ເອເຢນເຕືອນອັດຊູຣາບໍ່ງ່າຍທີ່ຈະໄດ້ເອເຣຣາຮ່ວມທັບ

 

ນາຍໜ້າຂອງ ເອັກຕໍ ເອເຣຣາ ມິດຟິິວຂອງ ເອຟຊີ ປໍໂຕ ອອກມາເຕືອນ ນາໂປລີ ຕ້ອງເຈິກັບງານຊ້າງໃນການລ່າຕົວນັກເຕະແນ່ນອນ ຫຼັງຈາກ ເມົາຣິຊິໂອ ຊາຣີ ນາຍໃຫຍ່ຂອງ “ອັດຊູຣາ” ອອກມາຮັບວ່າຕ້ອງການນັກເຕະມາເສີມທັບໃນຊ່ວງຊຳເມີນີ້.

 

ມາຕິສ ບັນເກ ຊາຣາເວຍ ນາຍໜ້າຂອງ ເອັກຕໍ ເອເຣຣາ ກອງກາງຂອງ ເອຟຊີ ປໍໂຕ ສະໂມສອນດັງໃນລີກປັອກຕຸຍການມາເຕືອນ ນາໂປລີ ສະໂມສອນຊັ້ນນຳຂອງ ກັນໂຊ ຊີຣີ ອາ ວ່າບໍ່ແມ່ນເລື່ອງງ່າຍແນ່ນອນທີ່ຈະດຶງໂຕນັກເຕະໃນຄວາມດູແລຂອງຕົນໄປເສີມທັບຊ່ວງຊຳເມີນີ້.

ເມົາຣິຊິໂອ ຊາຣີ ນາໃຫຍ່ຂອງ ນາໂປລີ ໄດ້ບອກກັບແຟນບານວ່າເຂົາຢາກໄດ້ນັກເຕະທີມຊາດແມັກຊິໂກຫຼາຍກວ່າ ອັກເຊວ ວິດເຊວ ກອງກາງຫົວຟູຂອງ ເຊນິດ ເຊັນ ປີເຕີສະເບີກ ຂະນະດຽວກັນເຊື່ອກັນວ່າ ນາໂປລີ ໄດ້ຍື່ນຂໍ້ສະເໜີປະມານ 25 ລ້ານເອີໂຣບວກກັບໂບນັດເພີ່ມຕື່ມໄປແລ້ວ.

 

ຊາຣາເວຍ ກ່າວວ່າ “ຈະມີໂອກາດໄດ້ເຫັນ ເອັກຕໍ ທີ່ ນາໂປລີ ຫຼື ບໍ່? ໃນຕອນນີ້ຂ້ອຍສາມາດເວົ້າໄດ້ວ່າມັນບໍ່ແມ່ນເລື່ອງງ່າຍ ແຕ່ວ່າຍັງມີເວລາຈົນຮອດວັນທີ 31 ສິງຫາ ເຮົາຈະໄດ້ຮູ້ກັນ”.

 

ບົດຄວາມໃຫມ່ໆ