ເອເຢນຢັນດຣັກສ໌ເລີລາໝາປ່າໄປມ້າລາຍ

 

ເອເຢນຢັນ ຢູລຽນ ດຣັກສ໌ເລີ ປີກຂອງ ເຟົາເອຟແອວ ໂວບບວກ ຈະອຳລາທີມໃນຊຳເມີນີ້ແນ່ນອນ ແລະ ຢາກໄປຫຼິ້ນກັບ ຢູເວັນຕຸດ ໝັ້ນໃຈວ່າ “ມ້າລາຍ” ພ້ອມຈ່າຍເງິນຄ່າໂຕມະຫາສານຫຼັງຫາກໍເກັບກຳໄລກ້ອນໃຫຍ່ຈາກການຂາຍ ພໍ ປັອກບາ.

 

ຟາບິໂອ ປາຣິຊີ ເອເຢນຂອງ ຢູລຽນ ດຣັກສ໌ເລີ ປີກໂຕເກັ່ງຂອງ “ໝາປ່າ” ເຟົາເອຟແວ ໂວບບວກ ສະໂມສອນດັງຂອງ ບຸນເດສລີກາ ເຢຍລະມັນອອກມາຢືນຢັນເມື່ອວັນອາທິດທີ່ຜ່ານມາວ່ານັກເຕະໃນຄວາມດູແລຂອງຕົນຕ້ອງການທີ່ຈະຍ້າຍຈາກຕົ້ນສັງກັດເພື່ອໄປຫຼິ້ກັບ “ມ້າລາຍ” ຢູເວັນຕຸດ ທີມດັງຂອງລີກອີຕາລີ.

 

ດາວເຕະທີມຊາດເຢຍລະມັນຕົກເປັນຂ່າວເລື່ອງການຍ້າຍທີມໂດຍມີ ອາເຊນອນ ສະໂມສອນຍັກໃຫຍ່ຂອງລີກຜູ້ດີອັງກິດສະແດງຄວາມສົນໃຈ ແຕ່ຫຼ້າສຸດ ປາຣິຊີ ອອກມາຢືນຢັນວ່າ ຢູເວ ແມ່ນຕົວເຕັງທີ່ຈະໄດ້ ດຣັກສ໌ເລີ ໄປເສີມທັບສຳລັບລະດູການໜ້າ.

 

“ເຂົາຈະຍ້າຍຈາກ ໂວບບວກ ໃນຊ່ວງຈົບລະດູການນີ້ແນ່ນອນ ເຂົາຍິນດີທີ່ຈະຍ້າຍໄປຮ່ວມທີມ ຢູເວ ແລະ ຖືເປັນນັກເຕະໃນຝັນສຳລັບ ອັນເລກຣີ ຂ້ອຍຂໍຢຳ້ວ່າ ດຣັກສ໌ເລີ ຈະຍ້າຍທີມແຕ່ບໍ່ວ່າ ຢູເວັນຕຸດ ຈະສະແດງຄວາມສົນໃຈອີກເທື່ອໜ່ຶງ ຫຼື ບໍ່ກໍບໍ່ສຳຄັນ ຂ້ອຍຄິດວ່າ “ບຽງໂຄເນຣີ” ສາມາດຈ່າຍເງິນກ້ອນໃຫຍ່ໄດ້ເນື່ອງຈາກລາຍໄດ້ຂອງພວກເຂົາຫຼາຍພໍກັບສະໂມສອນຊັ້ນນຳຂອງເອີຣົບ”.

 

“ກຳໄລທີ່ໄດ້ຮັບຈຳນວນມະຫາສານຈາກການຂາຍ ພໍ ປັອກບາ ຈະສົ່ງຜົນຕໍ່ຄວາມສົມດຸນໃນບັນຊີຂອງພວກເຂົາຕະຫຼອດໄລຍະ 2-3 ປີຕໍ່ຈາກນີ້ ແລະ ເຮັດໃຫ້ ເບັບເປ້ ມາຣັອດຕ້າ ກັບ ຟາບິໂອ ປາຣາຕິຊີ ມີການລົງທຶນເພີ່ມຂຶ້ນ” ປາຣິຊີ ກ່າວ.

 

ສຳລັບ ດຣັກສ໌ເລີ ອາຍຸ 23 ປີຍ້າຍຮ່ວມທີມ ໂວບບວກ ເມື່ອປີ 2015 ຫຼັງຈາກຢູ່ກັບ ຊາວເກ້ 04 ມາຕັ້ງແຕ່ເປັນເຍົາວະຊົນ.