຊັກແມັງ ຕິດຕໍ່ຂໍດຶງໂຕໄປຮ່ວມທັບ.

 

ເຊຊາຣີ ຄູຊາສກີ ນາຍໜ້າຂອງ ໂລເບີດ ເລວານດອບສະກີ ຫົວຫອກຂອງ “ເສືອໃຕ້” ບາເຢິນ ມິວນິກ ສະໂມສອນຍັກໃຫຍ່ຈາກ ບຸນເດສລີກາ ອອກມາເຜີຍເມື່ອວັນຈັນທີ 8 ກຸມພາທີ່ຜ່ານມາວ່າ ນັກເຕະໃນຄວາມດູແລຂອງເຂົາໄດ້ເລີ່ມຕົ້ນລົມກັບຕົ້ນສັງກັດກ່ຽວກັບການຕໍ່ສັນຍາສະບັບໃໝ່ແລ້ວ.

 

ດາວເຕະທີມຊາດໂປແລນຕົກເປັນຂ່າວເລື່ອງການຍ້າຍທີມກັບ ເຣອັນ ມາດຣິດ ແລະ ເປເອັດເຊ ໃນຊ່ວງຈົບລະດູການນີ້ ຂະນະທີ່ ຄາ-ໄຮ ຣຸມເມນິເກ ຊີອີໂອຂອງ ບາເຢິນ ເຜີຍວ່າພວກເຂົາເລັງດຶງໂຕ ກອນຊາໂລ ຮີກວາອິນ ດາວຍິງ ນາໂປລີ ເຂົ້າມາເສີມທັບໃນຊ່ວງຊຳເມີນີ້.

 

ຢ່າງໃດກໍດີ ລ່າສຸດ ຄູຊາສກີ ໄດ້ອອກມາປະຕິເສດທັງ ເຣອັນ ມາດຣິດ ແລະ ເປເອັດເຊ ບໍ່ໄດ້ຕິດຕໍ່ຂໍຊື້ຕົວເຂົ້າມາໃນຊ່ວງເດືອນມັງກອນ ແລະ ຕອນນີ້ກໍມີການເຈລະຈາກັບ ບາເຢິນ ກ່ຽວກັບການຢູ່ໃນຖິ່ນ ອະລິອັນ ອາລິນາ ຕໍ່ໄປ.

 

“ແມ່ນ ເຮົາເລີ່ມລົມກັນແລ້ວຂ້ອຍສາມາດຢືນຢັນເລື່ອງນີ້ໄດ້ ຂ້ອຍຈະບໍ່ເວົ້າເຖິງລາຍລະອຽດເພາະມັນເປັນຄວາມລັບ ເຣອັນ ມາດຣິດ ບໍ່ໄດ້ມີການລົມເລື່ອງການຊື້ໂຕ ມັນເປັນພຽງຂ່າວລືກັບ ໂຣເບີດ ເລວານດອບສະກີ ສະແດງໃຫ້ເຫັນວ່າເຂົາເປັນນັກເຕະທີ່ດີປານໃດ ເຂົາບໍ່ແມ່ນພຽງແຕ່ເປັນຄົນຮູ້ຈັກໃນ ໂປແລນ ຫຼື ເຢຍລະມັນ ແຕ່ເປັນທີ່ຮູ້ຈັກທົ່ວເອີຣົບ”.

 

“ມັນບໍ່ມີການລົມກັບ ເປເອັດເຊ ພວກອັງກິດຂຽນເຖິງສະໂມສອນອັງກິດ ພວກຝຣັ່ງຂຽນເຖິງສະໂມສອນຝຣັ່ງ ພວກສະເປນຂຽນເຖິງສະໂມສອນ ສະເປນ ແລະ ພວກອີຕາລີກໍເຊັ່ນກັນ ໃນແຕ່ລະປະເທດມີສະໂມສອນຂັ້ນເທບທີ່ຕົກເປັນຂ່າວກັບ ເລວານ”.

 

“ແຕ່ ເລວານ ຢູ່ກັບທີມທີ່ເໝາະກັບເຂົາ ແລະ ມັນບໍ່ຈຳເປັນຕ້ອງປ່ຽນແປງຫຍັງທັງນັ້ນ ຂ້ອຍຮູ້ວ່າ ຣຸມເມນິກເກ ຮູ້ວ່າ ເລວີ ເປັນນັກເຕະທີ່ດີເຊິ່ງມີຄຸນຄ່າຢ່າງຍິ່ງສຳລັບ ບາເຢິນ ແລະ ນັກເຕະຄວນທີ່ຈະໄດ້ລາງວັນຕອບແທນແບບໃດ” ກູຊາສກີ ກ່າວ.

 

ສຳລັບ ເລວານດອບສະກີ ຍິງໄປແລ້ວ 27 ເມັດຈາກ 29 ນັດໃນທຸກລາຍການກັບ ບາເຢິນ ໃນລະດູການນີ້.

 

ບົດຄວາມໃຫມ່ໆ