ເອເຢນຮັບງູໃຫຍ່ຢາກໄດ້ດາມ້ຽນຮ່ວມທັບ

 

ເອເຢນ ມັດເຕໂອ ດາມ້ຽນ ກອງຫຼັງຂອງ ແມນເຊສເຕີ້ ຢູໄນເຕັດ ຮັບຄົນຂອງຕົນໄດ້ຮັບຄວາມສົນໃຈຈາກ ອິນເຕີ ມິລານ ແຕ່ວ່າ ຜີສາດແດງ ບໍ່ຢາກປ່ອຍນັກເຕະອອກມາໃນຕອນນີ້ ລະບຸວ່າຕອນນີ້ສະຖານະການຍັງບໍ່ດີຂຶ້ນອາດຈະຕ້ອງຄິດເລື່ອງການຍ້າຍທີມໃນເດືອນມັງກອນນີ້.

 

ຟາອຸສໂຕ້ ປາຣີ ນາຍໜ້າສ່ວນໂຕຂອງ ມັດເຕໂອ ດາມ້ຽນ ແບັກຂວາຂອງ ແມນເຊສເຕີ້ ຢູໄນເຕັດ ສະໂມສອນຍັກໃຫຍ່ຂອງ ພຣີເມຍລີກ ຍອມຮັບວ່າ ອິນເຕີ ມິລານ ຍັກໃຫຍ່ຂອງ ກັນໂຊ ຊີຣີ ອາ ຢາກໄດ້ເຂົາໄປຮ່ວມທີມ.

 

ນັກເຕະຕົກເປັນຂ່າວຢ່າງຕໍ່ເນື່ອງວ່າຈະຍ້າຍທີມໄປຢູ່ກັບ “ງູໃຫຍ່” ໃນເດືອນມັງກອນນີ້ເນື່ອງຈາກວ່າເຂົາບໍ່ຄ່ອຍໄດ້ຮັບໂອກາດລົງສະໜາມໃຫ້ກັບ ຜີສາດແດງ ນັບຕັ້ງແຕ່ທີ່ ມູຣິນໂຢ ເຂົ້າມາຄຸມທີມໃນລະດູການນີ້.

 

ຕົວແທນຂອງ ດາມ້ຽນ ເຜີຍວ່າ “ເຮົາຕ້ອງເຂົ້າໃຈຄວາມຕ້ອງການຂອງ ແມນເຊສເຕີ້ ຢູໄນເຕັດ ມີບາງສະໂມສອນໃນອີຕາລີທີ່ພະຍາຍາມດຶງເຂົາໄປຮ່ວມທີມແຕ່ວ່າ ແມນຢູ ບໍ່ຕ້ອງການປ່ອຍເຂົາອອກໄປທັນທີ ເຂົາອາດຈະບໍ່ຄ່ອຍໄດ້ລົງສະໜາມຫຼາຍພໍປານໃດເຊິ່ງມັນເປັນເລື່ອງທີ່ໜ້າຜິດຫວັງເພາະເຂົາເປັນນັກເຕະລະດັບທີມຊາດ”.