ເອົາແທ້!! ຫົງທາມເວົາຄັອດເສີມທັບ

 

ລີເວີພູ ຕົກເປັນຂ່າວວ່າໄດ້ທາບທາມ ທີໂອ ເວົາຄັອດ ຫົວຫອກຕີໄຟຂອງ ອາເຊນອນ ໂດຍຫວັງດຶງມາເສີມທັບໃນຊ່ວງຊຳເມີນີ້ຫຼັງຈາກທີ່ນັກເຕະທີມຊາດອັງກິດບໍ່ໄດ້ຮັບຕຳແໜ່ງຕົວຈິງກັບ “ປືນໃຫຍ່” ແຕ່ວ່າ “ຫົງແດງ” ກໍຕ້ອງຈ່າຍເງິນກ້ອນໃຫຍ່ຖ້າວ່າຢາກໄດ້ແທ້.

 

“ຫົງແດງ” ລີເວີພູ ສະໂມສອນຍັກໃຫຍ່ຂອງ ພຣີເມຍລີກຕົກເປັນຂ່າວວ່າໄດ້ຕິດຕໍ່ທາບທາມ ທີໂອ ເວົາຄັອດ ກອງໜ້າຂອງ “ປືນໃຫຍ່” ອາເຊນອນ ເຖິງຄວາມສົນໃຈທີ່ຈະຍ້າຍໃນຊ່ວງຊຳເມີນີ້ ຈາກການລາຍງານເມື່ອຕອນເຊົ້າວັນຈັນທີ່ຜ່ານມາ.

 

ດາວເຕະທີມຊາດອັງກິດຟອມຕົກຢ່າງໜັກນັບຕັ້ງແຕ່ຂຶ້ນປີໃໝ່ມາ ແລະ ສ່ວນໃຫຍ່ຈະເປັນພຽງຕົວສຳຮອງຫຼັງຈາກທີ່ ອະເລັກ ອີໂວບີ ກ້າວຂຶ້ນມາປ່ອຍຟອມເທບ ແລະ ຈາກການເສຍຕຳແໜ່ງຕົວຈິງສົ່ງຜົນໃຫ້ເຂົາຕ້ອງຫຼຸດຈາກ “ສິງໂຕຄຳລາມ” ຊຸດລຸຍບານ ຢູໂຣ 2016 ໂດຍ ເຈມີ ວາດີ ກັບ ມາຄັສ ຣັສຝອດ ເຂົ້າມາແທນ.

 

ກ່ອນໜ້ານີ້ ເວົາຄັອດ ຕົກເປັນຂ່າວກັບ ເວສແຮມ ຢູໄນເຕັດ ແຕ່ຫຼ້າສຸດເຊື່ອກັນວ່າ ລີເວີພູ ໄດ້ຕິດຕໍ່ໄປຫາໂຕນັກເຕະແລ້ວ ແລະ “ຫົງແດງ” ກໍພ້ອມທີ່ຈະຈ່າຍເງິນຄ່າຫົວເຖິງ 25 ລ້ານປອນພ້ອມກັບມອບຄ່າເມື່ອຍໃຫ້ກັບນັກເຕະເຖິງອາທິດລະ 120,000 ປອນ.

 

ຂະນະທີ່ນາຍໜ້າຂອງນັກເຕະຄາດວ່າໄດ້ຮັບການຕິດຕໍ່ຈາກ ລີເວີພູ ແລ້ວເນື່ອງຈາກ “ຫົງແດງ” ຢາກຮູ້ວ່ານັກເຕະສົນໃຈທີ່ຈະຍ້າຍມາຫຼິ້ນໃນຖິ່ນແອນຟິວ ຫຼື ບໍ່.