ເອເມຣີ້ບອກຣາບີໂອຕ້ອງເທບກວ່ານີ້ແນ່ນອນ

 

ອູໄນ ເອເມຣີ້ ນາຍໃຫຍ່ຄົນໃໝ່ຂອງ ປາຣີ ແຊັງ-ແຊັກແມັງ ອອກມາໜູນຫຼັງ ອາເດຣີຢົງ ຣາບີໂອ ຈະມີອະນາຄົດສົດໃສກັບທັງຕົ້ນສັງກັດ ແລະ ທີມຊາດຝຣັ່ງ ນັກເຕະເຮັດຜົນງານໄດ້ດີມາຕະຫຼອດຫຼັງຈາກຢຶດຕົວຈິງທຸກນັດໃນເກມລີກກັບຕົ້ນສັງກັດຕັ້ງແຕ່ເຂົາເຂົ້າມາຄຸມບັງຫຽນໃນລະດູການນີ້.

 

ອູໄນ ເອເມຣີ້ ນາຍໃຫຍ່ຄົນໃໝ່ຂອງ ເປເອັດເຊ ສະໂມສອນເງິນໜາຂອງ ລີກແອັງ ອອກມາກ່າວເມື່ອວັນອັງຄານທີ່ຜ່ານມາວ່າເຂົາເຊື່ອວ່າ ເອເດລີຢົງ ຣາບີໂອ ກອງກາງດາວລຸ້ງຂອງທີມຈະມີອະນາຄົດທີ່ດີກັບຕົ້ນສັງກັດຢ່າງແນ່ນອນຫຼັງຈາກໃນລະດູການນີ້ເຂົາໄດ້ຮັບໂອກາດລົງຫຼິ້ນຢ່າງຕໍ່ເນື່ອງ.

 

ດາວເຕະອາຍຸ 21 ປີ ລົງຫຼິ້ນ 24 ນັດໃນລີກເມື່ອລະດູການກ່ອນແຕ່ໃນລະດູການນີ້ເຂົາໄດ້ຮັບໂອກາດເປັນຕົວຈິງຕະຫຼອດ 4 ນັດນັບຕັ້ງແຕ່ ເອເມຣີ້ ເຂົ້າມາຄຸມທັບ ໂດຍກ່ອນໜ້ານີ້ເຂົາຕ້ອງເຂົ້າໆອອກໆທີມເປັນປະຈຳໃນຍຸກຂອງ ໂລຣັອງ ບັອງ ນາຍໃຫຍ່ຄົນກ່ອນ ແລະ ຫຼ້າສຸດອະດີດນາຍໃຫຍ່ ເຊບີຢາ ກໍເຊື່ອໝັ້ນວ່າ ຣາບີໂອ ຈະມີອະນາຄົດທີ່ສົດໃສໃນ ປາກ ເດີ ແພຣັງ ລວມເຖິງທີມຊາດຝຣັ່ງ.

 

“ຂ້ອຍມີຄວາມສຸກກັບ ຣາບີໂອ ເຂົາມີອະນາຄົດທີ່ຍິ່ງໃຫຍ່ກັບ ເປເອັດເຊ ແລະ ທີມຊາດຝຣັ່ງ ຮ່າງກາຍເຂົາມີການອ່ອນລ້າ ເຂົາເຮັດໄດ້ດີຫຼາຍໃນເກມກັບ ກັອງ ຂ້ອຍເວົ້າກັບເຂົາເພາະຂ້ອຍຄິດວ່າເຂົາສາມາດເຮັດໄດ້ດີກວ່ານີ້ເຖິງວ່າສິ່ງທີ່ເຂົາເຮັດມາຕະຫຼອດມັນດີຫຼາຍແລ້ວກໍຕາມ” ເອເມຣີ້ ກ່າວ.