ເອເຢນເຜີຍວ່າແຕສະເຕເກັ້ນພ້ອມເຊັນສັນຍາສະບັບໃໝ່ກັບບາຊາ

 

ນາຍໜ້າຂອງ ມາກ ອັນເດຣ ແຕ ສະເຕເກັ້ນ ມືກາວຂອງ ບາເຊໂລນາ ຮັບນາຍທະວານເລືອດເບຍຫວັງຂະຫຍາຍສັນຍາກັບຕົ້ນສັງກັດອອກໄປອີກຈາກສັນຍາເກົ່າທີ່ມີອາຍຸເຖິງປີ 2019 ຫຼັງຈາກໄດ້ຂຶ້ນມາເປັນມືໜຶ່ງຂອງ ບາຊາ ຢ່າງເຕັມຕົວໃນລະດູການນີ້.

 

ເກິດ ຟອມ ບຣູດ ນາຍໜ້ານຂອງ ມາກ ອັນເດຣ ແຕ ສະເຕເກັ້ນ ຜູ້ຮັກສາປະຕູຂອງ ບາເຊໂລນາ ສະໂມສອນຍັກໃຫຍ່ຈາກ ລາ ລີກາ ສະເປນ ອອກມາເປີດເຜີຍວ່າ ນັກເຕະໃນຄວາມດູແລຂອງຕົນພ້ອມທີ່ຈະຂະຫຍາຍສັນຍາຢູ່ຫຼິ້ນໃນຖິ່ນ ແຄັມນູ ຕໍ່ໄປ.

 

ນາຍດ່ານເລືອດເບຍຕົກເປັນຂ່າວວ່າອາດຈະຍ້າຍອອກຈາກຕົ້ນສັງກັດເມື່ອຊ່ວງຊຳເມີທີ່ຜ່ານມາ ຫຼັງຈາກເປັນຕົວສຳຮອງຂອງ ເຄລາດິໂອ ບາໂວ້ ເມື່ອລະດູການ 2015-2016 ແຕ່ຫຼັງຈາກທີ່ ບາໂວ້ ຍ້າຍໄປຢູ່ກັບ ແມນເຊສເຕີ້ ຊີຕີ້ ເຮັດໃຫ້ ແຕ ສະເຕເກັ້ນ ຂຶ້ນມາເປັນມື 1 ຂອງ ບາຊາ ໂດຍມີ ຢາສເປີ້ ຊິວເລສເຊັ້ນ ມືກາວໂຮນລັງລໍຖ້າບຽດຕຳແໜ່ງ.

 

ດ້ວຍເຫດນີ້ຫຼ້າສຸດ ຟອມ ບຣູດ ອອກມາເປີດເຜີຍວ່າມີສະໂມສອນໃຫຍ່ບາງທີມຢາກເຊັນສັນຍາດຶງເຂົາໄປຮ່ວມທັບ ແຕ່ຫຼັງຈາກທີ່ ແຕ ສະເຕີເກັ້ນ ເລີ່ມຕົ້ນລະດູການມື 1 ເຂົາກໍຫວັງທີ່ຈະຂະຫຍາຍສັນຍາກັບ ບາເຊໂລນາ ໂດຍລະບຸວ່າ “ເຂົາຢາກຫຼິ້ນຫຼາຍຂຶ້ນ ແລະ ມີສະໂມສອນໃຫຍ່ບາງສະໂມສອນສົນໃຈໃນໂຕເຂົາ ບາຊາ ບອກວ່າບໍ່ມີທາງທີ່ພວກເຂົາຈະປ່ອຍເຂົາອອກໄປ ແລະ ເຮົາກໍຍອມຮັບໃນເລື່ອງນັ້ນ”.

 

“ຕອນນີ້ ມາກ ຢູ່ໃນສະຖານະການທີ່ເຂົາໄດ້ຕັ້ງເປົ້າໝາຍຂອງຕົນເອງ ໄດ້ເປັນຕົວຈິງໃນເກມລີກ ແລະ ເກມເອີຣົບ ຄວາມຄິດເຫັນຂອງ ໂຈເຊບ ມາເຣຍ ບາໂຕເມວ (ປະທານສະໂມສອນ ບາເຊໂລນາ) ເປັນສັນຍານທີ່ດີ ແລະ ເຂົາເບິ່ງເຫັນຕົນເອງຕໍ່ສັນຍາສະບັບໃໝ່ກັບ ບາຊາ ໄດ້” ແຕ ສະເຕເກັ້ນ ກ່າວ.

 

ບົດຄວາມໃຫມ່ໆ