ເອົາຖືກໄວ້ກ່ອນ!!ບາຊາເລັງດຶງອິວານໂນວິດແກ້ຂັດ

 

ບາເຊໂລນາ ມີຂ່າວລືວ່າສົນໃຈໃຊ້ບໍລິການຄວາມເກົ໋າຂອງ ບຣານິສລາຟ ອິວານໂນວິດ ແບັກປະສົບການສູງຂອງ ເຊວຊີ ຫຼັງຈາກທີ່ຫຼຸດຈາກທີມຕົວຈິງຂອງ ອັນໂຕນິໂອ ຄອນເຕ ແລະ ອາດຈະຖືກປ່ອຍໂຕໃຫ້ອອກຈາກທີມ.

 

ບາເຊໂລນາ ສະໂມສອນຍັກໃຫຍ່ຂອງ ລາ ລີກາ ສະເປນຕົກເປັນຂ່າວວ່າຈະເຂົ້າຮ່ວມວົງລ່າໂຕ ບຣານິສລາຟ ອິວານໂນວິດ ກອງຫຼັງທີມຊາດເຊີເບຍຂອງ ເຊວຊີ ຫຼັງຈາກກຳລັງຈະໝົດສນັນຍາ ແລະ ຫຼຸດຈາກທີມຕົວຈິງຂອງ ອັນໂຕນິໂອ ຄອນເຕ ຜູ້ຈັດການທີມຈົນມີຂ່າວລືອີກວ່າຢາກຈະຍ້າຍທີມ.

 

ບາຊາ ໃຊ້ງານ ເຈສຊີ ໂຣເບໂຕ ກອງກາງທຳມະຊາດຫຼິ້ນແບັກຂວາຕົວຈິງຫຼັງຈາກທີ່ ແດນນີ ອາວເວສ ໝົດສັນຍາ ແລະ ຍ້າຍໄປຢູ່ກັບ ຢູເວັນຕຸດ ເຮັດໃຫ້ມີຂ່າວຕໍ່ເນື່ອງວ່າພວກເຂົາເບິ່ງຫານັກເຕະມາເສີມທັບໃນຕຳແໜ່ງດັ່ງກ່າວເຊິ່ງ ອິວານໂນວິດ ເປັນຊື່ຫຼ້າສຸດຫຼັງຈາກມີບັນຫາຟອມຕົກຕັ້ງແຕ່ລະດູການກ່ອນ ແລະ ປີນີ້ຫຼຸດຈາກທີມຕົວຈິງແຖມຍັງມີບັນຫາບາດເຈັບໂດຍຕະຫຼອດ 4 ເກມຫຼັງສຸດໄດ້ເປັນຕົວຈິງພຽງນັດດຽວ.

 

ນອກຈາກ ອິວານໂນວິດ ແລ້ວ ບາຊາ ຍັງຖືກຈັບໄປໂຍງວ່າສົນໃຈ ສະເຕຟານ ລິກສະໄຕເນີ ແບັກຂວາຂອງ ຢູເວັນຕຸດ ແລະ ດາຣິໂອ ເຊີນາ ແບັກໂຄເອເຊຍຂອງ ຊັກເຕີ ໂດເນດ ລວມເຖິງຂອງແພງຄື ຊູເອົາ ການເຊໂລ ແບັກດາວລຸ້ງທີມຊາດປັອກຕຸຍການຂອງ ບາເລັນເຊຍ.