ເອັນຣິເກ ບອກ ບາຊາ ສຸດເທບຫຼັງຈາກທີ່ໄດ້ແຊມສະໂມສອນໂລກ

ຫຼຸຍ ເອັນຣິເກ ນາຍໃຫຍ່ ບາເຊໂລນາ ເປີດເຜີຍລູກທີມຂອງຕົນສະແດງໃຫ້ເຫັນເຖິງຄວາມເປັນນ້ຳໜຶ່ງໃຈດຽວກັນ ແລະ ຟອມຂັ້ນເທບໃນເກມທີ່ໄລ່ທຸບ ຣິເວີເພຣດ 3-0 ຄວ້າແຊມ ຟີຟາ ຄລັບ ເວີນ ຄັບ ຫຼື ບານເຕະຊິງແຊມສະໂມສອນໂລກ ເມື່ອວັນອາທິດທີ່ຜ່ານມາ.

 

ຫຼຸຍ ເອັນຣິເກ ນາຍໃຫຍ່ ບາເຊໂລນາ ສະໂມສອນດັງຈາກ ລາ ລີກາ ສະເປນ ລະບຸຄວ້າແຊມ ຟີຟາ ຄລັບ ເວີນ ຄັບ 2015 ເປັນການສະແດງໃຫ້ເຫັນເຖິງຄວາມເປັນນ້ຳໜຶ່ງໃຈດຽວກັນ ແລະ ການຫຼິ້ນທີ່ດີຂອງທັບ “ເຈົ້າບຸນທຸ່ມ” ຢ່າງແທ້ຈິງ.

 

ບາຊາ ປ່ອຍຟອມໄດ້ຢ່າງເທບເມື່ອເຂົາສາມາດເອົາຊະນະ ຣິເວີເພຣດ ໄປໄດ້ແບບບໍ່ຍາກ 3-0 ໂດຍໄດ້ປະຕູຈາກ ເມສຊີ ແລະ ຫຼຸຍ ຊົວເຣດ 2 ປະຕູ ດ້ວຍຜົນງານແບບນີ້ເຮັດໃຫ້ ເອັນຣິເກ ຢືນຢັນວ່າທີມຂອງຕົນກຳລັງເຮັດຜົນງານໄດ້ຢ່າງສຸດຍອດ.

 

“ຖ້າມີບາງສິ່ງທີ່ນັກເຕະ ແລະ ສະໂມສອນແຫ່ງນີ້ຕ້ອງການສະແດງໃຫ້ເຫັນວ່າ ສິ່ງນີ້ແມ່ນຄວາມກະຫາຍຢ່າງບໍ່ມີມື້ໝົດໃນການເປັນແຊມ ແລະ ວິທີການຫຼິ້ນທີ່ພວກເຂົາເອົາຊະນະຄູ່ແຂ່ງ ບາຊາ ຍັງຫຼິ້ນໄດ້ຢ່າງໂດດເດັ່ນ ລວມທັງສະແດງແນວຄິດກ່ຽວກັບການຫຼິ້ນບານເຕະ ຢ່າງຊັດເຈນ” ນັກເຕະເຫຼົ່ານີ້ມີຄວາມເປັນນ້ຳໜຶ່ງໃຈດຽວກັນ ແລະ ເຂົາກຳລັງເຮັດຜົນງານໄດ້ຢ່າງດີ” ເອັນຣິເກ ກ່າວ.

................................................................................................................................................................................